KPT+
មនុស្ស ៨ ប្រភេទ ដែលអ្នកគួររាប់អាន
នៅក្នុងជីវិត អ្នកនឹងជួបមនុស្សជាច្រើន ទាំងល្អ និងអាក្រក់ ដោយបុគ្គលខ្លះនាំឲ្យយើងវិនាស ឯខ្លះទៀតនាំឲ្យថ្កុំថ្កើង។ មនុស្សខ្លះមានបំណងចង់រស់នៅក្នុងជីវិតរបស់អ្នក ឯខ្លះទៀតនឹងចាកចេញ។ គ្រប់មនុស្សទាំងនេះ នឹងដើរតួក្នុងជីវិតរបស់អ្នក។
មនុស្ស ៨ ប្រភេទ ដែលអ្នកគួររាប់អានក្នុងជីវិត ហើយសូមរក្សាពួកគេឲ្យបានល្អ
១–មនុស្សដែលតែងតែផ្ដល់កម្លាំងចិត្តឲ្យអ្នក
រាល់ពេលដែលអ្នកបរាជ័យ មនុស្សទាំងនោះតែងតែផ្ដល់កម្លាំងចិត្តឲ្យអ្នកបន្តដំណើរទៅមុខជានិច្ច។ ពួកគេ តែងតែលើកទឹកចិត្ត និងផ្ដល់កម្លាំងចិត្តឲ្យអ្នក មិនថាក្នុងកាលៈទេសៈណាក៏ដោយ។
តើមានមនុស្សប៉ុន្មាននាក់ ដែលហ៊ានលះបង់បែបនេះចំពោះអ្នក? បើអ្នកបានស្គាល់មនុស្សប្រភេទនេះ សូមកុំបោះបង់ឲ្យសោះ ព្រោះកម្រនឹងជួបណាស់។
២–មនុស្សដែលនៅក្បែររាល់ពេលអ្នកមានទុក្ខ
មិនថាពេលអ្នកសប្បាយ ឬកើតទុក្ខ ពួកគេតែងតែនៅក្បែរអ្នកជានិច្ច។ ពួកគេជួយអ្នកដោយមិនគិតពីផលប្រយោជន៍តបស្នងអ្វីទាំងអស់។ ពួកគេ ចង់ឃើញជីវិតអ្នកមានសេចក្ដីសុខ និងរីកចម្រើន។មនុស្សដែលនៅក្បែរអ្នកពេលសប្បាយ ឬជោគជ័យ អ្វីមួយ អាចនឹងមានច្រើនរាប់មិនអស់។
ដោយឡែកមនុស្សដែលនៅក្បែររាល់ពេលអ្នកកើតទុក្ខ ឬត្រូវការជំនួយ ប្រហែលមិនមានច្រើនទេ ពេលខ្លះសឹងតែមិនមានតែម្ដង។ បើអ្នកបានជួបមនុស្សបែបនេះ ពិតជាសំណាងខ្លាំងណាស់។
៣–មនុស្សវិជ្ជមាន
មនុស្សវិជ្ជមាន តែងតែញញឹមច្រើន ហើយក្នុងចិត្តរបស់ពួកគេគឺគិតតែរឿងល្អៗ និងឈានបន្តទៅមុខជានិច្ច ហើយពួកគេមិនចូលចិត្តធ្វើជាមេបង្កបញ្ហាឡើយ។ ពួកគេ ចូលចិត្តអភិវឌ្ឍន៍ខ្លួនដើម្បីឲ្យរីកចម្រើនជានិច្ច បើទោះបីពេលខ្លះជួបរឿងបាក់ទឹកចិត្តក៏ដោយ ក៏ខំបន្តទៅមុខ និងតែងតែផ្ដល់កម្លាំងចិត្តដល់មនុស្សជុំវិញខ្លួនដែរ។
កាលណាអ្នកនៅជាមួយមនុស្សវិជ្ជមានកាន់តែច្រើន អ្នកក៏កាន់តែញញឹម និងស្រស់ស្រាយដែរ។ មនុស្សដែលមានភាពវិជ្ជមាន គឺជាអ្នកប្រាស្រ័យទាក់ទងដ៏អស្ចារ្យបំផុត។
៤–មនុស្សចិត្តទូលាយ
មនុស្សចិត្តទូលាយ រមែងមើលពិភពលោកក្នុងពន្លឺខុសពីអ្នកដទៃ។ ពួកគេ ពិតជាជឿថាពិភពលោកនេះ ទោះបីមិនល្អឥតខ្ចោះក៏ដោយ ប៉ុន្តែអាចក្លាយជាកន្លែងប្រសើរជាងមុន។ មនុស្សដែលមានចិត្តទូលាយ តែងតែចែករំលែកគុណសម្បត្តិល្អៗទៅដល់មនុស្សជុំវិញខ្លួន។ មនុស្សចិត្តទូលាយ នឹងមិនប្រកាន់ផ្ដេសផ្ដាសនៅពេលដែលអ្នកបានប្រព្រឹត្តកំហុសដោយអចេតនាណាមួយ ពួកគេចេះបែងចែកច្បាស់ណាស់។ ប្រសិនបើអ្នកបានស្គាល់មនុស្សប្រភេទនេះ សូមរក្សាចំណងមិត្តភាពជាមួយពួកគេឲ្យល្អ។
៥–មនុស្សចេះផ្ដល់តម្លៃ
ជារឿយៗ រាល់ពេលមានកិច្ចការ ឬ និយាយការងារអ្វីមួយ ពួកគេតែងតែផ្ដល់តម្លៃ និងស្ដាប់យោបល់អ្នកជានិច្ច។ បើអ្នកផ្ដល់យោបល់មកខុស ឬ មិនត្រឹមត្រូវ ពួកគេមិនដែលរិះគន់អ្នកនៅកណ្ដាលចំណោមមនុស្សច្រើនឡើយ។ ពួកគេតែងតែផ្ដល់អាទិភាពដល់អ្នក ឬអ្នកដទៃមុន ហើយរិះគន់បែបស្ថាបនា មិនជាន់ពន្លិចអ្នក ឬមនុស្សជុំវិញខ្លួន។
៦–មនុស្សមិនភ្លេចកំណើត
