លោកយាយជនជាតិ អេស្ប៉ាញ ចាស់ជាងគេលើពិភពលោកប្រាប់ពីគន្លឹះអាយុវែង

លោកយាយ María Branyas Morera ជនជាតិអេស្ប៉ាញអាយុ ១១៥ ឆ្នាំបំបែកឯតទគ្គកម្មជាមនុស្សចាស់ជាងគេបំផុតលើពិភពលោកក្នុងកំណត់ត្រាហ្គីណេស បន្ទាប់ពីលោកយាយ Lucille Randon វ័យ ១១៨ ឆ្នាំលាចាកលោកទៅកាលពីថ្ងៃទី១៧ ខែមករា ឆ្នាំ២០២៣ ។

ទន្ទឹមនេះលោកយាយ María បានចែករំលែកពីគន្លឹះថែរក្សាសុខភាពឲ្យអាយុវែងមានដូចជា ត្រូវរស់នៅមានសណ្ដាប់ធ្នាប់, ភាពស្ងប់ស្ងាត់, ទំនាក់ទំនងល្អជាមួយគ្រួសារ-មិត្តភក្តិ, ទំនាក់ទំនងជាមួយធម្មជាតិ, ស្មារតីនឹងនរ, គ្មានការបារម្ភ, គ្មានវិប្បដិសារី ហើយពោរពេញដោយភាពវិជ្ជមាន ជាពិសេសរស់នៅឲ្យឆ្ងាយពីមនុស្សពិសពុល ។

យោង​តាម​គេហទំព័រហ្គីណេសបានឲ្យដឹងថា លោកយាយវ័យ ១១៥ ឆ្នាំខាងលើចាត់ទុកអាយុវែងគឺបណ្ដាលមកពីសំណាងល្អ និងហ្សែនតពូជល្អ ។

សព្វថ្ងៃលោកយាយរស់នៅមណ្ឌលចាស់ជរា Santa María del Tura ក្នុងប្រទេសអេស្ប៉ាញយ៉ាងមានផាសុកភាពជាង ២០ ឆ្នាំមកហើយ ដូច្នេះសុខភាពរបស់លោកយាយមិនត្រឹមតែរឹងមាំទេ ថែមទាំងទទួលបានការថែទាំដិតដល់ទៀតផង ៕

ប្រែសម្រួលដោយ ៖ វារី

ចុចអាន ៖ ស្ត្រីម្នាក់បំបែកកំណត់ត្រាពិភពលោក ជាមនុស្សស្រីមានក្រចកវែងគេជាងបំផុត