ព្រះស្ងោយចម្លែកប្រចាំរាជវាំង ៧ មុខ ស្តេច Charles ទ្រង់សព្វព្រះរាជហឬទ័យសោយខ្លាំងបំផុត

អ្នកឃ្លាំមើលរាជវង្សតែងដឹងថា គ្រួសាររាជវង្សអង់គ្លេសមានពិធីការជាច្រើនដែលត្រូវអនុវត្តតាម នៅពេលដែលពួកទ្រង់​អង្គុយរីករាយនឹងអាហារ។ ប៉ុន្តែស្តេច Charles មាន​ចំណង់ចំណូលចិត្ត​អាហារ​ផ្ទាល់ខ្លួន​ ដែលគួរឲ្យ​ចាប់អារម្មណ៍ និង​មិនទាក់ទងនឹងច្បាប់រាជវាំងនោះទេ។

ដោយឡែក អតីត​មេ​ចុង​ភៅ​រាជវង្ស​ដែលបានធ្វើការឲ្យម្ចាស់ក្សត្រី Elizabeth អស់រយៈពេល ១១ ឆ្នាំ លោក Darren McGrady បានចែករំលែករឿងរ៉ាវ​អំពី​ទម្លាប់នៃ​ការ​សោយ​អាហារ​របស់​ស្ដេច Charles នៅក្នុងសៀវភៅធ្វើម្ហូបឆ្នាំ ២០០៧ របស់គាត់ ដែលមានឈ្មោះថា Eating Royally ។

១ ស្ដេច Charles ចូលចិត្តនំខួបកំណើតដែលមានសុខភាពល្អ និង​សរីរាង្គ

នៅថ្ងៃទី ១៤ ខែវិច្ឆិកា ស្ដេច Charles បាន​ប្រារព្ធ​ខួប​កំណើត​ដំបូង​របស់ទ្រង់ក្នុងនាម​ជា​ស្តេច​អង់គ្លេស ​ក្នុង​ព្រះជន្ម ៧៤ ឆ្នាំ​ ហើយក៏ជា​លើក​ដំបូង​ដែល​ទ្រង់​ប្រារព្ធ​ខួប​កំណើត​នៅលើ​បល្ល័ង្ក​របស់​ចក្រភព​អង់គ្លេស។ គណនី Instagram ផ្លូវការរបស់ Buckingham Palace បាន​ចែករំលែករូបថតថ្មី និងវីដេអូរបស់ទ្រង់ ​ខណៈដែល​ម្ចាស់ក្សត្រី Elizabeth ចូលចិត្តនំសូកូឡា ស្ដេច Charles ចូលចិត្ត​ជម្រើស​ដែល​មាន​សុខភាព​ល្អ​ជាង និង​សរីរាង្គ ។

២ ទ្រង់​មាន​មេ​ចុងភៅ​ផ្ទាល់ខ្លួន​ ដើម្បី​ដើរ​ប្រមូល​ផ្សិត​ព្រៃ​នៅ Balmoral Castle

ចុងភៅ McGrady បាននិយាយថា នៅពេលដែលគាត់ធ្វើការឲ្យម្ចាស់ក្សត្រី Elizabeth ព្រះអង្គម្ចាស់ Charles ចូលចិត្ត​ជម្រើស​សរីរាង្គ ហើយថែមទាំងបាននាំមេចុងភៅផ្ទាល់ខ្លួនរបស់ទ្រង់​ ទៅ​ប្រមូល​ផ្សិតដែលដុះនៅប្រាសាទ​ស្កុតឡែនជានិច្ច។

៣ ព្រះអង្គម្ចាស់ Charles តែងចាប់ត្រីសាមុនដោយខ្លួនឯង

ទ្រង់​ក៏​បាន​ចាប់ត្រីសាមុន នៅ Balmoral Castle ជាញឹកញាប់ជាមួយព្រះ​មហាក្សត្រិយានី ហើយ​ឲ្យ​មេ​ចុងភៅ​រាជវាំង​ចម្អិន​អាហារ​​សម្រាប់​ទ្រង់។ ស្ដេច Charles ចូលចិត្ត​នេសាទ​ខ្លាំង​ណាស់ ហើយទ្រង់​បាន​បង្រៀន​ព្រះអង្គម្ចាស់ William និង​ព្រះអង្គ​ម្ចាស់ Harry ពី​របៀប​នេសាទ​កាល​ពី​ពួកគេ​នៅក្មេង។ ចំណែកបុគ្គលិក​ផ្ទះបាយ មិនត្រូវបានអនុញ្ញាត​ឲ្យ​ប៉ះ​ត្រីសាមុន រហូត​ទទួល​បាន​បញ្ជា​ថ្នាក់​លើ។ ជា​ធម្មតា​ត្រីសាមុន​ នឹង​ត្រូវ​​ដុត ប្រឡាក់ ឬ​ស្ងោរ​ជាមួយ​គ្រឿង​លម្អ ហើយ​បម្រើ​​​ក្នុង​បន្ទប់​បរិភោគ​អាហាររបស់សែរាជវង្សមួយគត់។

