KPT+
គេងត្រឹម ៥ ម៉ោង ឬតិចជាងនេះក្នុងមួយថ្ងៃ ប្រឈមហានិភ័យសុខភាពជាច្រើន
ការសិក្សាថ្មីមួយបានបង្ហាញថា អ្នកដែលមានអាយុ៥០ឆ្នាំឡើង ដែលគេងត្រឹម៥ម៉ោង ឬតិចជាងនេះក្នុងមួយថ្ងៃ មានហានិភ័យខ្ពស់ក្នុងការកើតជំងឺរ៉ាំរ៉ៃជាច្រើន បើធៀបនឹងអ្នកដែលគេងបានយូរជាងនេះ។
![](https://www.kampucheathmey.com/wp-content/uploads/2022/11/image-801.png)
សារព័ត៌មាន CNN កាលពីថ្ងៃទី១៨ ខែតុលា ឆ្នាំ២០២២ បានដកស្រង់ការសិក្សាដែលចេញផ្សាយនៅក្នុងទស្សនាវដ្ដីPLOS Medicine ដែលបានផ្ដោតទៅលើក្រុមមនុស្សចំនួន៨០០០នាក់ មិនមានជំងឺរ៉ាំរ៉ៃនៅអាយុ៥០ឆ្នាំ។ ការសិក្សារកឃើញថា ចំពោះអ្នកដែលមានវ័យ៥០ឆ្នាំ ដែលគេងត្រឹម៥ម៉ោង ឬតិចជាងនេះ ប្រឈមនឹងហានិភ័យនៃការវិវត្តទៅជាជំងឺរ៉ាំរ៉ៃចំនួន៣០% បើធៀបនឹងអ្នកដែលគេងយ៉ាងហោចណាស់៧ម៉ោងក្នុងមួយថ្ងៃ ហើយនៅអាយុ៦០ឆ្នាំ មានហានិភ័យ៣២% និងនៅវ័យ៧០ឆ្នាំ ប្រឈមនឹងហានិភ័យរហូតដល់៤០%ឯណោះ។
ជំងឺរ៉ាំរ៉ៃទាំងនោះ រួមមានជំងឺទឹកនោមផ្អែម ជំងឺមហារីក ជំងឺសរសៃឈាមបេះដូង គ្រោះថ្នាក់សរសៃឈាមបេះដូង ជំងឺខ្សោយបេះដូង ជំងឺស្ទះសួតរ៉ាំរ៉ៃ ជំងឺតម្រងនោមរ៉ាំរ៉ៃ ជំងឺថ្លើម ជំងឺបាក់ទឹកចិត្ត ជំងឺវង្វេង ជំងឺផ្លូវចិត្ត ជំងឺParkinson’s និងជំងឺរលាកសន្លាក់ជាដើម។
ចំណែកឯការស្រាវជ្រាវផ្សេងទៀតបានបង្ហាញថា មនុស្សពេញវ័យដែលគេងមិនគ្រប់គ្រាន់ (តិចជាង៧ ទៅ៩ម៉ោងក្នុងមួយថ្ងៃ) មានហានិភ័យខ្ពស់ក្នុងការវិវត្តទៅជាជំងឺរ៉ាំរ៉ៃ ដែលរួមមានធាត់ជ្រុល និងសម្ពាធឈាមខ្ពស់។
ខុសពីការសិក្សាដទៃទៀត ការសិក្សាថ្មីនេះ មិនបានរកឃើញថាអ្នកដែលគេងច្រើនជាង៩ម៉ោង មានបញ្ហាសុខភាពឡើយ ប៉ុន្តែអ្នកចូលរួមមួយចំនួនបានគេងច្រើនជ្រុល និងអាចប៉ះពាល់ដល់លទ្ធផលនៃការស្រាវជ្រាវផងដែរ។
ការគេងមិនគ្រប់គ្រាន់នៅវ័យកណ្ដាល និងវ័យចំណាស់ មានទំនាក់ទំនងយ៉ាងជិតស្និទ្ធទៅនឹងហានិភ័យខ្ពស់នៃជំងឺរ៉ាំរ៉ៃ ហើយការរកឃើញទាំងនេះ គាំទ្រដល់ការលើកកម្ពស់ការគេងស្កប់ស្កល់ និងគ្រប់គ្រាន់។
ទន្ទឹមនឹងនេះដែរ លោកសាស្ត្រាចារ្យរងផ្នែកវិទ្យាសាស្ត្រសុខាភិបាលនៅសាកលវិទ្យាល័យAlabama ដែលកំពុងតែធ្វើការសិក្សាលើបញ្ហាដំណេកមួយផ្សេងទៀតបានឲ្យដឹងថា អ័រម៉ូនជួយគ្រប់គ្រងផ្នែកមួយចំនួន ដូចជាចំណង់អាហារ ការធ្វើមេតាប៉ូលីស ចំណង់ផ្លូវភេទ សម្ពាធឈាម ចង្វាក់បេះដូង សីតុណ្ហភាពរាងកាយ និងចង្វាក់circadian។ ប្រសិនបើរាងកាយមិនផលិតអ័រម៉ូនគ្រប់គ្រាន់ ដោយសារតែយើងគេងមិនគ្រប់គ្រាន់ នោះអាចបង្កជាបញ្ហាសុខភាពរ៉ាំរ៉ៃ បន្ថែមពីលើការអស់កម្លាំង ឈឺរាងកាយ និងបញ្ហាសម្ពាធឈាម។
![](https://www.kampucheathmey.com/wp-content/uploads/2022/11/image-802.png)
លើសពីនេះ ការគេងមិនគ្រប់គ្រាន់ក៏អាចបង្កើនការរលាក ដែលជាហេតុបណ្ដាលឲ្យកើតមានជំងឺផ្សេងៗជាច្រើន។ ជារួម ការគេងមានសារៈសំខាន់ណាស់ ដើម្បីជួយបង្កើនគុណភាពជីវិត និងជួយឲ្យយើងមានសុខភាពល្អ ព្រមទាំងជៀសឆ្ងាយពីជំងឺផ្សេងៗ ហេតុនេះហើយ យើងចាំបាច់ត្រូវគេងឲ្យបានគ្រប់គ្រាន់ ទើបជាការប្រសើរ៕
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?