KPT+
បុត្រាបុត្រី ៧ អង្គ របស់ស្ដេចថៃ Maha Vajiralongkorn សុទ្ធតែមានមុខតំណែងធំៗ
ព្រះមហាក្សត្រ Maha Vajiralongkorn ត្រូវបានសារព័ត៌មានធំៗចុះផ្សាយថា ទ្រង់ធ្លាប់រៀបអភិសេកដល់ទៅ៣ដង និងមានបុត្រាបុត្រី៧អង្គឯណោះ។ ត្បិតថាមានបុត្រដល់ទៅ៧អង្គ ប៉ុន្តែបើនិយាយពីឯកជនភាពរបស់បុត្រនីមួយៗ គឺពុំសូវមានព័ត៌មានចុះផ្សាយច្រើនទេ ខណៈអង្គខ្លះមានមុខតំណែងធំៗក្នុងដៃ ខ្លះទៀតក៏បានចាកចេញពីប្រទេសធ្វើជារាស្ត្រសាមញ្ញ។
ខាងក្រោមនេះ គឺជាបុត្រា បុត្រី ៧ អង្គ របស់ព្រះមហាក្សត្រ Maha Vajiralongkorn ៖
១ ព្រះនាង Bajrakitiyabha Narendira Debyavati
![](https://www.kampucheathmey.com/wp-content/uploads/2022/12/image-1234-1024x538.png)
ព្រះនាងប្រសូតនៅថ្ងៃទី ០៧ ខែធ្នូ ឆ្នាំ ១៩៧៨ ជាបុត្រីច្បងរបស់ស្ដេច Maha Vajiralongkorn និងអតីតម្ចាស់ក្សត្រី Soamsawali។ បច្ចុប្បន្នទ្រង់គឺជាឯកអគ្គរដ្ឋទូតរបស់ប្រទេសថៃប្រចាំប្រទេសអូទ្រីស។ ប៉ុន្តែមុនជាឯកអគ្គរដ្ឋទូតទ្រង់បានបម្រើការជាបេសកកម្មអចិន្ត្រៃយ៍របស់ថៃ ប្រចាំអង្គការសហប្រជាជាតិនៅទីក្រុងញូវយ៉ក។
ដោយឡែកកាលពីពេលថ្មីនេះៗ ព្រះនាង Bajrakitiyabha ត្រូវបានក្រុមគ្រូពេទ្យបញ្ចូនចូលសម្រាកក្នុងមន្ទីពេទ្យដោយសារតែរោគបេះដូង ខណៈពេលកំពុងហ្វឹកហាត់ជាមួយសត្វសុនខរបស់ព្រះនាងសម្រាប់ការប្រកួតមួយនៅខេត្ត Nakhon Ratchasima។
២ ព្រះនាង Sirivannavari Nariratana Rajakanya
![](https://www.kampucheathmey.com/wp-content/uploads/2022/12/image-1236-1024x1024.png)
ទ្រង់ប្រសូតនៅថ្ងៃទី ៨ មករា ១៩៨៧ គឺជាបុត្រីតែមួយគត់របស់ស្ដេច Vajiralongkorn និងអតីតមហេសី Sujarinee Vivacharawongse ខណៈទ្រង់គឺសមាជិករាជវង្សមួយរូបក្នុងជួរស្នងរាជ្យ និងទទួលងារជាស្ដេចក្នុងចំណោមបងប្អូនទ្រង់៤អង្គទៀត។ មិនត្រឹមតែមានងាររាជវង្សប៉ុណ្ណោះទេ ប៉ុន្តែព្រះនាងក៏ជាអ្នកច្នៃម៉ូដល្បីឈ្មោះ ជាអ្នកជិះសេះ និងជាអតីតកីឡាករវាយសីផងដែរ។ ទ្រង់ថែមទាំងត្រូវបានលើកតម្កើងឋានៈជាព្រះនាងដ៏ខ្ពង់ខ្ពស់ដោយព្រះរាជបញ្ជារបស់ជីតាទ្រង់គឺព្រះអង្គ Bhumibol Adulyadej នៅថ្ងៃទី ១៥ ខែមិថុនា ឆ្នាំ ២០០៥។ ថ្វីត្បិតតែទ្រង់ជាប់ចំណាត់ថ្នាក់លេខ ២ លើរាជបល្ល័ង្កក៏ដោយ ក៏ទ្រង់តែងរកចំណូលបានដោយខ្លួនឯងក្នុងនាមជាអ្នកច្នៃម៉ូដដ៏ជោគជ័យម្នាក់។ ទ្រព្យសម្បត្តិសុទ្ធរបស់ទ្រង់ មានប្រហែល៣០ លានដុល្លារ។
៣ ព្រះអង្គម្ចាស់ Juthavachara Mahidol
