KPT+
រមណីយដ្ឋាន ១០កន្លែង នៅពោធិ៍សាត់ ជម្រើសល្អបំផុតសម្រាប់ដំណើរកម្សាន្តបែបធម្មជាតិ នាចុងឆ្នាំនេះ
សម្រាប់ដំណើរកម្សាន្តបែបធម្មជាតិ ជាមួយនឹងទេសភាពទឹដ៏ត្រកាលនៃជួរភ្នំក្រវ៉ាញ ទឹកធ្លាក់ជាច្រើនកន្លែង ពិសេស ការជិះទូកកម្សាន្តតាមដងទន្លេសាប និងការកម្សាន្តឡើងភ្នំ ខេត្តពោធិ៍សាត់ នឹងផ្តល់អារម្មណ៍ភ្ញាក់ផ្អើលទាំងនេះ ដល់ទេសចរ។
ពោធិ៍សាត់ ជាខេត្តមួយស្ថិតនៅក្នុងតំបន់ទនេ្លសាប មានទីតាំងនៅទិសបចិ្ចមនៃប្រទេសកម្ពុជា ចម្ងាយប្រមាណជា ១៨៩គីឡូម៉ែត្រ ពីរាជធានីភ្នំពេញ។ ខេត្តមួយនេះ សម្បូរទៅដោយរមណីយដ្ឋានធម្មជាតិជាច្រើនកន្លែង មិនថារដូវប្រាំង ឬវស្សា តំបន់ទេសចរណ៍នៃខេត្តនេះ នៅតែពេញនិយមសម្រាប់ទេសចរជាតិ-អន្តរជាតិ។
![](https://www.kampucheathmey.com/wp-content/uploads/2022/12/Untitled-1-1024x614.jpg)
ខាងក្រោមនេះ ជាតំបន់ទេសចរណ៍មួយចំនួន ដែលពេញនិយមបំផុត៖
១. កំពង់ហ្លួង ឬភូមិអណ្ដែតទឹក
កំពង់ហ្លួង ឬភូមិអណ្ដែតទឹក ជាតំបន់ទេសចរណ៍មួយ ទទួលបានប្រជាប្រិយភាព ពីភ្ញៀវបរទេសទៅលេងកម្សាន្តច្រើន នារដូវវស្សា។ ទៅដល់ទីនោះ លោកអ្នកនឹងបានឃើញពីការរស់នៅរបស់បងប្អូនប្រជាពលរដ្ឋ ដែលច្រើនប្រកបរបរនេសាទត្រី ផ្ទះដុះដូចផ្សិតអណ្ដែតលើផ្ទៃទឹក មានទូកជាមធ្យោបាយធ្វើដំណើរឡើងចុះ។ មិនមែនជាតំបន់ទំនើប អ៊ូអរដូចតំបន់ទេសចរណ៍ផ្សេងទៀតឡើយ ប៉ុន្តែភូមិបណ្តែតទឹកនឹងធ្វើឲ្យលោកអ្នក បានស្គាល់ពីរសជាតិនៃការរស់នៅបែបអ្នកនេសាទ និងអ្នកនៅតំបន់ទន្លេ។
![](https://www.kampucheathmey.com/wp-content/uploads/2022/12/កំពង់ហ្លួង០-1024x614.jpg)
![](https://www.kampucheathmey.com/wp-content/uploads/2022/12/កំពង់ហ្លួង១-1024x614.jpg)
២. ទឹកធ្លាក់ច្រកល្អៀង
ទឹកធ្លាក់ច្រកល្អៀង គឺជាទឹកធ្លាក់ដែលល្បីល្បាញខាងសម្រស់ស្អាតជាងគេ ក្នុងចំណោមទឹកធ្លាក់ទាំងអស់នៅខេត្ត ពោធិ៍សាត់ ដោយសារតែវាជាតំបន់ទេសចរណ៍មួយសម្បូរទៅដោយទេសភាពធម្មជាតិមានទឹកជ្រោះ និងព្រៃឈើពណ៌ខៀវស្រងាត់ មិនចាញ់ទឹកជ្រោះប៊ូស្រាប៉ុន្មាននោះទេ។
![](https://www.kampucheathmey.com/wp-content/uploads/2022/12/ទឹកធ្លាក់ច្រកល្អៀង២-1024x614.jpg)
![](https://www.kampucheathmey.com/wp-content/uploads/2022/12/ទឹកធ្លាក់ច្រកល្អៀង១-1024x614.jpg)
៣. ភ្នំ ១៥០០ ផ្លូវអន្ទង់អាំង
កាលពីមុនបើចង់ឡើងលើភ្នំ ១៥០០ យើងត្រូវចំណាយពេលច្រើនថ្ងៃ ប៉ុន្តែឥលូវនេះបើចង់ឡើងទៅលើភ្នំ គឺជារឿងងាយស្រួលខ្លាំងណាស់ ព្រោះគេបានធ្វើផ្លូវលេខ៥៥ ដែលហៅថា“ផ្លូវអន្ទង់អាំង” (វាមានរាងដូចសត្វអន្ទង់អាំង) បានយ៉ាងស្អាត និងជាផ្លូវសរសៃឈាមសេដ្ឋកិច្ចថ្មីមួយដ៏សំខាន់តភ្ជាប់ពីទីរួមខេត្តពោធិ៍សាត់ កាត់តាមស្រុកវាលវែង រហូតដល់ថ្មដាព្រំដែនកម្ពុជា-ថៃ។
![](https://www.kampucheathmey.com/wp-content/uploads/2022/12/ផ្លូវអន្ទង់អាំង១-1024x614.jpg)
![](https://www.kampucheathmey.com/wp-content/uploads/2022/12/ផ្លូវអន្ទង់អាំង-1024x614.jpg)
៤. ទឹកធ្លាក់ថ្មដាតូច
ប្រសិនបើបានទៅលេខភ្នំ១៥០០ ដូចបានទៅលេងទឹកធ្លាក់ថ្មដាតូចអ៊ីចឹងដែរ ដូច្នេះហើយកុំភ្លេចឈាងចូលលេងឲ្យសោះ។ ទីនោះជារមណីយដ្ឋានដ៏ត្រជាក់ចិត្តមួយកន្លែង ស្ថិតនៅជាប់នឹងផ្លូវអន្ទង់អាំង ក្បែរភ្នំ១៥០០ ហើយពេលខ្លះគេហៅថា “ទឹកធ្លាក់ភ្នំ១៥០០” ។ យើងចុះពីផ្លូវអន្ទង់អាំងចម្ងាយប្រមាណ ១០០ម៉ែត្រ នឹងបានឃើញនូវទិដ្ឋភាពទឹកថ្លាខ្យង ហូរលើជម្រាលថ្មភ្នំជាថ្នាក់ៗ ហាក់ដូចកាំជណ្ដើរ អមជាមួយសម្រស់ព្រៃភ្នំជាទីមនោរម្យ និយាយថាពីល្អប្លែកភ្នែក និងទាក់ចិត្តភ្ញៀវទេសចរឲ្យឈានជើងចូលទៅលេងទឹកតាមដំណាក់ទាំងនោះ។
![](https://www.kampucheathmey.com/wp-content/uploads/2022/12/ភ្នំដា-1024x614.jpg)
![](https://www.kampucheathmey.com/wp-content/uploads/2022/12/ទឹកធ្លាក់ថ្មថាតូច-1024x614.jpg)
៥. ជួរភ្នំក្រវ៉ាញ
តំបន់នេះបានភ្ជាប់មកជាមួយនូវប្រវត្តិសាស្ត្រដ៏ជូរចត់ ធ្លាប់ជាបន្ទាយចុងក្រោយមួយសម្រាប់ទាហានខ្មែរក្រហម។ បន្ទាប់ពីការដួលរលំនៃរបបដឹកនាំដោយប៉ុល-ពតក្នុងឆ្នាំ ១៩៧៩ ទាហានជាច្រើនបានភៀសខ្លួនទៅក្នុងព្រៃ។
ជួរភ្នំក្រវ៉ាញ ជាបណ្ដុំភ្នំជាច្រើន មានទឹកជ្រោះរាប់សិបកន្លែង បឹងតូចធំ មហាសមុទ្រព្រៃឈើយ៉ាងខៀវស្រងាត់ និងភាវៈចម្រុះ គួរឲ្យចាប់អារម្មណ៍ អ្វីដែលកាន់តែពិសេសគឺវាជាតំបន់អភិរក្សសត្វព្រៃគ្រប់ប្រភេទ និងធម្មជាតិ។
![](https://www.kampucheathmey.com/wp-content/uploads/2022/12/ជួរភ្នំក្រវ៉ាញ១-1024x614.jpg)
៦. ទឹកធ្លាក់អូរដា
រមណីយដ្ឋានបែបធម្មជាតិទឹកធ្លាក់អូរដា មានទឹកធ្លាក់ដ៏ស្រស់ស្អាត និងស្រស់បំព្រង ដែលមានប្រភព ពីស្ទឹងអារ៉ៃលើខ្នងភ្នំឱរ៉ាល់។ ទីនេះ មានទឹកហូរធ្លាក់តាមដំណាក់ជម្រាល ប៉ះលើថ្មដាទាំងផ្ទាំងៗអាចអន្ទងចិត្តឲ្យភ្ញៀវទេសចរចូលទៅងូត ហែលលេងជាមួយ។
![](https://www.kampucheathmey.com/wp-content/uploads/2022/12/អូរដា-1024x614.jpg)
៧. កោះសំពៅមាស
កោះសំពៅមាស ជាទីដ៏សែនមនោរម្យសម្រាប់ប្រជាជនក្នុងស្រុកទៅលេងលំហែកាយ និងអារម្មណ៍ ក៏ដូចជាភ្ញៀវទេសចរពីនាយពីអាយផងដែរ។ ជាពិសេសនៅពេលយប់ព្រលប់ កោះសំពៅមាសមានពន្លឺចាំងចែងស្អាតហាក់ដូចជាត្បូងមានពន្លឺ មិនចាញ់ពន្លឺភ្លើងទីក្រុងនាពេលរាត្រីឡើយ។
