KPT+

តារាល្បីម្នាក់ចំណាយប្រាក់ជិត ២០ម៉ឺនដុល្លារ ដេញថ្លៃបន្តោងខ្សែកព្រះនាង Diana

បានផុស

២ years មុន

នៅ

ថ្ងៃសុក្រ ២០ មករា ២០២៣

ដោយ

“ឈើឆ្កាងអាតតាឡា” ដែលជាបន្តោងធ្លាប់ពាក់ដោយព្រះនាង Diana ធ្វើពីអាមេទីសកាត់រាងការ៉េរុំព័ទ្ធដោយពេជ្យជារង្វង់លក់ចេញហើយក្រោមតម្លៃ ១៩៧,៤៥៣ដុល្លារ នៅទីក្រុងឡុងដ៍ក្នុងកម្មវិធីដេញថ្លៃថ្ងៃទី១៨ ខែមករា ឆ្នាំ ២០២៣ ។ អ្នកឈ្នះក្នុងការដេញថ្លៃលើកនេះគឺតារាល្បី Kim Kardashian ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Kristian Sfforth ប្រធានផ្នែកគ្រឿងអលង្ការរបស់ Sotheby’s London មានសេចក្តីសោមនស្សជាខ្លាំងចំពោះការដេញថ្លៃវត្ថុមានតម្លៃដោយអ្នកស្រី Kim ព្រោះនាងជាបុគ្គលល្បី និងសាកសមស្នងតំណែងជាម្ចាស់ជំនួសព្រះនាង Diana ឥតទាស់ ។ និយាយពីបន្តោងខ្សែកព្រះនាងវិញ វាបានធ្វើឡើងក្នុងឆ្នាំ ១៩២០ ដោយ Garrard និងជាវដោយលោក Naim Attallah ត្រូវជាមិត្តភក្តិព្រះនាង Diana ក្នុងឆ្នាំ ១៩៨០ ។ ព្រះនាងបានពាក់វាក្នុងឆ្នាំ ១៩៨៧ ខែតុលា ជាមួយរូប Catherine Walker ដើម្បីចូលរួមកម្មវិធីសប្បុរសធម៌ Birthright ក្នុងទីក្រុងឡុងដ៍ ។

ជាចុងក្រោយលោក Ramsay Attalah កូនប្រុសលោក Naim Attalah បានឲ្យដឹងថា ព្រះនាង Diana ជាមនុស្សតែម្នាក់គត់ដែលបានពាក់ខ្សែកនេះពីមុនមក ហើយលោក Ramsay មិនដែរឃើញនរណាផ្សេងក្រៅពីព្រះនាងពាក់វាឡើយសូម្បីម្ដង ៕

ប្រែសម្រួលដោយ ៖ វារី

ចុចអាន ៖ រ៉ូបដែលព្រះនាង Diana សព្វព្រះរាជហឫទ័យ ជិតដល់ថ្ងៃដេញថ្លៃហើយ

ចុចអាន ៖ ជនអនាមិកដេញថ្លៃខ្ពស់បំផុតលើរថយន្ត Ford Escort ដែលព្រះនាង Diana សព្វព្រះរាជហឫទ័យជាងគេ