![](https://www.kampucheathmey.com/wp-content/uploads/2022/12/image-1237.png)
ប្រសូតនៅថ្ងៃទី ២៩ ខែសីហា ឆ្នាំ១៩៧៩ ជាបុត្ររបស់អតីតមហេសី Sujarinee Vivacharawongse។ ក្រោយមកទ្រង់ក៏ក្លាយជារាស្ត្រសាមញ្ញ លែងមានតំណែងជារាជបុត្រ បន្ទាប់ពីត្រូវបណ្ដេញចេញពីប្រទេសថៃ ទៅរស់នៅសហរដ្ឋអាមេរិកជាមួយព្រះមាតា។
៤ ព្រះអង្គម្ចាស់ Chakriwat Vivacharawongse
![](https://www.kampucheathmey.com/wp-content/uploads/2022/12/image-1238.png)
ទ្រង់ប្រសូត្រនៅថ្ងៃទី២៦ ខែកុម្ភៈ ឆ្នាំ១៩៨៣ ជាព្រះអនុចព្រះអង្គម្ចាស់ Juthavachara Mahidol ដែលមានមាតារួមគ្នា និងបច្ចុប្បន្ននេះទ្រង់ជាគ្រូពេទ្យនៅសហរដ្ឋអាមេរិក ដែលត្រូវបណ្ដេញចេញដូចគ្នា។
៥ ព្រះអង្គម្ចាស់ Vatcharawee Vivacharawongse
![](https://www.kampucheathmey.com/wp-content/uploads/2022/12/image-1239.png)
ប្រសូត្រនៅថ្ងៃទី១៤ ខែមិថុនា ឆ្នាំ១៩៨៥ រាជបុត្រអង្គនេះក៏ត្រូវបានបណ្ដេញចេញទៅរស់នៅសហរដ្ឋអាមេរិកជាមួយមាតា រួមទាំងបងប្អូន៣នាក់ទៀត។ សម្រាប់ព័ត៌មានលម្អិតរបស់ទ្រង់ គឺពុំមានលើបណ្ដាញសង្គមឬព័ត៌មានការចុះផ្សាយណាមួយឡើយ។ ប៉ុន្តែលេចឮថា ទ្រង់គឺប្រធានក្រុមហ៊ុនលើទឹកដីអឺរ៉ុប។
៦ Vacharaesorn Vivacharawongse
![](https://www.kampucheathmey.com/wp-content/uploads/2022/12/image-1240.png)
ទ្រង់ប្រសូត្រនៅថ្ងៃទី២៧ ខែឧសភា ឆ្នាំ១៩៨១ មានមាតាជាអតីតមហេសី Sujarinee Vivacharawongse ដែលត្រូវបណ្ដេញចេញទៅរស់នៅសហរដ្ឋអាមេរិកដូចគ្នា។ ចំពោះតំណែងរបស់ទ្រង់ គឺពុំមានលម្អិតទេ។
៧ ព្រះរាជបុត្រ Dipangkorn Rasmijoti Sirivibulyarajakumar
![](https://www.kampucheathmey.com/wp-content/uploads/2022/12/image-1235-819x1024.png)
ព្រះរាជបុត្រ Dipangkorn ប្រសូតនៅថ្ងៃទី២៩ ខែមេសា ឆ្នាំ ២០០៥ ទ្រង់គឺជាបុត្រពៅដែលមានមាតាព្រះនាម Srirasmi Suwadee ដែលជាអតីតមហេសីទីបីរបស់ស្តេច Maha Vajiralongkorn។ រាជបុត្រតូចអង្គនេះគឺជាសមាជិកនៃរាជវង្សចក្រី និងជាអ្នកស្នងមរតកឡើងគ្រងរាជ្យរបស់ប្រទេសថៃផងដែរ៕
ប្រែសម្រួល៖ សាង ស្រីល័ក្ខ
ចុចអាន៖បុត្រាបុត្រីទាំង ១២ អង្គរបស់ស្ដេចស៊ុលតង់ សុទ្ធតែមានព្រះរាជកិច្ចធំៗក្នុងជួររាជវាំង ព្រុយណេ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២២ ម៉ោង ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ១ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច