KPT+
ប្រមូលម៉ាកកាបូបយួរដៃប្រណីតៗលើលោកទាំង១០ មានខ្លះថ្លៃរាប់លានដុល្លារ
ស្ត្រីជាច្រើនសុបិន្តចង់ក្លាយជាម្ចាស់កាបូប ដែលជាម៉ាកពេញនិយមបំផុត ប៉ុន្តេលើកតែស្រ្តីអ្នកមានទ្រព្យធនប៉ុណ្ណោះ ដែលមានសំណាងគ្រប់គ្រាន់អាចក្លាយជាម្ចាស់របស់យីហោប្រណីតៗទាំងនោះ។ តោះ! មកស្គាល់ម៉ាកយីហោកាបូបយួរដៃកំពូលៗលើលោកជាមួយ KPT Plus ដែលក្រុមស្ត្រីហាយសូនិយមបំផុត៖
១. Chanel
![](https://kampucheathmey.com/wp-content/uploads/2021/01/CHANEL-Classic-Medium-Flap-Bag-Black-1-768x1024.jpg)
ម៉ាក Chanel ជាម៉ូឌែលកាបូបយួរដៃដែលរចនាថ្លៃបំផុត ល្អបំផុត និងលក់ដាច់បំផុតផងដែរ! យីហោនេះត្រូវបានតារាល្បីៗច្រើនរូប ប្រើនៅក្នុងព្រឹត្តិការណ៍ភាពយន្តអូស្ការជារៀងរាល់ឆ្នាំ។
យីហោ Chanel បានបើកដំណើរការនៅឆ្នាំ ១៩០៩ ហើយបន្តរីកធំឡើងរហូតដល់បច្ចុប្បន្ន និងត្រូវបានរាប់បញ្ចូលក្នុងចំណោមម៉ាកល្បីៗទាំង ១០ នៅលើពិភពលោក។
២. Fendi
![](https://kampucheathmey.com/wp-content/uploads/2021/01/b59edb50c450c5ec3cf100051eead58f.jpg)
ម៉ាក Fendi ជាម៉ូឌែលដ៏ប្រណីតរបស់អ៊ីតាលីដែលបានបង្កើតឡើងក្នុងឆ្នាំ ១៩២៥ ហើយត្រូវបានគេស្គាល់ថា ជាម៉ាកកាបូបស្ពាយល្អបំផុត។ កាបូបដៃទាន់សម័យរបស់ Fendi ត្រូវបានផលិតពីស្បែកចៀមពណ៌ស និងស្បែកក្រពើខ្មៅ ដែលកាបូបមួយមានតម្លៃប្រហែល ២៨.០០០ ដុល្លារ។ កាបូបដ៏ទាន់សម័យឆើតឆាយ និងល្អឥតខ្ចោះនេះ សក្ដិសមប្រើទាំងពេលថ្ងៃនិងកម្មនវិធិពេលយប់។
៣. Hermes
![](https://kampucheathmey.com/wp-content/uploads/2021/01/BlogCover_hermes-1024x557.jpg)
កាបូប Matte Crocodile Biking ជាឈ្មោះដែលដាក់តាមតារាសម្តែងនិងចម្រៀង Jane Birking ។ វាជាម៉ូឌែលថ្លៃបំផុតនៃម៉ាក Hermes ដែលមានតម្លៃ ១២ ម៉ឺនដុល្លារ។
កាបូបនេះបានក្លាយជានិមិត្តរូបនៃទ្រព្យសម្បត្តិនិងឋានៈ ខណៈដែលតម្លៃរបស់វាត្រូវបានកំណត់ជាជួរប្រាំតួលេខឡើង។ ក្រៅពីត្រូវបានធ្វើពីស្បែកក្រពើ កាបូបនេះត្រូវបានតុបតែងជាមួយក្រវិលពេជ្រដែលមានត្បូងពេជ្រ ១០ ការ៉ាត់ដាក់លើគែមធ្វើពីមាសពណ៌ស។
៤. Hilde Palladino
![](https://kampucheathmey.com/wp-content/uploads/2021/01/cd19fdbfe27e107fcc3631d910a55b2d.jpg)
កាបូប Gadino នៃម៉ាក Hilde Palladino ត្រូវបានធ្វើពីស្បែកក្រពើពណ៌ស មានពេជ្រចំនួន ៣៩ គ្រាប់ដែលដាក់នៅលើកំណាត់ធ្វើពីមាសសុទ្ធ។ ម៉ូដនេះត្រូវបានបង្ហាញខ្លួនដំបូងក្នុងឆ្នាំ ២០០១ ជាមួយអ្នករចនាម៉ូដនាង Hilde Palladino។ ម្ចាស់យីហោនេះ បានធ្វើការប្រកួតប្រជែងជាមួយម៉ាកប្រណីតៗដទៃទៀត រហូតក្លាយជាម៉ូឌែលកំពូលៗមួយក្នុងចំណោមកាបូបយួរដៃថ្លៃលើលោក។
៥. Lana Marks
![](https://kampucheathmey.com/wp-content/uploads/2021/01/FEATURE1-2.jpg)
Lana Marks ត្រូវបានរចនាពីស្បែកក្រពើខ្មៅ និងស្បែកបង្គួយ។ នាយកប្រតិបត្តិក្រុមហ៊ុន Lana Marks បានរចនាម៉ូដនេះប្រហែលជា ១៥០ ប្រភេទក្នុងចំនួន ១០០ ពណ៌ផ្សេងគ្នា។ ម៉ាកនេះផលិតជាពិសេសផងដែរសម្រាប់តារាល្បីៗ ដែលចូលចិត្តដេញម៉ូដថ្មីៗទាន់សម័យមុនគេ។
តារាល្បីៗជាច្រើនរូបដូចជា Angelina Jolie, Jennifer Anniston, និង Paris Hilton, ក៏ជាអតិថិជនរបស់ Lana Marks ដែលប្រើកាបូបមានតម្លៃថ្លៃៗមួយចំនួននៃម៉ាកនេះ។
៦. Louis Vuitton-LV
![](https://kampucheathmey.com/wp-content/uploads/2021/01/sized-louis-vuitton-1024x682.jpg)
LV ជាម៉ាកកាបូបមួយដែលមានតម្លៃថ្លៃជាងគេបំផុតនៅលើពិភពលោក។ យីហោ LV ជានិមិត្តរូបនៃក្រុមអភិជន និងភាពឆើតឆាយអស់រយៈពេលរាប់សតវត្សរ៍មកហើយ។
យីហោកាបូបយួរដៃលំដាប់ខ្ពស់នេះ តែងតែត្រូវបានគេមើលឃើញឈាមមុខគេជានិច្ចទាំងគុណភាព និងតម្លៃ។ កាបូបទឹកភ្លៀងដែលមានឈ្មោះថា Raindrop Besace របស់យីហោនេះមានតំលៃជិត ២០០០ ដុល្លារ។ ចំណែកកាបូបស្ពាយដែលមានខ្សែទូរស័ព្ទជាច្រើនមានតម្លៃរហូតដល់ ២៦ ០០០ ដុល្លារឯណោះ។
៧. Marc Jacobs
![](https://kampucheathmey.com/wp-content/uploads/2021/01/b4a5dbb81ccd90390b89cb008f911e20-1024x1024.jpg)
យីហោ Marc Jacobs ត្រូវបានបង្កើតឡើងដោយភាពល្បីល្បាញ និងផ្តាច់មុខនូវកាបូបយួរដៃស្បែកក្រពើ Carolyn តម្លៃ ៥ ម៉ឺនដុល្លារ។ កាបូប Carolyn ត្រូវផលិតឡើងជាមួយនឹងស្បែកក្រពើពណ៌ស្វាយ ដ៏ពេញនិយមបំផុត ដែលធ្វើឲ្យអតិថិជនមិនហ៊ានខកខានក្នុងបញ្ជាទិញឡើយ។
ក្រោយចាកចេញពីក្រុមហ៊ុន Louis Vuitton លោក Marc Jacobs ចាប់ផ្តើមគ្រឿងបន្លាស់ម៉ូដដោយខ្លួនឯង ហើយបានក្លាយទៅជាអ្នករចនាម៉ូដទាន់សម័យបំផុតមួយនៅលើពិភពលោក។ អាជីវកម្មរបស់បុរសរូបនេះមានហាងចំនួន ២០០ ហាងលក់រាយ និងមាននៅ ៨០ ប្រទេសទូទាំងពិភពលោក។
៨. Mouawad
![](https://kampucheathmey.com/wp-content/uploads/2021/01/The-1001-Nights-Diamond-Purse-by-House-of-Mouawad-1080x675-1-1024x640.jpg)
កាបូបស្រ្តី Mouawad ធ្វើពីមាស ១៨ ការ៉ាត់ស្រោប និងព័ទ្ធជុំវិញដោយពេជ្រជាង ៤ ៥០០គ្រាប់ ស្ថិតនៅលំដាប់ទី ២ នៃកាបូបថ្លៃបំផុតលើលោក។ កាបូបយួរដៃដែលថ្លៃបំផុតនៃយីហោនេះ ចំណាយប្រាក់អស់ ៣.៨ លានដុល្លារក្នុងការផលិត។ ម៉ូឌែល 1001 Nights Diamond Purse របស់ Mouawad ត្រូវបានរចនាសម្រាប់ពិធីជប់លៀង ដែលមានរូបរាងខាងក្រៅប្រកបដោយផាសុកភាព ហើយវាត្រូវបានក្លាយជាតំណាងនូវភាពពេញនិយមបំផុតនៃយីហោនេះ។
៩. Prada
![](https://kampucheathmey.com/wp-content/uploads/2021/01/Prada-Re-Edition-2005-19-1024x768.jpg)
Prada មិនមែនជាឈ្មោះថ្មីទេ នៅពេលយើងនិយាយអំពីស្លាកយីហោថ្លៃៗ និងប្រណីតៗ។ យីហោអ៊ីតាលីនេះត្រូវបានបង្កើតឡើងក្នុងឆ្នាំ ១៩១៣។ កាបូបដៃរបស់ម៉ាកនេះត្រូវបានគេចាត់ទុកថាជាម៉ូតដ៏ទំនើបបំផុត វាក៏បានផលិតនូវផលិតផលជាច្រើនប្រភេទរួមមានសម្លៀកបំពាក់ គ្រឿងអលង្ការ ទឹកអប់ ស្បែកជើង និងនាឡិកាផងដែរ។
១០. Judith Leiber
![](https://kampucheathmey.com/wp-content/uploads/2021/01/1_Bags-MAIN.jpg)
Judith Leiber ជាយីហោថ្លៃមួយផ្សេងទៀតនៅក្នុងពិភពកាបូបយួរដៃ។ អ្នករចនាម៉ាកនេះមកពីប្រទេសហុងគ្រី ដោយបានចាប់ផ្តើមក្រុមហ៊ុននៅឆ្នាំ ១៩៦៣ ។ ម៉ាកនេះមានភាពល្បីល្បាញក្នុងការបង្កើតកាបូបដែលតុបតែងដោយគ្រាប់គ្រីស្តាល់និងត្បូង។
កាបូប Precious Rose គឺជាការច្នៃប្រឌិតដ៏ប្រណីតបំផុត ដែលត្រូវបានផលិតឡើងជាមួយនឹងគ្រឿងអលង្ការចំនួន ៤២ ការ៉ាត់ រួមបញ្ចូលទាំងពេជ្រ ត្បូងមរកត និងត្បូងកណ្តៀង។ ម៉ូឌែលនេះដ៏ប្រណីតមួយឈុតនេះមានតម្លៃជាង ៩ ម៉ឺនដុល្លារ ឯណោះ៕
ប្រែសម្រួល៖ សន្យា
ចុចអាន៖ នាឡិកាដៃម៉ាក Rolex ប្រណីតៗទាំង ១១ សម្រាប់ស្ត្រីសម័យថ្មី
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១៧ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១៦ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច