KPT+

អ្នកនិពន្ធ ម៉ីសន សុធារី ប្រកាសសម្រួលគ្រប់វិធី ដើម្បីឲ្យសៀវភៅល្អៗបានដល់ដៃអ្នកអាន

បានផុស

២ years មុន

នៅ

ថ្ងៃអង្គារ ២១ កុម្ភៈ ២០២៣

ដោយ

ដោយសារតែមានគ្រូបង្រៀននិងសិស្សនិស្សិតជាច្រើន មានបំណងចង់អានតែមិនមានលទ្ធភាពគ្រប់គ្រាន់ ពេលនេះអ្នកនិពន្ធ ម៉ីសន សុធារី បានរកគ្រប់វិធីឲ្យសៀវភៅល្អៗទៅដល់ដៃអ្នកអាន ដោយគ្រាន់តែជាវប្រលោមលោក “ស្រទន់មន្តស្នេហ៍” និងទទួលបានសៀវភៅ “ថ្ងៃណាមួយ” ដោយឥតគិតថ្លៃភ្លាមៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលដែលអ្នកនិពន្ធដដែលបានប្រកាសស្វែងរករកអ្នកគាំទ្រ ដោយអ្នកស្រីបានមានប្រសាសន៍ថា “នាងខ្ញុំ ម៉ីសន សុធារី ម្ចាស់ស្នាដៃសៀវភៅ ស្រទន់មន្តស្នេហ៍, ពេលវេលា និង ថ្ងៃណាមួយ សរុបប្រមាណ ៥០០០ក្បាល ដែលជាបទនិពន្ធបានសម្រិតសម្រាំង ផ្ដល់គុណតម្លៃនិងពុទ្ធិដល់ចលករលើកកម្ពស់ការអាននិងសរសេរនៅកម្ពុជា។ នាងខ្ញុំទទួលខុសត្រូវ ពេញទំហឹងលើការជះឥទ្ធិពលអវិជ្ជមានណាមួយពីសំណេរនេះ ទៅលើមជ្ឈដ្ឋានអ្នកអានទូទៅ”។

អ្នកនិពន្ធ ម៉ីនសន សុធារី ក៏បាននិយាយបន្ថែមទៀតថា សូមប្រកាសទទួលយកជំនួយពីរដ្ឋាភិបាល វិស័យឯកជន បុគ្គល ក្រុម ឬសហគមន៍ណាក្ដី ក្នុងការទម្លាក់តម្លៃដើមនៃសៀវភៅទាំងបីចំណងជើង ឬចែកជូនហ្វ្រីទាំងស្រុង ដល់ដៃ សិស្ស និស្សិត មន្ត្រីរាជការ ឬសហគមន៍ជនជាតិដើម សហគមន៍នានាដែលត្រូវការអាននិងខ្វះលទ្ធភាព ដោយគ្រាន់តែទាក់ទងមកក្រុមការងាររបស់អ្នកនិពន្ធតាមរយៈ ប្រអប់សារលើផេកម៉ីសន សុធារី អ្នកនិពន្ធ ឬតេឡេក្រាម ហើយទាំងនេះគឺដើម្បីរួមចំណែកចែកចាយសៀវភៅទៅកាន់តែទូលំទូលាយ និងមានផលវិជ្ជមាន រយៈពេលវែង។

សូមបញ្ចាក់ដែរថា ប្រលោមលោក “ស្រទន់មន្តស្នេហ៍” និង “ថ្ងៃណាមួយ” សុទ្ធតែទទួលបានការគាំទ្រយ៉ាងក្រាស់ក្រែលពីសំណាក់អ្នកអានគ្រប់ខេត្តក្រុង ហើយដោយសារតែអ្នកនិពន្ធចង់សម្របសម្រួលដល់អ្នកពុំមានលទ្ធភាព អាចមានសៀវភៅក្នុងដៃដោយមិនចាំបាច់ចំណាយច្រើន ទើបម្ចាស់ស្នាដៃ “ពេលវេលា” បានខិតខំប្រឹងប្រែងធ្វើយ៉ាងម៉េចឲ្យអ្នកអានមកពីគ្រប់ទិសទី នឹងទទួលបានសៀវភៅល្អៗពីអ្នកនិពន្ធ៕