មកស្គាល់សត្វ Capybara រួសរាយជាងគេបំផុតនៅលើពិភពលោក

Capybara ជាថនិកសត្វដែលរស់នៅភាគខាងជើងនិងកណ្តាលអាមេរិកខាងត្បូង ហើយពេលខ្លះគេប្រទះឃើញវាតិចតួចក្នុងរដ្ឋផ្លរីដាជាមួយសត្វផ្សេងៗដូចជាក្រពើជាដើម ។

សត្វនេះមានរូបរាងស្រដៀងកណ្ដុរ ទោះបីជាវាអាចមានទម្ងន់រហូតទៅដល់ ៦៦ គីឡូក្រាមក៏ដោយ ប៉ុន្តែវារស់នៅបានប្រហែល ៧ ឆ្នាំប៉ុណ្ណោះ ។

Capybara ជាសត្វពូកែហែលទឹកនិងរួសរាយជាមួយសត្វដទៃទៀតជាច្រើនសូម្បីតែមនុស្សក៏វារាប់អានដែរ វាចូលចិត្តស៊ីរុក្ខជាតិទឹក ស្មៅ និងរុក្ខជាតិផ្សេងៗជាអាហារចម្បង។​ ដោយសារស្មៅដែល Capybara ស៊ីមានសភាពរឹងពិបាករំលាយ វាត្រូវស៊ីលាមកខ្លួនឯងពីរដងដើម្បីស្រូបយកសារធាតុចិញ្ចឹមឲ្យអស់ពីអាហារ ។

ចំណែកឯការបន្តពូជវិញថនិកសត្វ Capybara អាចបង្កើតកូនពី ៤ ទៅ ៥ ក្បាលក្នុងមួយឆ្នាំ យ៉ាងណាក្ដីចំនួននេះនៅតែមិនអាចទប់ទល់នឹងការសម្លាប់យកស្បែកពីមនុស្សបានដដែល ៕

ប្រែសម្រួល ៖​ វារី

ចុចអាន ៖ សត្វ ៥ ប្រភេទ ផុតពូជពីផែនដីគ្មានសល់

ចុចអាន ៖ ១០ យ៉ាង ដ៏គួរឲ្យចាប់អារម្មណ៍ពីខ្លាឃ្មុំទឹកកក