KPT+
អត្ថប្រយោជន៍ ៧ យ៉ាង ពីការទទួលទានអយស្ទ័រ
អយស្ទ័រជាអាហារដ៏ពេញនិយមមួយនាពេលល្ងាច ដែលមនុស្សទូទៅចូលចិត្តបរិភោគវាទាំងឆៅជាមួយខ្ទឹមក្រហមបំពង ស្លឹកកន្ធុំថេត និងទឹកត្រីបុក ខណៈអ្នកខ្លះទៀត ញ៉ាំតែវាសុទ្ធក៏មានដែរ ហើយការញ៉ាំអយស្ទ័រមិនត្រឹមតែឆ្ងាញ់ទេ វាផ្ដល់អត្ថប្រយោជន៍ច្រើនអនែក ចំពោះសុខភាពរបស់យើងដូចជា៖
១. ជាថ្នាំសម្រើបពីធម្មជាតិ
អយស្ទ័រមានជាតិដែកខ្ពស់ដែលជាសារជាតិមួយធ្វើឲ្យលិង្គឡើងរឹង ថែមទាំងមានប្រយោជន៍ជួយឲ្យអំប្រ៊ីយ៉ុងស្ត្រីលូតលាស់បានល្អទៀតផង។
២. សម្បូរជាតិស័ង្កសី
ស័ង្កសីផ្ដល់អត្ថប្រយោជន៍សុខភាពជាច្រើន រួមមានពង្រឹងប្រព័ន្ធភាពស៊ាំ ធ្វើឲ្យមុខរបួសឆាប់ជា និងការពារភ្នែកព្រិលពេលចាស់ទៅ។
៣. ជួយសម្រកទម្ងន់
អយស្ទ័រសម្បូរជីវជាតិពិតមែន ប៉ុន្តែវាមានថាមពលតិចតួចណាស់បើធៀបទៅនឹងសាច់ផ្សេងៗ។ ណាមួយវាផ្ទុកជាតិសូដ្យូមច្រើនដែរ ដូច្នេះអ្នកមានជំងឺលើសឈាមមិនគួរបរិភោគអយស្ទ័រច្រើនពេកទេ។
៤. ជាប្រភពប្រូតេអ៉ីនល្អ
អយស្ទ័រជាជម្រើសល្អបំផុតសម្រាប់សុខភាពក្នុងការស្រូបយកប្រូតេអ៉ីនដោយសារតែវាមិនបង្កខ្លាញ់អាក្រក់។ លើសពីនេះការញ៉ាំអយស្ទ័រមិនបំផ្លាញបរិស្ថានទេ វាមានតែជួយបន្សុទ្ធទឹកកន្លែងវានៅ។
៥. ជួយពង្រឹងសុខភាពបេះដូង
អយស្ទ័រមានផ្ទុកអាស៉ីតអូមេហ្គាបី (កូលេស្តេរ៉ុលល្អ), ប៉ូតាស្យូម, វីតាមីន E និងម៉ាញេស្យូម ហើយសារជាតិទាំងនោះជួយរក្សាចង្វាក់បេះដូង បញ្ចុះសម្ពាធឈាម ពង្រឹងមុខងារសរសៃឈាម បង្កើនអុកស៉ីសែនក្នុងឈាម និងបន្ថយការរលាកជាដើម។
៦. ពង្រឹងសុខភាពឆ្អឹង
អយស្ទ័រសម្បូរជាតិរ៉ែដែលល្អសម្រាប់ឆ្អឹងដូចជា កាល់ស្យូម ផូស្វ័រ ស័ង្កសី ជាតិដែក ទង់ដែង និងសេលេញ៉ូម។
៧. ផ្ទុកសារជាតិអុកស៉ីតកម្មពិសេស
សារជាតិនោះមានឈ្មោះថា DHMBA ជួយដល់ការចងចាំ មុខងារសិក្សានៅក្នុងខួរក្បាលនិងការពារថ្លើមពីភាពតានតឹងអុកស៊ីតកម្មផងដែរ។
សូមបញ្ជាក់ដែរថា កូនក្មេង អ្នកមានប្រព័ន្ធភាពស៊ាំអន់ ស្ត្រីមានផ្ទៃពោះ និងស្ត្រីបំបៅដោះកូន មិនគួរទទួលទានអយស្ទ័រទេ ដោយសារតែអយស្ទ័រវាស្រូបយកសារធាតុចិញ្ចឹមពីកន្លែងដែលវារស់នៅមានអយស្ទ័រខ្លះនឹងមានជាតិពុល ដូច្នេះអ្នកគប្បីហូបដោយប្រុងប្រយ័ត្ននិងប្រាកដថាវាមកពីប្រភពទឹកខាងណាសឹមបរិភោគ។ មិនថាអយស្ទ័រឆៅឬឆ្អិននោះទេ វានៅតែអាចធ្វើឲ្យអ្នកឈឺដូចគ្នា៕
ប្រែសម្រួលដោយ៖ វារី
ចុចអាន៖ មកដឹងពីអយស្ទ័រធំបំផុត លើពិភពលោក
ចុចអាន៖ ទម្លាយអាថ៌កំបាំងរបស់អយស្ទ័រ ពាក់ព័ន្ធរឿងលើគ្រែ មនុស្សភាគច្រើនចង់ដឹងបំផុត
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៤ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព