ជំងឺភ័យខ្លាចរឿងប្លែកៗ ១០ ប្រភេទ ដឹងហើយហួសចិត្ត

មុននឹងដឹងពីជំងឺចម្លែកៗទាំង ១០ នេះ អ្នកគួរដឹងថាវាមិនអាចព្យាបាលបានទាំងអស់ទេ ប៉ុន្តែក៏មិនប៉ះពាល់ដល់សុខភាពផ្លូវកាយយើងផងដែរ។ ជំងឺខាងក្រោមនេះសុទ្ធតែជាជំងឺផ្លូវចិត្តធម្មតាៗ មានដូចជា៖

១. ជំងឺ Arachibutyrophobia (ខ្លាចជាប់ប័រសណ្ដែកដីនៅលើមាត់)

អ្នកខ្លះអាចបរិភោគប័រសណ្ដែកដីបានតិចៗ អ្នកខ្លះទៀតមិនបរិភោគតែម្ដង។ ជំងឺ Arachibutyrophobia គឺជាជំងឺកម្រដែលខ្លាចរបស់ស្អិតៗនៅជាប់មាត់ ខ្លាចស្លាក់ ខ្លាចអាឡ័កស៉ី។

២. ជំងឺ Nomophobia (ខ្លាចអត់មានទូរស័ព្ទប្រើ)

អ្នកជំងឺមានសភាពស្លន់ស្លោររាល់ពេលទូរស័ព្ទអស់ថ្មឬគ្មានសេវាអ៉ីនធឺណែត។ ជំងឺនេះចាប់ផ្ដើមកើតទៅលើមនុស្សញៀនទូរស័ព្ទខ្លាំង។

៣. ជំងឺ Arithmophobia (ខ្លាចលេខ)

គ្រាន់តែឃើញលេខធម្មតាមិនទាន់ធ្វើលំហាត់ក៏ភ័យថប់បារម្ភដែរ ទម្រាំតែធ្វើលំហាត់ទៀតសន្លប់តែម្ដង។

៤. ជំងឺ Plutophobia (ខ្លាចលុយ)

គ្នាយើងមួយចំនួនធំស្រលាញ់លុយណាស់ សម្រាប់អ្នកជំងឺនេះវិញខ្លាចលុយខ្លាចភាពមានបានទៅវិញ។ ពួកគាត់ព្យាយាមរកលុយត្រឹមតែល្មមរស់ ជាពិសេសខ្លាចចោរប្លន់។

៥. ជំងឺ Xanthophobia (ខ្លាចពណ៌លឿង)

គាត់ខ្លាចទាំងម្ហូប វត្ថុនិងរុក្ខជាតិ មិនថាជាអ្វីនោះទេឲ្យតែមានពណ៌លឿង។

៦. ជំងឺ Ablutophobia (ខ្លាចការមុជទឹក)

ជំងឺនេះកើតឡើងលើកុមារហើយនឹងជាទៅវិញតាមអាយុ។

៧.  ជំងឺ Octophobia (ខ្លាចលេខ៨)

មិនត្រឹមតែខ្លាចលេខ ៨ ទេ សូម្បីតែចំនួន ៨ ក៏មិនខ្លាចដូចគ្នា។

៨. ជំងឺ Optophobia (ខ្លាចការបើកភ្នែកមួយជំហៀង)

អ្នកដែលមាន optophobia ចូលចិត្តស្នាក់នៅក្នុងផ្ទះ ឬនៅកន្លែងដែលមានពន្លឺតិចៗ។ ភាពភ័យខ្លាចនេះជាធម្មតាត្រូវបានផ្សារភ្ជាប់ជាមួយនឹងជំងឺថប់បារម្ភទូទៅ។

៩. ជំងឺ Globophobia (ខ្លាចប៉េងប៉ោង)

មិនមែនខ្លាចរូបរាងប៉េងប៉ោងទេគឺ ខ្លាចពេលវាផ្ទុះបែកបង្កសម្លេងធ្វើឲ្យភ័យ។

១០. ជំងឺ Hippopotomonstrosesquippedaliophobia (ខ្លាចពាក្យវែង)

សូម្បីតែឈ្មោះជំងឺក៏វែងដែរ ពិតជាសាកសមនឹងស្ថានភាពជំងឺពិតមែន។ ជំងឺនេះទៀតសោត បណ្ដាលមកពីឧស្សាហ៍អានពាក្យវែងៗខុស។

ជាក់ស្ដែងជំងឺខាងលើនេះគ្រាន់តែជាមួយភាពតូចប៉ុណ្ណោះនៃជំងឺប្លែក នៅមានជំងឺជាច្រើនទៀតដែលអ្នកមិនទាន់ឮហើយហួសចិត្តជាងនេះក៏ថាបាន៕

ប្រែសម្រួលដោយ៖ វារី

ចុចអាន៖ មកស្គាល់ពីជំងឺប្លែកមួយ ធ្វើឲ្យមនុស្សនៅមិនស្ងៀម

ចុចអាន៖ ជំងឺផ្លូវចិត្តម្យ៉ាងគិតថាស្អាតដាច់គេ ហើយមនុស្សគ្រប់គ្នាសុទ្ធតែលង់ស្នេហ៍នឹងខ្លួន