ការពិតដ៏អស្ចារ្យ ១០ យ៉ាង ពីសត្វសំពោច Meerkat

យើងឧស្សាហ៍ឃើញសត្វខាងក្រោមនេះនៅក្នុងនាទីឯកសារសត្វនិងខ្សែភាពយន្តតុក្កតាណាស់ វារស់នៅក្នុងរូងក្រោមដីចូលចិត្តអើតក្បាលចុះឡើងៗយ៉ាងលឿន។ ថ្ងៃនេះ “កម្ពុជាថ្មី” នឹងនាំប្រិយមិត្តមកស្គាល់ពីសំពោច Meerkat កាន់តែច្បាស់ជាងមុន៖

១. រស់នៅជាក្រុម

ពួកវារស់នៅជាក្រុមប្រហែល ៣០ក្បាល ដើម្បីជួយការពារគ្នា។

២. ភាគច្រើនជាឃាតករ

ការស្លាប់របស់សមាជិកក្រុមភាគច្រើនមកពីគ្នីគ្នារបស់វា ច្រើនជាងសត្វដទៃ។ អត្រាឃាតកម្មក្នុងចំណោមសត្វសំពោចគឺប្រហែល២០ភាគរយឯណោះ។

៣. ស៉ាំនឹងពិស

ជាការពិតណាស់ សំពោច Meerkat សុទ្ធតែស៉ាំនឹងពិសខ្យាដំរីនិងពិសពស់មួយចំនួន វាថែមទាំងស៉ីសត្វមានពិសទៀតផង។ 

៤. មានក្បួនចិញ្ចឹមកូនពិសេស

វាអាចបង្ហាត់កូនតូចរបស់វាឲ្យចេះប្រមាញ់យ៉ាងពូកែដោយដំបូងវាប្រើប្រាស់ខ្យាដំរីងាប់មកឲ្យកូនវាសមសម្លាប់ បន្ទាប់ពីចេះខ្លះៗហើយវាទៅយកខ្យាដំរីរស់មកឲ្យកូនវាសម្លាប់ម្ដងទៀតប៉ុន្តែវាបេះទ្រនិចចេញសិន។

៥. ឆ្លាតវៃក្នុងការត្រួតពិនិត្យកន្លែងវានៅ

ក្នុងក្រុមវាមានអ្នកយាមម្នាក់ដើរតួនាទីសំខាន់ក្នុងការពិនិត្យបរិស្ថានជុំវិញខ្លួន អ្នកនឹងឃើញមួយក្បាលនោះតែងតែឈរអើតគ្រប់កន្លែង។

៦. ចេះស្ទាបស្ទង់និងផ្សព្វផ្សាយស្ថានការណ៍

វាមានសម្លេងផ្ដល់ដំណឹងដល់ទៅ១២សម្លេងផ្សេងៗគ្នាដើម្បីផ្ដល់សញ្ញាឲ្យសមាជិករបស់វាត្រៀមខ្លួននឹងគ្រោះថ្នាក់ដែលកំពុងមកដល់។

៧. មានការបែងចែកតួនាទី

សំពោច Meerkat ចំណាយពេលជាច្រើនសម្រាប់ការប្រមាញ់ឆ្ងាយៗពីផ្ទះ មិនត្រឹមតែប៉ុណ្ណឹងទេវាមានទាំងអ្នកថែទាំទារកពេលមេៗចេញរកស៉ីផងដែរ។

៨. មានក្រសែភ្នែកល្អ

នៅលើភ្នែករបស់សំពោចពេញវ័យមានឆ្នូតខ្មៅនៅក្បែរភ្នែកដែលមានសារៈសំខាន់ក្នុងការការពារភ្នែកពីពន្លឺព្រះអាទិត្យទើបវាអាចមើលបានឆ្ងាយងាយស្រួលធ្វើការប្រមាញ់និងការពារ។

៩. កូនពួកវាកើតមកខ្វាក់និងថ្លង់

រហូតដល់អាយុ ១១អាទិត្យ ទើបកូនៗវាលូតលាស់មកធម្មតាវិញ។

១០. មិនបាច់ផឹកទឹកក៏រស់

សំពោច Meerkat ជាសត្វស៉ីទាំងសាច់និងរុក្ខជាតិ ពួកវាមិនត្រូវការទឹកនោះទេ ទឹកដែលមាននៅក្នុងសត្វនិងរុក្ខជាតិគឺគ្រប់គ្រាន់ហើយ៕

ប្រែសម្រួលដោយ៖ វារី

ចុចអាន៖ មកដឹងពីប្រភេទសត្វល្មោភដេក និងមិនចូលចិត្តដេកទាល់តែសោះ