៤ ទ្រង់​ធ្លាប់​អញ្ជើញមេចុងភៅជនជាតិអ៊ីតាលីដ៏ល្បី Antonio Carluccio ឲ្យរើសផ្សិតព្រៃជាមួយ

សេចក្តីស្រឡាញ់របស់ស្ដេច Charles ចំពោះផ្សិតព្រៃរបស់ Balmoral Castle គឺមានឥទ្ធិពលខ្លាំង​ណាស់ ដែលទ្រង់​ថែមទាំងបាននាំមេចុងភៅដ៏ល្បីល្បាញ Antonio Carluccio ដើរដកផ្សិតថែមទៀតផង។ លោក McGrady បានសរសេរនៅក្នុងសៀវភៅធ្វើម្ហូបរបស់គាត់ថា “ព្រះអង្គម្ចាស់ Charles គឺជាអ្នកបរិភោគដែលយកចិត្តទុកដាក់ចំពោះសុខភាព ហើយចូលចិត្តគ្រាប់ធញ្ញជាតិ បន្លែសរីរាង្គ និងត្រី និងសាច់ដែលរៀបចំយ៉ាងសាមញ្ញ”។

៥ ទ្រង់​ចូលចិត្ត​អាហារ​អ៊ីតាលីខ្លាំងបំផុត

ស្ដេច Charles ទ្រង់សព្វព្រះរាជហឬទ័យខ្លាំងបំផុតចំពោះអាហារអ៊ីតាលីខ្លាំងណាស់ ដែលព្រះអង្គម្ចាស់ក្សត្រី Diana និងកូនៗរបស់ពួកគេ ​តែងតែញ៉ាំអាហារ​អ៊ីតាលី​សម្រាប់អាហារពេលល្ងាច មិនថាវាជាផ្សិតព្រៃ, risotto ឬ polenta សុទ្ធតែជាប្រភេទនៃអាហារដែលមានសុខភាពល្អ។ លោក McGrady បាននិយាយថា សេចក្តីស្រឡាញ់របស់ រាជាអង្គនេះចំពោះអាហារអ៊ីតាលី ជារឿយៗត្រូវបានបកប្រែទៅជាអាហារគ្រួសារ។ គាត់បានប្រាប់ Delish ថា “នៅពេលដែលព្រះអង្គម្ចាស់ Charles, ម្ចាស់ក្សត្រី Diana ចូលចិត្តសាឡាត់ស្អាតៗជាច្រើនលើមីនុយ ខណៈបុត្រាទាំងពីរ គឺព្រះរាជបុត្រ William និង Harry គឺជាអ្នកគាំទ្រដ៏ធំរបស់ភីហ្សាអ៊ីតាលី។

៦ ជាធម្មតាចាប់ផ្តើមថ្ងៃជាមួយនឹងផ្លែឈើ និងទឹកផ្លែឈើសម្រាប់អាហារពេលព្រឹក

នៅពេលនិយាយអំពីការសោយ ជា​ធម្មតា​ទ្រង់​ចាប់ផ្តើម​ថ្ងៃថ្មីជាមួយនឹងផ្លែឈើមួយចំនួន​សម្រាប់អាហារពេលព្រឹក ជាញឹកញយផ្លែព្រូន​ដែលដាំក្នុងសួនច្បារ ទឹកផ្លែឈើ និង muesli ។​ ​ទ្រង់​​ក៏សោយ​ស៊ុតឆ្អិនរឹង និងនំប៉័ងក្នុងអំឡុងពេលតែ​ពេលរសៀលផងដែរ។

៧ រូបមន្ត​មួយក្នុង​ចំណោម​មុខម្ហូបដែលស្ដេច Charles ចូលចិត្តគឺស៊ុតដុតនំ cheesy

គណនី Instagram ផ្លូវការរបស់ Clarence House បានចែករំលែករូបមន្តសម្រាប់ស៊ុតដុត​នំដ៏គួរឲ្យ​ចាប់​អារម្មណ៍​របស់ស្ដេច Charles ក្នុងខែឧសភា ឆ្នាំ ២០២០ ដើម្បី​ប្រារព្ធពិធី British Cheese Weekender ក្រោមចំណង​ជើង​​​ថា​៖ ព្រះរាជា​របស់​ទ្រង់ ​បាន​ធ្វើ​ជា​អ្នក​ឧបត្ថម្ភ​របស់​សមាគម​អ្នក​ផលិត​ឈីស​ពិសេស​តាំង​ពី​ឆ្នាំ ១៩៩៣ ។ រូបមន្តស៊ុតដុតនំដែលមានរសជាតិឈ្ងុយឆ្ងាញ់រួមមាន spinach, cherry ឬប៉េងប៉ោះហាលថ្ងៃ ស្លឹក basil ឈីសទន់ និងស៊ុតតែមួយគ្រាប់ប៉ុណ្ណោះ៕

ប្រែសម្រួល៖ សាង ស្រីល័ក្ខ

ចុចអាន៖រថយន្តកម្របំផុតក្នុងពិភពលោក ៥ គ្រឿងរបស់ស្ដេចស៊ុលតង់ ទ្រង់សព្វព្រះរាជហឬទ័យខ្លាំងបំផុត