ភូមិគ្រឹះប្រណិតរបស់សេដ្ឋីនីថៃ Khun sumane សុទ្ធតែវត្ថុបុរាណមានតម្លៃរាប់ពាន់លានដុល្លារ

ក្នុងប្រទេសថៃគ្មាននរណាម្នាក់មិនស្គាល់សេដ្ឋីនី Khun sumane ឬ ហៅថាតុក្កតា Barbie ដែលតែងប្រើ​ជីវិត​ហៃសូ​លើ​គំនរ​ទ្រព្យសម្បត្តិ​របស់លោកស្រី ហើយក៏លេចឮមកថាសល់ពីសម័យ​ដូនតាឯណោះ។

ត្បិតថាលោកស្រីមានអាយុ៨៣ឆ្នាំក្ដី ប៉ុន្តែបើនិយាយពីសម្រស់របស់សេដ្ឋីនី Khun sumane វិញគឺស្អាតមិនចាញ់ក្មេងមិនប៉ុន្មាននោះទេ។ លោកស្រីគឺជាមនុស្សដែលស្រលាញ់សម្រស់ និងចូលចិត្តប្រមូលទ្រព្យសម្បត្តិ​ពីបុរាណ ​ឬ​ចាស់ៗ​សល់​ពី​សង្គ្រាម​មក​រក្សា​ទុក​ជា​រឿយៗ។

ជាក់ស្ដែង​កាល​ពី​ពេលថ្មីៗ សេដ្ឋី​នី Khun sumane បាន​បើក​ឲ្យអ្នក​​យក​ព័ត៌មាន​ចូលទៅដល់ខាងក្នុងភូមិគ្រឹះហើយសេដ្ឋីនីរូបនេះបានបង្ហើបថា លោកស្រីសល់ដីទំនេរច្រើនហិចតាក្នុងប្រទេសថៃ ដោយមិនរាប់បញ្ចូលអគារនេះ តម្លៃគឺ ៦ លានបាតក្នុងមួយម៉ែត្រការ៉េ ហើយវាជាអគារខ្ពស់បំផុតដំបូងគេ​នៅក្នុងប្រទេសថៃ​កាលពីជាង ៥០ ឆ្នាំមុន ខណៈតម្លៃ​នៅ​ពេល​នោះ​គឺ​ប្រហែល ៣០ លាន​បាត។

សេដ្ឋីនីមានសម្រស់ក្មេងជាងវ័យនេះ​ក៏​បាន​និយាយ​ដែរ​ថា ការ​កើន​ឡើង​នៃ​ផ្ទះ​គឺ ដោយសារតែ​គ្រឿង​តុបតែង​ដូចជា​រូប​ចម្លាក់ White Carrara ធ្វើពីថ្មម៉ាបពណ៌ស​ តម្លៃ​រូប​សំណាកនេះគឺ​ជាង ១០ លាន​បាត​ ហើយនៅផ្នែកម្ខាងនៃបន្ទប់ទទួលភ្ញៀវធំ​គឺជាគ្រឿងសង្ហារឹមយីហោ Louis សឹងទាំងអស់។ ចំណែកម៉ាស៊ីនត្រជាក់ត្រូវបានបើកជារៀងរាល់ថ្ងៃ ព្រោះខ្លាចគ្រឿងសង្ហារឹមខូច ប្រសិនបើខូចពិបាកក្នុងការ​បញ្ជូន​វា​ទៅជួសជុល។ ដោយឡែកបន្ទប់ទទួលទានអាហារ ដែល​មាន​តុ-កៅអី សុទ្ធតែច្នៃចេញពីរោម​សត្វ​មក​ពី​ប្រទេស​អ៊ីតាលី ​អាយុ​ប្រហែល​៤០​ឆ្នាំ ​តម្លៃ​សរុប​រាប់​សិប​លាន​បាតដូចគ្នា។

សេដ្ឋី Sumanee ក៏ត្រូវ​បាន​គេ​រាយការណ៍​ថា ​ជា​ម្ចាស់​អគារ​ប្រាំបី​ជាន់​នៅ​ផ្លូវ Lang Suan។ បន្ទប់របស់គាត់ត្រូវបានតុបតែងជាមួយនឹងវត្ថុបុរាណដែលប្រមូលបានពីគ្រួសារគាត់ រួមទាំងធ្នើថ្មដែលគាត់បានទិញក្នុងទីក្រុង New York មានតម្លៃ ២៥ លានបាត។ គាត់ក៏ជាម្ចាស់កម្រាលព្រំមាស ដែលម្ចាស់ពីមុនគឺជាបងស្រីភ្លោះរបស់ Shah នៅប្រទេសអ៊ីរ៉ង់ ដែលលោកស្រីបានទិញនៅក្នុងការដេញថ្លៃមួយក្នុងតម្លៃ ៤ លានបាត។ ចំណែកឯវត្ថុដែលល្បីបំផុតនៅក្នុងផ្ទះរបស់គាត់គឺ បង្គន់ និងអាងងូតទឹកដែលស្រោបដោយមាស 24k៕

ប្រែសម្រួល៖ សាង ស្រីល័ក្ខ

ចុចអាន៖សែរាជវង្សអាស៊ី ៥ អង្គ កំពុងល្បីល្បាញព្រះកិត្តិនាម លើបណ្ដាញសង្គមយ៉ាងខ្លាំងក្លា