រឿងតុក្កតាឆ្កែ Courage មានប្រភពមកពីរឿងពិតគួរឲ្យខ្លាចនៅញូវម៉ិចស៉ិចកូ

រឿងតុក្កតានេះគេនិយាយអំពីប្ដីប្រពន្ធមួយគូរស់នៅជាមួយឆ្កែមួយក្បាលនៅក្នុងផ្ទះដាច់ស្រយាលពីទីប្រជុំជន ហើយតែងតែមានការយាយីពីពួកអមនុស្សនៅខាងក្រៅផ្ទះមិនដែរខាន ។ យើងសង្កេតឃើញថាឆ្កែ Courage ដែលជាតួឯកមានអាកប្បកិរិយាភ័យខ្លាចមិនឈប់ញ័រទទ្រើត និងស្រលាញ់ម្ចាស់ជាងអ្វីៗទាំងអស់ ។

ផ្ទះខាងលើស្ថិតនៅរដ្ឋញូវម៉ិចស៉ិចកូ តំបន់ “Truth Or Consequences” ជាផ្ទះដែលសម្បូររឿងអាស្រូវដូចជា ឃាតកម្ម និងការចាប់ជម្រិតជាច្រើនករណី ។ ក្រោយមកប្ដីប្រពន្ធដែលជាម្ចាស់ឆ្កែនោះឧស្សាហ៍រាយការណ៍ប្រាប់ប៉ូលីសពីព្រឹត្តិការណ៍ប្លែកៗ និងអះអាងថាជា Skin-Walker មិនយូរប៉ុន្មានពួកគាត់ទាំងពីរក៏បាត់ខ្លួនយ៉ាងចម្លែក បន្សល់ទុកតែឆ្កែមួយក្បាលគត់គឺ “Courage” ។ យោងទៅតាមអ្នកស្រាវជ្រាវពីញូវម៉ិចស៉ិចកូបានឲ្យដឹងថា Skin-Walker មានពិតប្រាកដមែន មិនមែនប្រឌិតឡើងដើម្បីបន្លាចកូនក្មេងនោះទេ ពួកនោះគឺជាធ្មប់មានសមត្ថភាពប្រែក្រឡាទៅជាសត្វផ្សេងៗប៉ុន្តែមានលក្ខណៈកត់សម្គាល់គួរឲ្យខ្លាចដូចជា មានក្លិនស្អុយខុសធម្មតា សត្វលើសជើង សត្វមានគ្រាប់ភ្នែកខ្មៅ ឬពាហនៈដើរជើងពីរជាដើម ។ Skin-Walker អាចបង្កគ្រោះថ្នាក់ដល់មនុស្សធម្មតា ប៉ុន្តែវាមិនធ្វើសកម្មភាពភ្លាមៗនោះទេ វាត្រូវការលបមើលគោលដៅរបស់វាមួយរយៈសិនទើបចាត់ការតែម្ដង ។

សូមបន្ថែមទៀតថា ជនជាតិដើមញូវម៉ិចស៉ិចកូ និងជនជាតិ Navajo ដែលជាជនជាតិរស់នៅតំបន់ Skin-Walker តែងតែព្យាយាមលាក់បាំង ធ្វើមិនស្គាល់ពីភាវៈនេះដោយសម្ដែងធ្វើជាមិនស្គាល់និងមិនយល់ពីអ្វីដែលអ្នកសួរនាំរឿង Skin-Walker ប៉ុន្តែបើអ្នកចាប់ផ្ដើមជិតស្និទ្ធិជាមួយពួកគេហើយ អ្នកនឹងដឹងឮពីSkin-Walker ជាច្រើន សឹងតែគ្រប់គ្នាសុទ្ធតែធ្លាប់ឃើញវាទាំងអស់់ ៕  

ប្រែសម្រួលដោយ ៖ វារី

ចុចអាន៖ សម្រស់តុក្កតាព្រះនាង ​Disney​ ជាទម្រង់មុខមនុស្ស ពិតជាស្រស់ស្អាតខ្លាំងណាស់

ចុចអាន៖ អ្នកបញ្ចូលសម្លេងតុក្កតា Disney ជាតារាល្បីៗទាំង ១០ រូបនេះសោះ