KPT+

ឥឡូវនេះ សមាធិនៅកន្លែងធ្វើការ ជារឿងដ៏ពេញនិយមថ្មី!

បានផុស

៤ years មុន

នៅ

ថ្ងៃអង្គារ ២០ តុលា ២០២០

ដោយ

Sonya

សមាធិ គឺជាការអនុវត្តមួយដែល បង្រៀនយើងពីរបៀបគ្រប់គ្រងផ្លូវចិត្តនិងការពារសុខភាពផ្លូវអារម្មណ៍។

ថ្ងៃនេះ Kpt plus នឹងណែនាំពីវិធីសមាធិរយៈពេល១៥នាទី សម្រាប់បុគ្គលដែលចង់ឱ្យដួងចិត្តស្ងប់ស្ងាត់តតាំងជម្នះជាមួយភាពតឹងតែង ក្នុងសង្គមនាពេលបច្ចុប្បន្ននេះនិងយកទៅកែលម្អបរិយាកាសនៅកន្លែងធ្វើការរបស់ពួកគេផង។

ថ្ងៃទី១ សមាធិ ១០ទៅ១៥ នាទី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ថ្ងៃដំបូង លោកអ្នកអាចទាញយកកម្មវិធីធ្វើសមាធិសាកល្បងណាមួយ ដែលមើលទៅទាក់ទាញឬចូលចិត្ត។ រកសមាធិណាដែលមានការណែនាំត្រឹមរយៈពេលប្រហែល ១០ទៅ១៥ នាទីសិន។ ពីរបីថ្ងៃដំបូងប្រាកដជាលំបាក ដោយសារយើងមិនធ្លាប់ ដូច្នេះគួរជឿជាក់លើខ្លួនឯងនឹងព្យាយាម ។

ថ្ងៃទី២ រាប់ដង្ហើមនឹងរាប់សមាធិ ១៥ នាទីម្ដង

កំណត់កម្មវិធីប្រហែលរយៈពេល១៥នាទី នៅពេលអ្នកឈប់សម្រាកបាយថ្ងៃត្រង់ ឬមុនពេលធ្វើការ។ បិទភ្នែករបស់អ្នក ហើយចាប់ផ្ដើមដកដង្ហើមយឺតៗ រួចរាប់ដង្ហើមទាំងដង្ហើមចេញនឹងដង្ហើមចូល។ ធ្វើម្ដងទៀតរយៈពេល១៥ នាទី នោះនឹងមានអារម្មណ៍ថាស្រឡះចិត្តជាងមុន។

ថ្ងៃទី៣ សមាធិ១៥នាទី ដើម្បីបរិភោគអារម្មណ៍

ធ្លាប់លឺតែបរិភោគអាហារ តែនេះក៏មានបរិភោគអារម្មណ៍បានដែរ! មិនចម្លែកឡើយ នេះបើផ្អែកលើអ្នកជំនាញមូលដ្ឋានបាននិយាយថា ក្នុងរយៈពេល២ថ្ងៃកន្លងមកនេះ ជាពេលវេលាដើម្បីបញ្ចូលសមាធិនៃការគិតនៅក្នុងជីវិតប្រចាំថ្ងៃរបស់អ្នក។ រយៈពេល១៥ នាទីដំបូងនៃអាហារថ្ងៃត្រង់ សូមព្យាយាមកំណត់វាឲ្យបាន ត្រូវផ្ដោតអារម្មណ៍លើដង្ហើមរបស់អ្នក ហើយប្រើវិធីសាស្ត្របន្ធូរអារម្មណ៍ដើម្បីឲ្យដូចជាការទទួលទានអាហារ។ ពេលសមាធិ បើសិនអ្នកគិតបែបនេះ វានឹងផ្សារភ្ជាប់អ្នកទៅនឹងបរិស្ថានធ្វើឱ្យសមត្ថភាពរបស់អ្នកមានការយល់ដឹងកាន់តែច្បាស់ នៅគ្រប់ពេលវេលាមិនខាន។

ថ្ងៃទី៤ ធ្វើសមាធិដើរ ១៥ នាទី

វិធីសាស្ត្រនេះរហាក់ចម្លែកបន្តិច តែមានប្រសិទ្ធភាព អ្នកគ្រាន់តែដើរពីផ្ទះទៅកន្លែងការងារ ឬពីកន្លែងទទួលទានអាហារដើម្បីធ្វើសមាធិ ក៏អាចធ្វើឲ្យអារម្មណ៍របស់អ្នកបានធូរស្បើយច្រើនដែរ។ ការដើរសមាធិបែបនេះនឹងធ្វើឲ្យអ្នកយល់ដឹងពីសេរីរាង្គកាយខ្លួនបានច្រើន ឬអាចកត់សម្គាល់ថា តើផ្នែកជាច្រើននៃរាងកាយរបស់អ្នកកំពុងធ្វើចលនាក្នុងពេលតែមួយមែនទេ?

ថ្ងៃទី៥ គិតសន្សឹមៗក្នុងពេលសមាធិ ១៥ នាទី

សម្រាប់ថ្ងៃបញ្ចប់ អ្នកអាចអង្គុយក្នុងទីតាំងណាមួយសមរម្យ នៅពេលសម្រាកនៅកន្លែងធ្វើការ។ អ្នកត្រូវដកដង្ហើមចូរយឺតៗសន្សឹមៗ វានឹងជួយស្រូបទាញការយល់ដឹងរបស់អ្នកទៅដង្ហើមចូលមួយកន្លែងទៀតដែលស្ងប់ស្ងៀមបំផុត។ កត់សំគាល់ដង្ហើមរបស់អ្នក ដោយផ្ដោតអារម្មណ៍ទៅលើរាងកាយផ្សេងទៀតរបស់ខ្លួនឯង។

នៅពេលដែលអ្នកបញ្ចប់វិធីទាំង៥នេះរួច ក្នុងរយៈពេល៥ថ្ងៃអ្នកនឹងមានការយល់ដឹងកាន់តែច្បាស់អំពីខ្លួនឯង។ សមាធិធ្វើឲ្យអ្នកដឹងអំពីគំនិតនៃការភ័យខ្លាច ការលើកទឹកចិត្ត នឹងការលំបាកណាមួយដែលកំពុងតែប្រឈមមុខ ជាពិសេសវាជួយទម្លុះភាពនូវស្ងៀមស្ងាត់ ក្នុងអារម្មណ៍របស់អ្នកបានច្រើន។

មិនជឿមែនទេ? ប្រិយមិត្តអាចសាកល្បងធ្វើវាបាន មិនថាកន្លែងការងារ ឬដើរចេញទៅទទួលទានអាហារឡើយ!

ប្រែសម្រួល៖ សាង ស្រីល័ក្ខ

ចុចអាន៖ ញុំគួរសង់ផ្ទះក្នុងព្រៃមួយសម្រាប់លំហែរដែរទេ?

Related Topics:សមាធិ