KPT+

វិមានប្រណិតទាំង ៥ នៅ ឥណ្ឌា សុទ្ធតែជារបស់សេដ្ឋីប្រាក់លាន និងបុគ្គលល្បីៗ

បានផុស

២ years មុន

នៅ

ថ្ងៃព្រហស្បតិ៍ ១ ធ្នូ ២០២២

ដោយ

នៅឥណ្ឌាមិនខ្វះទេមហាសេដ្ឋី តារាបូលីវូដ អ្នកជំនួញល្បីៗ ទាំងនេះគឺជាក្រុមមនុស្សដែលមានលទ្ធភាពធ្វើជាម្ចាស់វិមានដ៏ប្រណិតបំផុតមួយចំនួនក្នុងទីក្រុងបុមបៃ។ មហាសេដ្ឋីរបស់ឥណ្ឌាទាំងអស់ បានជ្រើសរើសទីក្រុងបុមបៃជាមូលដ្ឋានរស់នៅរបស់ពួកគេ ហើយក្នុងករណីជាច្រើនបានចំណាយពេលជាច្រើនឆ្នាំ និងរាប់លានដុល្លារ ធ្វើឲ្យសែស្រឡាយគ្រួសាររបស់ពួកគេ ក្លាយជាអ្នកមានដ៏ធំបំផុត និងអស្ចារ្យបំផុតនៅក្នុងប្រទេស។

ខាងក្រោមនេះ គឺជាវិមានដ៏ធំបំផុត ល្អបំផុត និងថ្លៃបំផុតទាំង ៥ របស់ទីក្រុង Mumbai ដែល

១ Lincoln House៖ ១១៣ លានដុល្លារ ម្ចាស់ Cyrus Poonawalla

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Lincoln House ធ្លាប់ជាអតីតរាជវាំងរបស់ Maharaja មុនពេលក្លាយជាស្ថានកុងស៊ុលអាមេរិកនៅទីក្រុងបុមបៃ។ កាសែត Financial Times បានរាយការណ៍ថា ជនជាតិអាមេរិកបានលក់អចលនទ្រព្យនេះទៅឲ្យមហាសេដ្ឋី Cyrus Poonawalla កាលពី៧ឆ្នាំមុនក្នុងតម្លៃ ១១៣ លានដុល្លារអាមេរិក ដែលធ្វើឲ្យវាក្លាយជាប្រតិបត្តិការអចលនទ្រព្យថ្លៃបំផុតក្នុងប្រវត្តិសាស្ត្រឥណ្ឌា។ វិមានបីជាន់ដែលមានទំហំ ៥០,០០០ sq ft ត្រូវបានសាងសង់ក្នុងទសវត្សរ៍ឆ្នាំ ១៩៣០ ក្នុងរចនាប័ទ្មបែប Indian-deco ជាមួយនឹងពែងរាងមូលដ៏គួរឲ្យភ្ញាក់ផ្អើល និងសំណាញ់បង្អួចយ៉ាងស្រស់ស្អាត។ គ្រួសារ Poonawalla ត្រូវបានគេរាយការណ៍ថា គ្រោងនឹងប្រើប្រាស់វាជាផ្ទះចុងសប្ដាហ៍។

២ ផ្ទះ Jatia ៥១ លានដុល្លារ ម្ចាស់ Kumar Mangalam

លោក Kumar Mangalam ប្រធានក្រុមហ៊ុន Aditya Birla Group ដែលមានតម្លៃរាប់ពាន់លានដុល្លារបានធ្វើប្រតិបត្តិការអចលនទ្រព្យដ៏ថ្លៃបំផុតមួយនៅទីក្រុង Mumbai នៅពេលដែលគាត់បានទិញផ្ទះ Jatia ចំនួន ៥១ លានដុល្លារក្នុងឆ្នាំ២០១៥ នេះបើយោងតាមសារព័ត៌មាន Indian Express។ វិមានដែលប្រឈមមុខនឹងសមុទ្រ លាតសន្ធឹងលើផ្ទៃដី ៣១,៥០០ ម៉ែត្រការ៉េ ហើយវាមានបីជាន់ បន្ទប់គេង ២០ និងបន្ទប់បាល់ជាច្រើន នេះបើយោងតាមគេហទំព័រ Housing.com។ ពិដាននេះត្រូវបានគេរាយការណ៍ថា ធ្វើពីឈើធ្នង់ភូមាទាំងស្រុង ហើយអាចទទួលភ្ញៀវជាង ៥០០នាក់ សម្រាប់ព្រឹត្តិការណ៍នានា។

