KPT+
សញ្ញា ៥ ចំណុចបង្ហាញពីមនុស្សមិនគួរសេពគប់ ពេលណាត់ជួបដំបូង
ការណាត់ជួបដំបូងដើម្បីចាប់ផ្ដើមមើលចិត្តគ្នាអាចជាពេលតឹងចិត្តបំផុត ជាពិសេសក្នុងករណីប៉ះមនុស្សចម្លែកឬធ្វើឲ្យអ្នកទើសទាល់ ។ ដូច្នេះអ្នកគួរដឹងពីសញ្ញាទាំង ៥ ដែលបង្ហាញពីមនុស្សមិនត្រូវសេពគប់បន្តទើបងាយស្រួលសម្រេចចិត្ត ៖

១. និយាយគ្មានសុជីវធម៌
អ្នកអាចសង្កេតមើលគាត់តាមរយៈទឹកមុខ និងពាក្យសម្ដីដែលគាត់និយាយធម្មតាដាក់អ្នករត់តុឬអ្នកជុំវិញខ្លួន ។ ពេលណាត់ជួបដំបូងគួរជាពេលនិយាយពីគ្នាឲ្យស្គាល់ចិត្ត ប៉ុន្តែយើងត្រូវចេះខ្លាចចិត្តគ្នាដដែល បើគាត់និយាយមិនខ្វល់ពីអារម្មណ៍អ្នកដោយឡេះឡោះច្រើន និងនិយាយដោយគ្មានសុជីវធម៌ នោះអ្នកមិនគួរសេពគប់គាត់ជាដៃគូឡើយ ។

២. ប៉ះពាល់រាងកាយរបស់អ្នក
ការប៉ះពាល់រាងកាយមិនមែនជារឿងធម្មតាទេ បើសិនភាគីម្ខាងទៀតមិនពេញចិត្ត ទោះបីត្រឹមប៉ះដៃក៏ដោយត្រូវតែជាការសម្រេចចិត្តទាំងសងខាងគ្មានការបៀតបៀន ឬបង្ខិតបង្ខំដែរ ។

៣. និយាយពីសង្សារចាស់
បុគ្គលនោះអាចមិនទាន់ដាច់ស្រឡះពីគ្នា ជួនកាលគាត់នៅមានចិត្តស្រលាញ់សង្សារចាស់ ដូច្នេះអ្នកមិនគួរចាប់ផ្ដើមសេពគប់គាត់ជាស្នេហាឡើយព្រោះជីវិតគូរបស់អ្នកនឹងមានភាពរង្គោះរង្គើ ។
៤. ចុចទូរស័ព្ទ
ទង្វើនេះបង្ហាញពីភាពមិនចាប់អារម្មណ៍ មិនយកចិត្តទុកដាក់ និងមិនឲ្យតម្លៃ ។ ការណាត់ជួបគ្នាដំបូងប្រព្រឹត្តទៅនៅពេលទំនេរហើយអ្នកទាំងពីរគួរយកពេលនេះផ្ដល់ឲ្យគ្នាច្រើនជាងបែងចែកឲ្យទូរស័ព្ទដែលកាន់រាល់ថ្ងៃ ប៉ុន្តែបើមានការសំខាន់នោះមិនរាប់បញ្ចូលទេ ។

៥. យកចិត្តខ្លួនជាធំ
គេហាក់បីមិនសួរនាំចំណង់ចំណូលចិត្តរបស់អ្នកសោះ បែរជានិយាយពីខ្លួនឯងច្រើនដោយមិនបានសួរទៅវិញ នេះជាសញ្ញាមនុស្សអាត្មានិយម ។
ទោះបីគេជាមនុស្សមិនគួរសេពគប់ក៏ដោយ អ្នកមិនគួរកាត់ផ្ដាច់ពីគាត់ទាំងស្រុងទេ ព្រោះវាបង្ហាញពីការមិនឲ្យតម្លៃគេ ហើយអ្នកអាចងាកមករាប់អានគាត់ជាមិត្តធម្មតាល្អជាងបង្កើនសត្រូវមើលមុខគ្នាមិនចំ ៕
ប្រែសម្រួល ៖ វារី

-
សន្តិសុខសង្គម៣ ថ្ងៃ ago
ភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ៣ ថ្ងៃ ago
តារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
ជីវិតកម្សាន្ដ២ ថ្ងៃ ago
Model ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
សន្តិសុខសង្គម៦ ថ្ងៃ ago
Update៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានអន្ដរជាតិ១ ថ្ងៃ ago
ឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៥ ម៉ោង ago
យន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
សន្តិសុខសង្គម៦ ថ្ងៃ ago
Update ៖ ដឹងមូលហេតុ ដែលអគ្គិភ័យឆាបឆេះបណ្ដាលឱ្យក្មេងប្រុសស្រី២នាក់ស្លាប់
-
ចរាចរណ៍៣ ថ្ងៃ ago
បុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង