KPT+

មកស្គាល់ពីសែរាជវង្ស ព្រុយណេ ៣ អង្គទៀត ក្រៅពីព្រះរាជបុត្រ Abdul Mateen

បានផុស

២ years មុន

នៅ

ថ្ងៃអង្គារ ១៥ វិច្ឆិកា ២០២២

ដោយ

ជាទូទៅលើប្រព័ន្ធផ្សព្វផ្សាយសង្គម ព្រះរាជបុត្រ Abdul Mateen គឺជាក្សត្រល្បីល្បាញ និងមានមនុស្សជាច្រើនស្គាល់ព្រះកិត្តិនាមទ្រង់ ច្រើនជាងសែរាជវង្សផ្សេងៗទៀត។

ត្បិតថានៅបណ្ដាញសារព័ត៌មាន មានតែឈ្មោះរបស់រាជបុត្រ Abdul Mateen ក្ដី ប៉ុន្តែនៅប្រទេសព្រុយណេឯណោះរាជបុត្រអង្គនេះមានបងប្អូនបង្កើតដល់ទៅ៣នាក់ ខណៈមាតាផ្សេងគ្នា តែបិតាគឺជាព្រះចៅស៊ុលតង់ Hassanal Bolkiah តែមួយប៉ុណ្ណោះ។

១ រាជទាយាទ Al Muhtadee Billah

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះអង្គម្ចាស់ Al Muhtadee Billah ប្រសូតនៅថ្ងៃទី ១៧ ខែកុម្ភៈ ឆ្នាំ ១៩៧៤ ទ្រង់ជាបុត្រច្បងរបស់ស្ដេចស៊ុលតង់ Hassanal Bolkiah និងមហាក្សត្រី Saleha ។ ព្រះអង្គជារាជទាយាទនៃប្រទេសព្រុយណេ និងជាអ្នកដំបូងគេក្នុងជួរនៃការស្នងរាជ្យបល្ល័ង្ករបស់ប្រទេស។ រាជទាយាទអង្គនេះ កាន់តំណែងជារដ្ឋមន្ត្រីជាន់ខ្ពស់នៃការិយាល័យនាយករដ្ឋមន្ត្រី ឧត្ដមសេនីយ៍នៃកងយោធា និងជាអគ្គអធិការរងនៃកងកម្លាំងប៉ូលិសក្នុងប្រទេសព្រុយណេ ។

២ ព្រះអង្គម្ចាស់ Abdul Azim

ព្រះអង្គម្ចាស់ Azim ប្រសូត្រនៅថ្ងៃទី ២៩ ខែកក្កដា ឆ្នាំ ១៩៨២ ទ្រង់គឺជាបុត្រាទី២ របស់ស្ដេចស៊ុលតង់ Hassanal Bolkiah និងអតីតភរិយា Mariam Abdul Aziz ។ ព្រះអង្គស្ថិតនៅលំដាប់ទី៤ក្នុងជួរ ដើម្បីស្នងរាជ្យបល្ល័ង្ករបស់ប្រទេស តែគួរឲ្យសោកស្ដាយ ទ្រង់បានសោយទិវង្គតនៅថ្ងៃទី២៤ ខែតុលា ឆ្នាំ២០២០ ក្នុងព្រះជន្ម ៣៨ វស្សា ។ ។ចំពោះមូលហេតុនៃការសោយទិវង្គតរបស់ទ្រង់ មិនត្រូវបានបញ្ជាក់នោះទេ ប៉ុន្តែយោងតាមសេចក្ដីរាយការណ៍ពីប្រភពព័ត៌មានពីព្រុយណេបានឲ្យដឹងថា ព្រះអង្គបានយាងចូលសម្រាកព្យាបាលនៅក្នុងមន្ទីរពេទ្យមួយរយៈ ដោយសារជំងឺមហារីកថ្លើម ។

៣ ព្រះរាជបុត្រ Abdul Wakeel

ព្រះរាជបុត្រ Abdul Wakeel ប្រសូត្រនៅថ្ងៃទី ០១ ខែមិថុនា ឆ្នាំ ២០០៦ ទ្រង់គឺជាបុត្រាទីមួយក្នុងគ្រួសារ និងបុត្រាទី១១របស់ស្ដេចស៊ុលតង់ Hassanal Bolkiah និងភរិយា Azrinaz Mazhar Hakim ។ ត្បិតថាមានព្រះជន្មតិចជាងម្ចាស់បងទ្រង់ក្ដី តែយ៉ាងណារាជបុត្រតូចអង្គនេះ ក៏ទទួលបានព្រះកិត្តិនាមល្បីរន្ទឺផងដែរ៕

អត្ថបទ៖ សាង ស្រីល័ក្ខ

ចុចអាន៖វីដេអូរាជបុត្រ ព្រុយណេ រត់ហាត់ប្រាណក្នុងសណ្ឋាគារទ្រង់គង់នៅ កម្ពុជា កំពុងទាក់ទាញមហាជន

ចុចអាន៖ក្រៅពីជាព្រះមហាក្សត្រ ព្រះចៅស៊ុលតង់ ព្រុយណេ ទ្រង់កាន់តំណែងធំៗ ៤ ផ្សេងទៀត