កំពូលទឹកអប់ ១០ ក្លិន ជាប្រេនរបស់តារាល្បីៗ ដែលលក់ដាច់បំផុត

ក្រៅពីការងារសិល្បៈនិងសង្គម តារាល្បីៗ១០ដួងនេះមានធ្វើប្រេនទឹកអប់ផ្ទាល់ខ្លួនផងដែរ។ ទឹកអប់នីមួយៗជាទឹកអប់លក់ដាច់ និងទទួលបានការគាំទ្រពីសំណាក់អ្នកប្រើជាច្រើនរួមមាន៖

១០. Cloud របស់ Ariana Grande

ទឹកអប់រូបរាងពពកដ៏គួរស្រឡាញ់នេះមានក្លិនក្រអូបដិតងុំភាយខ្លាំងបានយូរ វាចេញក្នុងឆ្នាំ២០១៨ មកទល់បច្ចុប្បន្ន Ariana បញ្ចេញទឹកអប់សរុបលើស១០ក្លិនហើយ។

៩. Nude របស់ Rihanna

អ្នកដែលធ្លាប់នៅក្បែរ Rihanna សុទ្ធតែលាន់មាត់គ្រប់គ្នាថាគាត់មានក្លិនក្រអូបដូចឋានសួគ៌ ទើបធ្វើឲ្យគេទុកចិត្តម៉ាកទឹកអប់ដែលគាត់ផលិត។

៨. Glow របស់ Jennifer Lopez

វាមានក្លិនធម្មជាតិៗផ្កាៗមិនឈឺក្បាល ក្លិននេះក្រអូបសក្ដិសម​ជាម៉ាករបស់អ្នកស្រី Jennifer Lopez មែន។ 

៧. Curious របស់ Britney Spears

ក្រៅពីជាតារាក្នុងឧស្សាហកម្មតន្ត្រី Britney Spears ក៏ជាសហគ្រិនម្នាក់ផងដែរ។ ម៉ាកទឹកអប់របស់នាង ‘Curious’ មានឈ្មោះពិសេសថែមទាំងមានក្លិនក្រអូបទៀតផងគឺជាការលាយបញ្ចូលគ្នានៃវ៉ានីឡា ផ្កាម្លិះ និង musk ដែលធ្វើឱ្យវាល្អឥតខ្ចោះសម្រាប់បាញ់ប្រចាំថ្ងៃ។

៦. Fame របស់ Lady Gaga

គាត់ដាក់ឈ្មោះទឹកអប់នេះតាម Album ឆ្នាំ២០១២ ដែលជាសំណព្វចិត្តរបស់គាត់។ ទឹកអប់ Fame មានក្លិនទឹកឃ្មុំ និង apricot លាយជាមួយក្លិនរបស់វ៉ានីឡា និង musk។ 

៥. Lovely របស់ Sarah Jessica Parker

ឈ្មោះដូចទឹកអប់មនុស្សស្រី ប៉ុន្តែចំណុចពិសេសត្រង់ថាបាញ់បានទាំងបុរសនិងនារី។

៤. Killer Queen របស់ Katy Perry

វាមានក្លិនសូកូឡា ផ្លែប៊ឺរីខ្លះ ផ្កាម្លិះ sambac, patchouli និង praline ។

៣. KKW X Kris របស់ Kim Kardashian

ដបស្អាតទាក់ទាញដូចម្ចាស់បេះដាក់ និយាយពីក្លិនវិញបែប woody-amber ផ្លែឈើ និងផ្កា។

២. Wonderstruck របស់ Taylor Swift

រាល់ទឹកអប់ដែលគាត់ចេញលក់សុទ្ធតែមានក្លិនស្រាល ក្មេង និងស្រស់ស្រាយ ជាពិសេសតម្លៃល្អៗទៀត។

១. Fairy Dust របស់ Paris Hilton

គេពណ៌នាពីទឹកអប់នេះបានថាមានក្លិនដូចអ្វីដែលទេពអប្សរប្រើ។

ទឹកអប់តារាល្បីៗខាងលើនេះមិនត្រឹមតែក្រអូបជាប់ល្អទេ ថែមទាំងមានតម្លៃសមរម្យដើម្បីឲ្យអ្នកគាំទ្រអាចទិញគ្រប់ៗគ្នា៕

ប្រែសម្រួលដោយ៖ វារី

ចុចអាន៖ ប្រមូលយីហោ​ទឹកអប់ថ្លៃកប់ពពកទាំង ១០ លើលោក​

ចុចអាន៖ គ្រឿងសម្អាង និងទឹកអប់មានអាយុកាលផុតកំណត់ ប្រើមិនប្រយ័ត្នអាចមានគ្រោះថ្នាក់