![](https://www.kampucheathmey.com/wp-content/uploads/2022/12/កោះសំពៅមាស២.jpg)
![](https://www.kampucheathmey.com/wp-content/uploads/2022/12/កោះសំពៅមាស-1-1024x614.jpg)
៨. ភ្នំទំព័រ
ភ្នំទំព័រ មានកម្ពស់ ១៥៥១ម៉ែត្រជាភ្នំខ្ពស់ជាងគេចំណាត់ថ្នាក់លេខ ៣ ក្នុងប្រទេសកម្ពុជា ហើយជាតំបន់អភិរក្ស ក្រោមការគាំពាររបស់សហគមន៍ផ្សងព្រេងតំបន់ទេសចរណ៍ភ្នំទំព័រ ដែលទទួលស្គាល់ដោយក្រសួងបរិស្ថាន និងរាជរដ្ឋាភិបាល។ ទីនេះគឺជាតំបន់ជម្រកសត្វព្រៃ និងព្រៃឈើ ដែលហ៊ុំព័ទ្ធដោយជួរភ្នំ ហើយបច្ចុប្បន្ន ភ្នំនេះត្រូវបានចុះបញ្ជីជាតំបន់អេកូទេសចរណ៍ផ្សងព្រេងក្នុងព្រៃ នៃព្រះរាជាណាចក្រកម្ពុជា។
![](https://www.kampucheathmey.com/wp-content/uploads/2022/12/tompor1-1024x614.jpg)
![](https://www.kampucheathmey.com/wp-content/uploads/2022/12/caption.jpg)
៩. ទឹកធ្លាក់ ល្បាក់កំរោញ
ទឹកធ្លាក់ ល្បាក់កំរោញ ជាប្រភេទរមណីយដ្នានធម្មជាតិ ដែលអាចឱ្យទេសចរ ដើរទស្សនាកសិដ្ឋាន ពិកនិច ទទួលទានអាហារ ហែលទឹក និងកម្សាន្តដោយថ្មើរជើងជាដើម ធ្វើឱ្យអារម្មណ៍ស្រស់ស្រាយ ជាមួយនឹងរុក្ខជាតិតូចធំ ដុះខៀវស្រងាត់ នៅអមមាត់ទឹកផ្តល់ជាម្លប់ត្រជាក់ត្រឈឹងត្រឈៃ។ តំបន់ទេសចរណ៍ ល្បាក់កំរោញ មានទីតាំងស្ថិតនៅ ភូមិអង្ក្រង ឃុំសំរោង ស្រុកភ្នំក្រវាញ ខេត្តពោធិ៍សាត់ និងមានចម្ងាយប្រហែល ៥៤គីឡូម៉ែត្រ ពីកោះសំពៅមាស។
![](https://www.kampucheathmey.com/wp-content/uploads/2022/12/ល្បាក់កំរោញ-1024x614.jpg)
![](https://www.kampucheathmey.com/wp-content/uploads/2022/12/ល្បាក់កំរាញ-1024x614.jpg)
១០. អូរសោម
អូរសោម គឺជាជង្រុកនៃសម្បត្តិធម្មជាតិមួយ ដែលស័ក្តិសមនឹងអ្នកចូលចិត្តដើរផ្សងព្រេងខ្លាំងណាស់។ ទៅទីនោះលោកអ្នកអាចងូតទឹកធ្លាក់ដ៏ត្រជាក់ស្រេបលេង ជិះទូក ឬកាយ៉ាក់តាមបឹងដ៏ធំអូរសោម និងមើលថ្ងៃអស្ដង្គត ដើរព្រៃ ឡើងលើភ្នំ បោះតង់ និងគយគន់មើលទស្សនីយភាពនៃរុក្ខជាតិ និងភាវៈមានជីវិតដែលមាននៅតំបន់នោះ ជាពិសេសនៅទីនោះគេមានកន្លែងអភិរក្សសត្វក្រពើ៕
![](https://www.kampucheathmey.com/wp-content/uploads/2022/12/អូរសោម២-1024x614.jpg)
![](https://www.kampucheathmey.com/wp-content/uploads/2022/12/អូរសោម៤-1024x614.jpg)
![](https://www.kampucheathmey.com/wp-content/uploads/2022/12/អូរសោម-1024x765.jpg)
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២២ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២២ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?