KPT+

ផ្ដល់កម្លាំងចិត្តឲ្យខ្លួនឯង តាមរបៀប ៥ នេះ បើកំពុងតែរងសំពាធពីការងារ

បានផុស

២ years មុន

នៅ

ថ្ងៃចន្ទ ១៧ តុលា ២០២២

ដោយ

សល់តែប៉ុន្មានខែទៀតទេ នឹងដាច់ឆ្នាំ ដូច្នេះហើយបានជាមានមនុស្សជាច្រើនបានឆ្លងកាត់ការគិតរួចហើយថា ខ្លួនទៅវិស្សមកាល ឬទៅកន្លែងណាមួយ។

ប៉ុន្តែទន្ទឹមនោះ ក៏មានការងារនិងបន្ទុកដែលត្រូវរង់ចាំជម្រះ រហូតដល់មានការងារលើសចំណុះ។ វាក៏ភ្ជាប់មកជាមួយសម្ពាធដើម្បីបញ្ចប់ចុងឆ្នាំនេះ ខណៈឃើញមិត្តភ័ក្តិជាច្រើនចាប់ផ្ដើមមានគម្រោងធ្វើដំណើរ រៀបចំសម្រាប់វិស្សមកាលជាប់ៗគ្នា។ ចំណែកយើងនៅតែអង្គុយនៅមុខកុំព្យូទ័រ ហើយធ្វើការ។ តើត្រូវធ្វើរបៀបម៉េច ដើម្បីបានធូរស្រាលផ្នែកផ្លូវចិត្ត។

១ ទុកពេលឲ្យខ្លួនឯងសម្រាប់រឿងដែលអ្នកចូលចិត្ត

ហត់ហើយ សុំសម្រាកបន្តិច បន្ទាប់មក ទុកពេលឲ្យខ្លួនឯង ដើម្បីបញ្ចូលថាមពលជាមួយនឹងអ្វីៗដែលអ្នកចូលចិត្ត។ ថាតើសកម្មភាព ឬចំណូលចិត្តដែលចូលចិត្ត មើលកុន ស្តាប់តន្ត្រី ដើរលេងជាមួយមិត្តភ័ក្ដិ ដើរទិញឥវ៉ាន់ លេងភ្លេង អានសៀវភៅ ធ្វើម្ហូប ធ្វើដំណើរកម្សាន្ត ទៅឆ្នេរសមុទ្រ ឡើងភ្នំជាដើម។ មិនមែនមានន័យថា អ្នកត្រូវធ្វើដំណើរជុំវិញពិភពលោកតែម្នាក់ឯងនោះទេ។ ប៉ុន្តែធ្វើអ្វី ដែលយើងអាចរីករាយ។ ដោយមិនបារម្ភ ពេលវេលាប្រកបដោយគុណភាពជាមួយនឹងអ្វីដែលយើងចូលចិត្ត វានឹងផ្ដល់ឲ្យយើងនូវកម្លាំង ដើម្បីតទល់នឹងរឿងធ្ងន់ៗផ្សេងទៀតក្នុងជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ បោះបង់របស់ចាស់ រៀនអ្វីថ្មី

ប្រហែលជាការលង់ខ្លួនក្នុងរឿងដដែលៗ ហើយធ្វើរឿងដដែលៗម្ដងហើយម្ដងទៀត អាចធ្វើឲ្យរាងកាយ និងចិត្តរបស់យើងនឿយហត់។ ប្រសិនបើយើងផ្តល់ឱកាសឲ្យខ្លួនយើង ដើម្បីសាកល្បងអ្វីថ្មី ឬរៀនអ្វីថ្មី វាអាចជួយឲ្យយើងសម្រាក។ ព្រោះយើងចាប់ផ្ដើមពីដើមដោយស្រេកឃ្លានការសិក្សា។ កុំដាក់សម្ពាធលើខ្លួនឯង ឬរំពឹងលើខ្លួនឯងច្រើនពេក ហើយវាក៏អាចនាំឲ្យយើងស្វែងរកអ្វីដែលថ្មី ដែលយើងចូលចិត្ត ជាមធ្យោបាយនៃការរកឃើញខ្លួនឯងបន្ថែមទៀតផងដែរ។

៣ ចិត្តវិទ្យា៖ រៀននិងយល់ពីខ្លួនឯងឲ្យបានច្រើន

វាអាចក្លាយជាការភ្ញាក់ផ្អើលមួយ ដែលការទទួលយកកម្រងសំណួរចិត្តវិទ្យាអាចជួយអ្នកឲ្យបញ្ចូលថាមពលឡើងវិញ ។ ជារឿយៗវាជួយយើងឲ្យ “ដឹង” និង “យល់” ខ្លួនយើងកាន់តែច្រើន ដោយដឹងពីចំណុចខ្សោយ ចំណុចខ្លាំង និងចំណូលចិត្តរបស់យើង។ អ្វីសមរម្យសម្រាប់យើង បរិយាកាសណាមួយ ការងារណាក៏ដោយ មនុស្សប្រភេទណា តើយើងគួរខ្លាចក្នុងស្ថានភាពអ្វី? ឬស្ថានភាពណាមួយនឹងជំរុញយើង នៅពេលដែលយើងយល់ពីខ្លួនឯងកាន់តែច្រើន វាជាការប្រសើរក្នុងការដោះស្រាយជាមួយនឹងភាពហត់នឿយ នៅក្នុងចិត្តរបស់អ្នកផងដែរ។

៤ គិតវិជ្ជមាន ជីវិតមិនអាក្រក់នោះទេ

ឈប់គិតរឿងអវិជ្ជមាន ឈប់ខ្វល់ខ្វាយនឹងឧបសគ្គនៅតាមផ្លូវ ទោះអ្នកធ្វើអ្វីក៏បញ្ហាអាចកើតឡើង។ អ្នកអាចដួលហើយក្រោកឡើង ជំនួសឲ្យការព្រួយបារម្ភ ប្តូរមកគិតពីរសជាតិនៃភាពជោគជ័យដែលយើងនឹងភ្លក់ ជំនួសឲ្យអ្វីដែលល្អដែលនឹងកើតឡើង ប្រសិនបើយើងអាចធ្វើបានដូចកូនក្មេង ឪពុកម្តាយតែងតែមានល្បិចតូចៗដើម្បីជួយកូនៗរបស់ពួកគេឲ្យមានការលើកទឹកចិត្តនៅពេលរៀន ឧទាហរណ៍ប្រសិនបើពួកគេប្រឡងជាប់ ពួកគេអាចទៅលេងសមុទ្របាន។ ដូចគ្នានឹងជីវិតការងាររបស់យើងដែរ បើយើងអាចធ្វើបាន យើងនឹងមានមោទនភាពចំពោះការងាររបស់យើង។

៥ សម្រាកឲ្យបានច្រើន គេងលក់ស្រួល

សំខាន់បំផុតចុងក្រោយ ហើយមនុស្សជាច្រើនដែលប្រញាប់ប្រញាល់ដើម្បីជោគជ័យ ប្រហែលជាភ្លេចផ្ដោតលើចំណុចនេះដែលជាការគេងមិនលក់ឬការគេងមិនគ្រប់គ្រាន់ មិនត្រឹមតែធ្វើឲ្យរាងកាយយើងយ៉ាប់ទៅវិញ។ ប៉ុន្តែចិត្តរបស់យើងត្រូវបានប៉ះពាល់ដោយផ្ទាល់។ ខួរក្បាលមិនច្បាស់លាស់ គិតយឺត មានអារម្មណ៍មួម៉ៅ ងាយឆាប់ខឹង។ គ្មានថាមពល កកកុញក្នុងរយៈពេលយូរ ។ ការគេងប្រកបដោយគុណភាព ម៉ោងគេងគឺជាពេលគេង ឈប់គិតពីការងារ សម្រាកខួរក្បាលរបស់អ្នក ឈប់លេងទូរសព្ទរបស់អ្នក ទុកឲ្យឆ្ងាយពីខ្លួនទើបជួយឲ្យគេងលក់ស្រួល។

អត្ថបទ ៖ សាង ស្រីល័ក្ខ

ចុចអាន៖គន្លឹះ ៥ យ៉ាង ចាកឆ្ងាយពីក្រុមការងារពូកែនិយាយដើម ឬចាំតែចាក់ចេកចាក់ស្ករ

ចុចអាន៖មុនដាក់ពាក្យសុំច្បាប់ឈប់សម្រាក ក្រឡេកមើល ៥ គន្លឹះនេះសិន