KPT+

ទិសដៅទេសចរណ៍ស្រស់ស្រាយ ៨ កន្លែង ក្នុងទីក្រុងតូក្យូ

បានផុស

២ years មុន

នៅ

ថ្ងៃសុក្រ ៤ វិច្ឆិកា ២០២២

ដោយ

ប្រទេសជប៉ុនជាប្រទេសមួយក្នុងចំណោមប្រទេសជាច្រើន ដែលមនុស្សប៉ងចង់ទៅហោចណាស់មួយដងក្នុងមួយជីវិត។ ជប៉ុនល្បីល្បាញណាស់អំពីសីលធម៌ បច្ចេកវិទ្យា និងគុណភាពទំនិញ។ ដូច្នេះបើអ្នកមានឱកាសទៅលេង សូមកុំភ្លេចទីកន្លែងទាំង ៨ នេះឲ្យសោះ៖

១. ប្រាសាទ Sensoji

ប្រាសាទ Sensoji គឺជាគោលដៅដ៏ពេញនិយមមួយសម្រាប់ភ្ញៀវទេសចរ។ ក្រៅពីច្រកទ្វារ Kaminarimon ទីនោះមានផ្លូវដើរទិញវត្ថុអនុស្សាវរីយ៍ (Nakamise Dori) ដែលនាំអ្នកទស្សនាទៅដល់ភាពស្មុគស្មាញនៃរចនាសម្ព័ន្ធសាសនាដ៏គួរឱ្យចាប់អារម្មណ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. កន្លែងទីសក្ការបូជា Meiji Jingu

Meiji Jingu ស្ថិតនៅក្នុងព្រៃដ៏ស្ងប់ស្ងាត់មួយ មិនឆ្ងាយប៉ុន្មានពីស្ថានីយ៍ JR Harajuku ទេ ។ ទីសក្ការៈបូជានេះសាងសង់ឡើងដើម្បីរំលឹកគុណូបការៈរបស់ព្រះចៅអធិរាជ Meiji និងព្រះចៅអធិរាជ Shoken ។

៣. សួន Hamarikyu

សួន Hamarikyu គឺជាកន្លែងដ៏ល្អសម្រាប់សម្រាកលំហែកាយ និងដើម្បីឆ្លុះបញ្ចាំងពីប្រវត្តិសាស្រ្តនៃទីក្រុងតូក្យូកាលគេហៅថា Edo នៅឡើយ ។ ស្តេចសក្តិភូមិផ្សេងៗគ្នាបានប្រើប្រាស់កន្លែងនេះសម្រាប់គោលបំណងផ្សេងៗ រាប់ចាប់ពីការសូត្រ និងការដាំដុះស្រូវ រហូតដល់ការហ្វឹកហ្វឺនយោធា។

៤. សារមន្ទីរ ស្ថាបត្យកម្មបើកចំហេ Edo-Tokyo

អ្នកគួរចំណាយពេលពេញមួយថ្ងៃចេញពីទីក្រុង ដើម្បីមកទស្សនាសារមន្ទីរនៃអគារប្រវត្តិសាស្ត្រខាងក្រោមនេះ។ វាស្ថិតនៅក្នុងឧទ្យានដ៏ស្រស់ស្អាតមួយនៅជាយក្រុងភាគខាងលិចនៃទីក្រុងតូក្យូ។

៥. ប៉មលើអាកាសតូក្យូ

នៅថ្ងៃស្រឡះ ជាថ្ងៃដែលអ្នកគួរឡើងប៉មនោះមើលទេសភាពទីក្រុងដ៏ធំរបស់តូក្យូឲ្យកាន់តែច្បាស់ ប៉ុន្តែវាមិនត្រូវបានណែនាំឲ្យអ្នកខ្សោយបេះដូងឡើងទេគឺសម្រាប់តែអ្នកចូលចិត្តការរំភើបតែប៉ុណ្ណោះ។

**Beautiful view of tokyo city with Tokyo sky tree**

៦. Jiyugaoka

Jiyugaoka គឺជាសង្កាត់មួយពោរពេញដោយ ហាងលក់ទំនិញ របៀបរស់នៅ ភោជនីយដ្ឋានដ៏ទាក់ទាញនិងទាន់សម័យ។ អ្នកនឹងទទួលបានអារម្មណ៍នៃជីវិតរស់នៅប្រចាំថ្ងៃដ៏ទំនើបក្នុងទីក្រុងតូក្យូ។

៧. Shinbashi

មកទីនេះដើម្បីស្វែងយល់ពីរបៀបដែលជនជាតិជប៉ុន កាត់ស្ត្រេស បន្ទាប់ពីការងាររវល់ពេញមួយថ្ងៃ វាក៏ជាកន្លែងល្អបំផុតសម្រាប់អ្នកបន្ទាប់ពីដើរលេងពេញមួយថ្ងៃដូចគ្នា។

៨. កន្លែងសម្រាប់អ្នកចូលចិត្ត Anime

Ikebukuro, Nakano និង Akihabara សុទ្ធតែជាកន្លែងដែលអ្នកស្រលាញ់ animeត្រូវតែទៅឲ្យបានម្ដងក្នុងមួយឆាកជីវិត នៅទីនោះសម្បូរទៅដោយហាងលក់វត្ថុអនុស្សាវរីយ៍ទាក់ទងនឹងតុក្កតា ទាក់ទាញដោយផ្លាកតុក្កតាធំៗតែម្ដង៕