មនុស្សជំពូកនេះ ជាមនុស្សដែលគួរឲ្យគោរពបំផុត ព្រោះថា ទោះពីមុនពួកគេយ៉ាងណា បច្ចុប្បន្នក៏នៅតែបែបហ្នុងដដែល។ មិនឈ្លើយ មិនមើលងាយអ្នកដទៃដែលអន់ជាងខ្លួន និងចេះគោរពស្រលាញ់មនុស្សនៅក្បែរខ្លួនជានិច្ច។ បើបានជួបមនុស្សប្រភេទនេះ សូមរក្សាឲ្យបានល្អ។
៧–មនុស្សមានទំនួលខុសត្រូវ
មនុស្សមានទំនួលខុសត្រូវ ជាមនុស្សដែលមិនក្បត់ពាក្យសន្យាសូម្បីតែរឿងបន្តិចបន្តួច។ ពួកគេតែងតែគោរពពេលវេលា និងសំដីរបស់ខ្លួន។ ពួកគេ ហ៊ានធ្វើ គឺហ៊ានទទួលខុសត្រូវ ប្រភេទមនុស្សបែបនេះ អ្នកប្រហែលជាមិនជួបច្រើននោះទេក្នុងជីវិត។
៨–មនុស្សដឹងគុណ
មនុស្សដឹងគុណ ជាមនុស្សដែលស្មោះត្រង់ និងជាទីគួររាប់អានសម្រាប់មនុស្សផងទាំងឡាយ។ មនុស្សប្រភេទនេះ នឹងមិនវាយបកអ្នកវិញឡើយ។ ប្រសិនបើអ្នកធ្លាប់ជួយពួកគេៗ នឹងមិនភ្លេចគុណអ្នកដាច់ខាត។ ពួកគេនឹងតបស្នងគុណដោយរបៀបដែលអាចធ្វើបាន។ មនុស្សបែបនេះ មានមិនច្រើនទេសម្រាប់អ្នក បើបានជួបហើយ សូមកុំបោះបង់។
បើអ្នកបានជួបប្រភេទមនុស្សទាំងអស់ខាងលើ ឬក្នុងចំណោមនោះ សូមថែរក្សាចំណងមិត្តភាពឲ្យបានល្អ។ ទន្ទឹមនោះ បើអ្នកចង់បានមនុស្សបែបនោះមកនៅក្បែរខ្លួន អ្នកក៏គួររៀបចំចរិត និងខ្លួនឯងឲ្យសមនឹងពួកគាត់ដែរ ជាពិសេសគឺភាពស្មោះត្រង់ និងទំនួលខុសត្រូវ៕
អត្ថបទ ៖ ពិសី
សមត្ថកិច្ចកម្ពុជាដាក់ឈ្មោះអតីតឧកញ៉ា ហេង សិទ្ធី ចូលក្នុងបញ្ជីតាមចាប់ខ្លួន
តម្លៃស្រូវធ្លាក់ចុះក្រោម ៨០០ រៀល នៅខេត្តបាត់ដំបង
ឥណ្ឌូណេស៊ីគ្រោងនាំចូលគោ-ក្របី៤០ម៉ឺនក្បាលនៅឆ្នាំ២០២៥ ដើម្បីជួយកម្មវិធីផ្ដល់អាហារឥតគិតថ្លៃ
អាមេរិកស៊ើបអង្កេតលើរថយន្ត Tesla ប្រហែល ២.៦ លានគ្រឿង ក្រោយរអាក់រអួលមុខងារ
ឆ្នាំ ២០២៤ ស្រូវ និងដំណាំរួមផ្សំ ជាង ១៦ ម៉ឺនហិតា រងការប៉ះពាល់ ខូចខាត ដោយសារគ្រោះរាំងស្ងួត
ត្រាំ បន្ទោស បៃដិន ខ្លាំងៗថា បើអាមេរិក មិនចេញមុខធានាឲ្យអ៊ុយក្រែនចូលណាតូ សង្គ្រាមរុស្ស៊ីក៏មិនផ្ទុះឡើងដែរ
ត្រាំ គំរាម អាចប្រើកម្លាំងយោធា ដើម្បីយកដែនដី Greenland មកគ្រប់គ្រង
អង្គភាពក្រោមឱវាទក្រសួងមហាផ្ទៃ ច្រានចោលការចោទប្រកាន់នានាមកលើលោក ស សុខា ដោយបុគ្គល ហេង សិទ្ធី
Los Angeles កើតភ្លើងឆេះព្រៃច្រើនឡើងៗ បន្ថែមទៀត ឈានដល់កម្រិតគ្រោះថ្នាក់ធ្ងន់ធ្ងរបំផុត ពិបាកគ្រប់គ្រង
កាសែតអាល្លឺម៉ង់ផ្សាយថា នាយករដ្ឋមន្ត្រីស្រីថៃ រស់ក្នុងជីវិតយ៉ាងប្រណិត ប្រើរបស់សុទ្ធតែថ្លៃៗ
-
ព័ត៌មានជាតិ៦ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍២ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៦ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
ព័ត៌មានជាតិ៦ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
សេដ្ឋកិច្ច៦ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៦ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៥ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
កីឡា៥ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