មកស្គាល់បុរសអណ្ដាតវែងបំផុតនៅលើលោក

លោក Nick Stoeberl អាយុ ៣៣ ឆ្នាំមកពីរដ្ឋការលីហ្វ័រញ៉ា ជាប់ជាបុរសអណ្ដាតវែងជាងគេបំផុតនៅលើពិភពលោកក្នុងសៀវភៅកំណត់ត្រាហ្គីណេស ។

អណ្ដាតរបស់គាត់មានប្រវែងដល់ទៅ ១០.១ សង់ទីម៉ែត្រ ខណៈមនុស្សប្រុសទូទៅមានអណ្ដាតប្រវែងត្រឹមតែ ៨.៥ សង់ទីម៉ែត្រប៉ុណ្ណោះ ។

លោក Nick និយាយថាអណ្ដាតវែងមិនឥតប្រយោជន៍នោះទេ គាត់អាចលិទ្ធអាហារដែលប្រឡាក់ថ្ពាល់ដោយមិនបាច់ប្រើក្រដាសជូតមាត់ សរសេរអ៊ីម៉ែល និងគូររូបបានទៀតផង លើសពីនេះសរុបប្រាក់ដែលបានមកពីការលក់គំនូររបស់ ​Nick មានចំនួន ១២០០ ដុល្លារហើយ ។

កាលពីក្មេងបុរសជាប់ឯតទគ្គកម្មខាងលើតែងអួតអណ្ដាតរបស់ខ្លួនដាក់ក្មេងៗដទៃ ដល់ពេលរៀនវិទ្យាល័យគាត់ទទួលបានឈ្មោះហៅក្រៅថា “Gene Simmons” ដែលជាឈ្មោះពេញនិយមរបស់លោក Nick បន្ថែមទៀតថាបងប្រុសរបស់គាត់ក៏មានអណ្ដាតវែងដូចគ្នាដែរ​​ ប៉ុន្តែវែងមិនដល់គាត់ទេ ។

ក្រៅពីគុណសម្បត្តិអណ្ដាតដ៏វែងនេះ វាអាចបង្កបញ្ហាដល់ម្ចាស់ជាពិសេសពេលកំពុងគេង ជួនកាល Nick ខក់អណ្ដាតខ្លួនឯងស្ទើរដាច់ខ្យល់ក៏មាន ៕

ប្រែសម្រួល ៖ វារី

ចុចអាន ៖ ស្ត្រីកែកុនមុខមាត់ម្នាក់ ត្រៀមបំបែកកំណត់ត្រាចង្កាវែង និងមុតជាងគេលើលោក