KPT+

កសាងប្រេនបានល្បីត្រដែត បុគ្គលក៏ក្លាយជាមហាសេដ្ឋីក្នុងវិស័យម៉ូដដូចគ្នា

បានផុស

៥ years មុន

នៅ

ថ្ងៃអង្គារ ២៧ តុលា ២០២០

ដោយ

Hermes, Louis Vuitton, Uniqlo, H&M និង Gucci គឺជាឈ្មោះប្រេនល្បីៗដែលយើងតែងលឺជារាល់ថ្ងៃ ។ តើសហគ្រិនរូបណាខ្លះ ដែលបានចាប់ផ្ដើមបង្កើតម៉ាកទាំងនោះ រហូតប្រែក្លាយវិស័យម៉ូដ ទៅជាឧស្សាហកម្មពិភពលោក ឲ្យមនុស្សបានស្គាល់មកសព្វថ្ងៃនេះ។

ចង់ដឹងថាបុគ្គលណាដែលមានទ្រព្យសម្បត្តិច្រើនជាងគេ នៅក្នុងឧស្សាហកម្មបង្ហាញម៉ូដ មកមើលទាំងអស់គ្នា៖

១. Bernard Arnault ( ១១៨,១ ពាន់លានដុល្លារ)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Arnault គឺជាប្រធាននិងជានាយកប្រតិបត្តិរបស់ LVMH ដែលជាក្រុមហ៊ុនទំនិញប្រណីតធំបំផុតរបស់ពិភពលោក។ Arnault ក្លាយជាអ្នកមានបំផុតនៅលើពិភពលោកក្នុងរយៈពេលខ្លីមួយ នៅខែ មករា ឆ្នាំ ២០២០ ។ Arnault ផ្អែកលើម៉ាកជាង ៧០ (ស្ទើរតែស្មើនឹងអាយុ ៧១ ឆ្នាំ) ហើយរួមមានក្រុមហ៊ុន Louis Vuitton, Dior, Moet-Hennesy, Christian Dior, Sephora និង Bulgari ។

២. Amancio Ortega (៦៥,៤ ពាន់លានដុល្លារ)

Inditex គឺជាក្រុមហ៊ុនលក់រាយសំលៀកបំពាក់ធំជាងគេបំផុតនៅលើពិភពលោក ហើយ Ortega គឺជាម្ចាស់ក្រុមលក់រាយម៉ូដអេស្ប៉ាញនៃ Inditex និងជាម្ចាស់ក្រុមហ៊ុន Zara, Pull & Bear, Bershka, Massimo Dutti, Stradivarius និងម៉ាកជាច្រើនទៀត។

Ortega ក៏ជាម្ចាស់ក្រុមហ៊ុនឥស្សរជន ៥៩ ភាគរយនៃក្រុមហ៊ុន Inditex ដែលលោកបានបង្កើតជាមួយអតីតភរិយាឈ្មោះ Rosalia Mera ក្នុងឆ្នាំ ១៩៧៥ ។

៣. Phil Knight (៤៤,៧ ពាន់លានដុល្លារ)

Knight បានទៅសាកលវិទ្យាល័យ Oregon ហើយបានបង្កើតស្បែកជើងម៉ាក Nike ដោយមានជំនួយពីអតីតគ្រូបង្វឹកលោក Bill Bowerman។ នៅឆ្នាំ ១៩៦៤ ពួកគេបានចាយប្រាក់ ៥០០ ដុល្លារដើម្បីចាប់ផ្ដើមគ្រប់យ៉ាងទាំងអស់ ដែលក្រោយមកត្រូវបានគេស្គាល់ថាជាក្រុមហ៊ុន Nike។ ប្រាក់ចំណូលរបស់ Nike សព្វថ្ងៃមានដល់ ៤៤ ពាន់លានដុល្លារអាមេរិក។

៤. François Pinault (៤៣,៣ ពាន់លានដុល្លារ)

Pinault គឺជាម្ចាស់នៃក្រុមប្រណីត Kering ដែលរួមបញ្ចូលទាំងម៉ូដល្បីៗ ដូចជា Gucci, Alexander McQueen និង Saint Laurent ។ Pinault និងក្រុមគ្រួសារក៏ជាម្ចាស់ផ្ទះនៃការដេញថ្លៃរបស់ Christie និងការប្រមូលសិល្បៈចំនួន ៣០០០ ផ្នែកជាមួយនឹងស្នាដៃរបស់ Picasso, Mondrian និង Jeff Koons ជាដើម។

៥. Tadashi Yanai (៣១.៥ ពាន់លានដុល្លារ)

Yanai ជាម្ចាស់សំលៀកបំពាក់ជប៉ុន ដែលជាក្រុមហ៊ុនលក់រាយធំជាងគេនៅអាស៊ី គឺក្រុមហ៊ុន Uniqlo ។ រឿងជោគជ័យរបស់លោកពិតជាគួរឲ្យចាប់អារម្មណ៍ជាខ្លាំង គឺ Yanai បានបើកហាង Uniqlo ដំបូងនៅឆ្នាំ ១៩៨៤ នៅតាមចិញ្ចើមផ្លូវ ហើយចាប់តាំងពីពេលនោះមក លោកបានពង្រីកយីហោជប៉ុនរហូតដល់ជាង ២០០០ ហាងនៅក្នុង ២០ ប្រទេស។

ចំណែកប្រាក់ចំណូលរបស់ក្រុមហ៊ុនក្នុងឆ្នាំចុងក្រោយនេះ មានចំនួន ២១,៣ ពាន់លានដុល្លារអាមេរិក។

៦. Gerard និង Alain Wertheimer ( ២៤,៦ ពាន់លានដុល្លារអាមេរិក )

បងប្អូនរបស់លោក Wertheimer គឺជាសហម្ចាស់នៃអាណាចក្រ Chanel និងត្រូវបានគេហៅថាជា“ មហាសេដ្ឋីដែលមានភាពស្ងប់ស្ងាត់បំផុតនៅក្នុងវិស័យម៉ូដ” ។ Alain មានតួនាទីជាប្រធានក្រុមហ៊ុន Chanel ខណៈពេលដែលលោក Gerard ជាអ្នកគ្រប់គ្រងផ្នែកនាឡិការបស់ក្រុមហ៊ុននៅប្រទេសស្វីស។

ក្រៅពីម៉ាក Chanel បងប្អូនទាំងពីរនេះជាម្ចាស់ចម្ការទំពាំងបាយជូរជាច្រើននៅបារាំង និង នៅជ្រលងភ្នំ Napa napa ៕

ប្រែសម្រួល៖ សាង ស្រីល័ក្ខ

ប្រភព៖scmp

ចុចអាន៖

Related Topics:មហាសេដ្ឋី