KPT+
មនុស្សស្រីគ្មានអ្វីស្មុគស្មាញដូចបុរសគិតឡើយ
បុរសភាគច្រើនរមែងគិតថា ស្ត្រីមានភាពស្មុគស្មាញប្រៀបបាននឹងសៀវភៅមួយក្បាលដែលអានមិនយល់។ ឯខ្លះទៀតក៏យល់ថា នាងជាមនុស្សចូលចិត្តដ្រាម៉ា ពិបាកយកចិត្ត។ល។ ប៉ុន្តែការពិតនៃបញ្ហារបស់មនុស្សស្រីគ្មានអ្វីស្មុគស្មាញដូចបុរសគិតឡើយ ។ វាលែងតែបុរសមិនចង់យល់ប៉ុណ្ណោះ។
តោះ! កុំយល់ច្រឡំលើនាងទៀត ទៅស្វែងយល់ពីស្ត្រីជាមួយគ្នា៖
១. បុរសនិងស្ត្រី
បុរសនិងស្ត្រីមានដំណើរការព័ត៌មានក្នុងខួរក្បាលផ្សេងៗគ្នា។ ពេលខ្លះនាងមើលឃើញអ្វីប្លែកពីបុរស ល្អិតល្អន់ជាង អត់ធ្មត់ជាង និងត្រូវការការយកចិត្តទុកដាក់ជាងប្រុសៗ ដែលនោះជាលក្ខណៈពិសេសរបស់ស្ត្រីដែលបុរសត្រូវទទួលយក។ ចំណែកតម្រូវការមួយចំនួនក៏ប្លែកគ្នា ដូច្នេះនៅពេលបុរសអាចយល់ពីភាពខុសគ្នាទាំងនោះ អ្នកក៏មិនពោលថាស្ត្រីសាំញ៉ាំដែរ។
២. ស្ត្រីខុសគ្នា
ធម្មជាតិមនុស្សគ្រប់គ្នា មិនថាស្រីឬប្រុសមានប្រតិកម្មខុសគ្នាចំពោះស្ថានភាពជុំវិញខ្លួនគេ។ ដូចគ្នានេះស្ត្រីខ្លះនឹងនិយាយអំពីបញ្ហារបស់ពួកគេចេញឲ្យគេឯងដឹងឮ ឯអ្នកផ្សេងទៀតចូលចិត្តនៅម្នាក់ឯង នោះគឺអាស្រ័យលើចរិតរបស់ស្រ្តីម្នាក់ៗ។ នារីខ្លះរឹងមាំ ឯខ្លះក៏ទន់ជ្រាយ តែជារួមនាងនៅតែទន់ភ្លន់បែបភេទស្រី ទោះនាងជាមនុស្សបែបណាក៏ដោយ។ ដោយឡែកការស្វែងយល់ចរិតរបស់មនុស្សស្រីពីម្នាក់ទៅម្នាក់ នាំឲ្យបុរសចៀសបាននូវកាម៉ៃថា ស្រីៗសុទ្ធតែដូចគ្នា។
៣. សកម្មភាព
ស្រ្តីមិនថាស្រឡាញ់ ស្អប់ ឬខឹង ងាយបញ្ចេញមកក្រៅជាងបុរស ហើយក៏ងាយសម្គាល់។ បើសិនជាបុរសពិតជាចង់យល់ពីស្រ្តីម្នាក់ មិនពិបាកនោះទេ ដោយគ្រាន់តែសង្កេតមើលសកម្មភាពរបស់នាងបន្តិច នោះនឹងយល់មិនខានឡើយ។
៤. អារម្មណ៍
បុរសមិនតិចទេ ពុំអើពើឬយកចិត្តទុកដាក់នឹងរឿងនេះឡើយ។ តាមពិតស្រីៗទូទៅមិនសូវចេះលាក់អារម្មណ៍ជាមួយមនុស្សដែលនាងស្រឡាញ់ទេ។ អ៊ីចឹងហើយ! ប្រុសៗគួររៀនភ្ជាប់ទំនាក់ទំនងផ្លូវចិត្តរបស់ខ្លួនទៅកាន់ស្រ្តី ដោយសួរនាងពីអារម្មណ៍ខ្លះ នោះនាងនឹងប្រាប់ពុំខាន។ ធ្វើបែបនេះមិនត្រឹមតែបង្ហាញពីការយកចិត្តទុកដាក់ចំពោះនាងប៉ុណ្ណោះទេ ថែមទាំងអាចយល់ទឹកចិត្តនាងផងដែរ។
៥. ពេលមានបញ្ហា
ជំនួសឱ្យការព្យាយាមដោះស្រាយបញ្ហាភ្លាមៗ ពេលនាងពិបាកចិត្ត ការនៅបន្តស្ដាប់នាងរៀបរាប់ឲ្យចប់ចុងចប់ដើម ជាសកម្មភាពកក់ក្ដៅម្យ៉ាងដែលបុរសគួរយល់។ ពេលខ្លះនាងគ្រាន់តែចង់បានអ្នកស្ដាប់ប៉ុណ្ណោះ បើសិនប្រុសៗបន្ថែមយោបល់ទៅទៀត នាងរឹតតែមានសម្ពាធ។
៦. មនុស្សស្រីតែងនិយាយការពិតពេលខឹង
បុរសប្រហែលជាមិនចង់នៅក្បែរមិត្តស្រីឬប្រពន្ធទេ ពេលនាងកំពុងខឹង។ ប៉ុន្តែដឹងទេ? ពេលខឹង ក៏ជាពេលដែលស្រ្តីបញ្ចេញការពិតក្នុងចិត្ត៕
ប្រែសម្រួល៖ សន្យា
ចុចអាន៖ តាមពិតអ្នកដែលនិយមប្រើអ្វីៗពណ៌ក្រហមមានចរិតលក្ខណៈបែបនេះ
ចុចអាន៖ បុរស ៦ប្រភេទ នារីមិនគួរខាតពេលភ្ជាប់ស្នេហ៍ជាមួយ ព្រោះអាចនឹងស្ដាយក្រោយ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង