KPT+
ផ្កា ១០ ប្រភេទតំណាងប្រទេសសមាជិក អាស៊ាន មានទាំងក្លិនក្រអូប និងអត្ថន័យជ្រាលជ្រៅ
ផ្កាជានិមិត្តរូបនៃភាពស្រស់ស្អាតសម្រាប់មនុស្សជាច្រើន ខណៈប្រទេសដែលជាសមាជិកអាស៊ានទាំង១០ ក៏បានជ្រើសរើសផ្កាតំណាងឲ្យជាតិរបស់ខ្លួន តាំងពីយូរយារណាស់មកហើយ។
ជាមួយគ្នានេះដែរ បុប្ផាជាតិទាំងនោះសុទ្ធតែមានលក្ខណៈពិសេសរៀងៗខ្លួន រាប់ទាំងក្លិន ពណ៌ អត្ថន័យដែលពាក់ព័ន្ធនឹងបុព្វហេតុជាតិ ទំនាក់ទំនងជាមួយវប្បធម៌និងការរស់នៅរបស់ប្រជាជន ព្រមតម្លៃបេតិកភណ្ឌជាតិដ៏ល្អផូរផង់ផងដែរ។
ផ្កាតំណាងជាតិទាំង ១០ប្រទេសនោះមានដូចជា៖
១ ប្រទេសកម្ពុជា ផ្ការំដួល
ផ្ការំដួលតែងដុះលូតលាស់ក្នុងកម្ពស់ ៨-១២ ម៉ែត្រ អាចមើលឃើញស្ទើរតែគ្រប់ទីកន្លែងក្នុងប្រទេសកម្ពុជា ហើយជារឿយៗគេនិយមដាំលម្អនៅតាមសួនច្បារសាធារណៈ។ រំដួលមានផ្កាតូចពណ៌លឿង ត្របកផ្ការាងក្រាស់ រំលេចក្បូរក្បាច់គន់ល្អឯក ផ្កានេះបង្កើតបានជាក្លិនក្រអូបប្លែក ដែលលេចធ្លោនៅពេលល្ងាច ខណៈផ្លែរបស់វាគេអាចយកមកហូបបាន។ ដោយសារក្លិនក្រអូបគួរឲ្យទាក់ទាញ ពលរដ្ឋកម្ពុជាបានប្រៀបធៀបផ្ការំដួល ទៅនឹងស្រ្តីខ្មែរក្នុងសម័យបុរាណ.
២ ប្រទេសព្រុយណេ ផ្កា Simpor
ផ្កា Simpor មានផ្កាពណ៌លឿងភ្លឺ និងស្លឹកធំៗ។ ពេលចេញផ្កាយ៉ាងពេញលេញ ផ្ការីកដូចឆ័ត្រ។ រូបភាពនៃផ្កា Simpor ត្រូវបានរកឃើញនៅលើក្រដាសប្រាក់មួយដុល្លាររបស់ព្រុយណេ។ វាក៏ត្រូវបានគេប្រើយ៉ាងទូលំទូលាយនៅប្រទេសព្រុយណេក្នុងការរចនាសិល្បៈសម្រាប់សិប្បកម្មប្រពៃណី។ ផ្កាSimpor ជាទូទៅនៅតាមដងទន្លេក្នុងប្រទេសព្រុយណេ ជាពិសេសទន្លេ Temburong និងនៅតំបន់វាលភក់ ឬខ្សាច់សផងដែរ។ ផ្នែកភាគច្រើននៃដើមឈើមានការប្រើប្រាស់ច្រើនឧទាហរណ៍ ការព្យាបាលរបួស។
៣ ប្រទេសឥណ្ឌូណេស៊ី ផ្កាកេសរកូលរាត្រី
កេសរកូលរាត្រី គឺជាផ្កាមួយក្នុងចំណោមផ្កាជាតិទាំងបីរបស់ឥណ្ឌូណេស៊ី។ ផ្កាពីរផ្សេងទៀតគឺ ម្លិះ និង Rafflesia ក៏តំណាងជាតិ។ ផ្កាកេសរកូលរាត្រី គឺជាផ្កាដែលរីកវែងជាងគេ ផ្កានេះមានមែកហើយអាចមានអាយុពី២ទៅ៦ខែមុន នឹងរីកចោលក្លិន។ ជាធម្មតាវាចេញផ្កាពីរទៅបីដងក្នុងមួយឆ្នាំ នៅពេលដែលវាឈានដល់ការពេញវ័យ។ វាលូតលាស់នៅសីតុណ្ហភាពសំណើម និងរកឃើញនៅតំបន់ទំនាបនៃប្រទេសឥណ្ឌូណេស៊ី។
៤ ប្រទេសឡាវ ផ្កាចំប៉ា
នៅកម្ពុជា ផ្កានេះគេហៅចំប៉ី ខណៈប្រជាជនឡាវហៅថាផ្កាចំប៉ា ដែលជាផ្កាជាតិនិងជានិមិត្តសញ្ញាផ្លូវការរបស់ប្រទេសឡាវ។ ផ្កាមួយនេះមានក្លិនក្រអូប អាចមានច្រើនពណ៌៖ ក្រហម លឿង ផ្កាឈូក និងពណ៌ pastel ជាច្រើនទៀត។ សម្រាប់ប្រជាជនឡាវ ផ្កាចំប៉ាតំណាងឲ្យភាពស្មោះត្រង់ និងសេចក្តីរីករាយក្នុងជីវិត។ ផ្កានេះច្រើនតែប្រើជាគ្រឿងលម្អក្នុងពិធី ឬធ្វើជាកម្រងផ្កាសម្រាប់ទទួលភ្ញៀវ។ ផ្កាចំប៉ា ចេញផ្ការាល់ថ្ងៃ និងមានរយៈពេលយូរ។ ដើមឈើត្រូវបានគេដាំនៅទូទាំងប្រទេស ហើយជាពិសេសគេអាចឃើញនៅជិតតំបន់វត្តអារាម។
៥ ប្រទេសម៉ាឡេស៊ី ផ្ការំយោល
ផ្ការំយោល គឺជាផ្កាជាតិរបស់ប្រទេសម៉ាឡេស៊ីតាំងពីឆ្នាំ ១៩៦០។ ផ្កានេះមានស្រទាប់៥ដែលជានិមិត្តរូប “គោលការណ៍ទាំងប្រាំនៃជាតិ” ជាទស្សនវិជ្ជាជាតិរបស់ប្រទេសម៉ាឡេស៊ី ក្នុងការពង្រឹងឯកភាពជាតិ និងការអត់ឱនរបស់ជាតិ។ ពណ៌ក្រហមតំណាងឲ្យភាពក្លាហាន។ ផ្កានេះមានទូទាំងប្រទេស ហើយផ្នែកខ្លះនៃគុម្ពោតរបស់ផ្កា មានការប្រើប្រាស់ជាឱសថ និងគ្រឿងសំអាងទូទៅ។
៦ ប្រទេសមីយ៉ាន់ម៉ាផ្កា Paduak
ផ្កា Paduak មានពណ៌លឿងមាសដ៏ក្រអូប ហើយតែងរីកដំក្នុងខែមេសា ស្របនឹងពិធីបុណ្យចូលឆ្នាំមីយ៉ាន់ម៉ា។ ពេលចេញផ្កា ដើមឈើទាំងមូលប្រែជាមាសពេញមួយយប់។ ប្រជាជនមីយ៉ាន់ម៉ាចាត់ទុកផ្កា Paduak ជានិមិត្តសញ្ញានៃភាពរឹងមាំ និងភាពធន់។ ផ្កាដ៏ស្រស់ស្អាតក៏តំណាងឲ្យយុវវ័យ សេចក្ដីស្រលាញ់ និងភាពផ្អែមល្ហែម។ ផ្កានេះដើរតួជាផ្នែកមួយដែលមិនអាចខ្វះបានក្នុងពិធីប្រពៃណី និងសាសនា។ ផ្កាមួយនេះ អាចប្រើសម្រាប់ធ្វើគ្រឿងសង្ហារិម និងងាយរកបាននៅទូទាំងប្រទេស។
៧ ប្រទេស ហ្វីលីពីន ផ្កាម្លិះ
ម្លិះត្រូវបានទទួលយកជាផ្កាជាតិរបស់ប្រទេសហ្វីលីពីនតាំងពីឆ្នាំ ១៩៣៤។ ម្លិះមានផ្កាពណ៌សរាងដូចផ្កាយ ដែលរីកពេញមួយឆ្នាំ។ ផ្កានេះបើកនៅពេលយប់ ហើយមានរយៈពេលប្រហែលមួយថ្ងៃ ដែលបង្កើតបាននូវក្លិនក្រអូបដ៏ពិសេសមួយ។ សម្រាប់ប្រជាជនហ្វីលីពីន ផ្កាគឺជានិមិត្តសញ្ញានៃភាពបរិសុទ្ធ ភាពសាមញ្ញ ភាពអោនលំទោន និងកម្លាំងខ្លាំងក្លា។ ផ្ការបស់វាត្រូវបានប្រារព្ធនៅក្នុងរឿងព្រេងនិទាន និងបទចម្រៀងហ្វីលីពីន។ វាត្រូវបានគេជឿថា ផ្កានេះត្រូវបាននាំយកពីតំបន់ហិម៉ាឡៃយ៉ាន ទៅកាន់ហ្វីលីពីនក្នុងសតវត្សទី ១៧ ។