៣ Antilia ២ ពាន់លានដុល្លារ ម្ចាស់ Mukesh Ambani

ផ្ទះ Ambani ដ៏ល្បីល្បាញបានក្លាយទៅជាកន្លែងសម្គាល់នៅទីក្រុងបុមបៃ មិនមែនតែដោយសារតែវាជាអចលនទ្រព្យលំនៅឋានថ្លៃបំផុតមួយនៅក្នុងពិភពលោកប៉ុណ្ណោះទេ ប៉ុន្តែក៏ដោយសារតែលក្ខណៈពិសេស OTT របស់វាផងដែរ។Architectural Digest បានរាយការណ៍ថា ផ្ទះនេះត្រូវបានរចនាឡើងជុំវិញផ្កាឈូក និងព្រះអាទិត្យជាមួយនឹងជាន់កម្ពស់ពីរជាន់ចំនួន ២៧ ជាន់ Antilia មានបន្ទប់គ្រប់គ្រាន់សម្រាប់លក្ខណៈពិសេស គួរឲ្យចាប់អារម្មណ៍ជាច្រើន រួមមានបន្ទប់អធិស្ឋាន ព្រះវិហារបរិសុទ្ធ សាលធំមួយ កន្លែងលក់ការ៉េម រោងកុនឯកជន ឧទ្ធម្ភាគចក្រ និងយានដ្ឋានដែលអាចផ្ទុករថយន្តបាន ១៦៨ គ្រឿង។

៤ Gulita ៦២ លានដុល្លារ ម្ចាស់ Isha Ambani និង Anand Piramal

នៅពេលដែល Isha Ambani បានរៀបការជាមួយប្តីរបស់នាង Anand Piramal នាងបានរើចេញពីផ្ទះគ្រួសាររបស់នាងឈ្មោះ Antilia ទៅកាន់អគារមួយក្នុងចំណោមអគារដែលល្បីបំផុតនៅទីក្រុងបុមបៃ។ India Times បានរាយការណ៍ថា ផ្ទះនេះគឺជាអំណោយពីឪពុកម្ដាយរបស់ Anand គឺ Ajay និង Swati Piramal សម្រាប់ពិធីមង្គលការ។ យោងតាម Reuters ពួកគេបានទិញផ្ទះនេះក្នុងតម្លៃ៦២លានដុល្លារ។ វិមាននេះក៏មានទេសភាពដ៏អស្ចារ្យនៃសមុទ្រអារ៉ាប់ បន្ទប់ក្រោមដីចំនួន៣ បន្ទប់ទទួលទានអាហារជាច្រើន និងអាងហែលទឹកនៅខាងក្រៅ។

៥ Jalsa ១៣ លានដុល្លារអាមេរិក ម្ចាស់ Amitabh Bachchan

វិមានប្រណិត Jalsa ជារបស់តារាបូលីវូដ Amitabh Bachchan គឺជាកន្លែងទាក់ទាញទេសចរណ៍ដ៏សំខាន់មួយនៅទីក្រុងបុមបៃ។ មានទីតាំងនៅតំបន់ Juhu ផ្ទះនេះមានបន្ទប់គេង៥ បន្ទប់ទទួលភ្ញៀវជាច្រើន បណ្ណាល័យ និងកន្លែងសិក្សា។ យោងតាមទស្សនាវដ្តី Vogue India តារាសម្តែងរូបនេះត្រូវបានផ្ដល់អំណោយដល់វិមានដោយផលិតករ NC Sippy យ៉ាងច្រើនក្រាស់ក្រែល៕

ប្រែសម្រួល៖ សាង ស្រីល័ក្ខ

ចុចអាន៖គូស្វាមីភរិយា ៦ គូ ជាមហាសេដ្ឋីប្រាក់លានលើពិភពលោក

ចុចអាន៖រាជវង្ស កាតា គ្រងរាជសម្បត្តិដល់ទៅ ៣៣៥ ពាន់លានដុល្លារ តើទ្រង់ចំណាយលើអ្វីខ្លះ?