៨ ប្រទេសសិង្ហបុរី ផ្កា Vanda Miss Joaquim
វាជាប្រភេទផ្កាអ័រគីដេដែលល្បីជាងគេនៅប្រទេសសិង្ហបុរី គឺផ្កាជាតិ Vanda Miss Joaquim។ អ័រគីដេនេះ គឺជាកូនកាត់ ហើយត្រូវបានគេដាក់ឈ្មោះតាមអ្នកបង្កាត់ពូជរបស់វា។ ផ្កាអ័រគីដេ Vanda Miss Joaquim មានពណ៌ និងរូបរាងដ៏ស្រស់ស្អាត (ពណ៌ស្វាយ) និងរីកពេញមួយឆ្នាំ។ លក្ខណៈពិសេសប្លែករបស់វា បានឈ្នះវាក្នុងឋានៈជាផ្កាជាតិផ្លូវការរបស់ប្រទេសសិង្ហបុរី ដែលមានជាង ៤០ គូប្រជែងក្នុងឆ្នាំ ១៩៨១។
៩ ប្រទេសថៃ ផ្កាលឿងរាជ
ផ្កាលឿងរាជ មានផ្ការាងជាចង្កោមពណ៌លឿងដ៏ស្រស់ស្អាត។ ប្រជាជនថៃចាត់ទុកពណ៌លឿង ជាពណ៌នៃព្រះពុទ្ធសាសនា និងជាពណ៌នៃសិរីរុងរឿង។ វាច្រើន រីកដុះដាលជារៀងរាល់ឆ្នាំចាប់ពីខែកុម្ភៈដល់ខែឧសភា ហើយជានិមិត្តរូបនៃការរួបរួម និងភាពសុខដុមរមនារបស់ប្រជាជនថៃ។ ខណៈពេលដែលផ្កាកំពុងរីក នោះស្លឹករបស់វានឹងជ្រុះ ហើយបន្សល់ទុកតែផ្កាពណ៌លឿងភ្លឺព្យួរនៅលើមែកមើលទៅពិតជាស្រស់ស្អាតខ្លាំង។
១០ ប្រទេសវៀតណាម ផ្កាឈូក
ប្រជាជនវៀតណាមចាត់ទុកផ្កាឈូក ជាផ្កានិងរុក្ខជាតិដ៏គួរជាទីមោទកភាពមួយក្នុងចំណោមផ្កាទាំងបួន រួមជាមួយនឹងស្រល់ ដើមឬស្សី និង chrysanthemum។ ផ្កាឈូកត្រូវបានគេរកឃើញទូទាំងប្រទេសនៅតាមបឹង និងស្រះ។ សម្រាប់ជនជាតិវៀតណាម ផ្កាឈូកគឺជានិមិត្តសញ្ញានៃភាពបរិសុទ្ធ ការប្តេជ្ញាចិត្ត និងសុទិដ្ឋិនិយមសម្រាប់អនាគត។ ភាពឆើតឆាយនៃផ្កាឈូកត្រូវបានគេលើកឡើងជាញឹកញាប់ក្នុងបទចម្រៀង និងកំណាព្យប្រជាប្រិយវៀតណាម៕
ប្រែសម្រួល៖ សាង ស្រីល័ក្ខ
ចុចអាន៖សញ្ញាទាំង ៥ បង្ហាញថា រុក្ខជាតិត្រូវការទឹកហើយ!
ចុចអាន៖មូលហេតុមួយគត់ ដែលស្ដេចព្រុយណេមានទ្រព្យសម្បត្តិច្រើនជាងគេ
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
ក្រោយជាប់គុក២៥ឆ្នាំ ទើបតុលាការរកឃើញថា ភស្តុតាងមិនស៊ីគ្នា
តារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
-
ព័ត៌មានជាតិ៤ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍១៩ ម៉ោង agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៤ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