ថនិកសត្វតូចបំផុត ៥ ប្រភេទ មានលើពិភពលោក

សត្វមានទំហំតូចមិនចំណាយថាមពលច្រើន ងាយរកចំណី ការបន្តពូជមានប្រសិទ្ធភាព ល្អបំផុតសម្រាប់ប្រព័ន្ធអេកូឡូស៊ី ។ ខាងក្រោមនេះ​ជាថនិកសត្វ ៥ ប្រភេទដែលមានទំហំតូចបំផុតលើពិភពលោក ៖

១. Etruscan Shrew

សត្វ Etruscan Shrew ជាថនិកសត្វដែលតូចជាងគេបំផុតនៅក្នុងពិភពលោក វាមានទម្ងន់តិចជាង ៤០០ ក្រាម និងមានប្រវែងប្រហែល ៤ សង់ទីម៉ែត្រ ។ ទោះបីវាមានរាងកាយតូចមែន ប៉ុន្តែមួយថ្ងៃសត្វនេះស៊ីចំណីច្រើនជាងខ្លួនដល់ទៅ ២ ដងឯណោះ ។

២. Pygmy Jerboa

សត្វ Pygmy jerboa មានខ្លួនប្រវែង ២-៣ អ៊ីញ និងកន្ទុយប្រវែងប្រហែល ៣ អ៊ីញ វាអាចលោតដូចកង់ហ្គូរូដែរ ហើយមានទីជម្រកនៅអាហ្វ្រិកខាងជើងនិងអាស៊ី ។

៣. កណ្ដុរ Lemur

វាមានប្រវែង ១១ អ៊ីញបើរាប់ទាំងកន្ទុយ ចំណែកទម្ងន់វិញប្រហែល ១៤ ក្រាមប៉ុណ្ណោះ ។ កណ្ដុរប្រភេទនេះស៊ីលម្អងទឹកឃ្មុំជាអាហារ ជាពិសេសវាចូលចិត្តដេកច្រើនជាមួយសត្វកណ្ដុរផ្សេងទៀតនៅក្នុងសំបុក ។

៤. Least Weasel

Weasel ប្រភេទ Least ស៊ីសាច់ជាអាហារ សត្វឈ្មោលវាមានប្រវែងយ៉ាងវែង ៧ អ៊ីញ ចំណែកសត្វញីមានប្រវែងប្រហែល ៥ អ៊ីញ និងទម្ងន់តិចជាង ៤៣ ក្រាម ។

៥. Pygmy Marmoset

ជួនកាលគេហៅថា “ស្វាហោប៉ៅ” ដែលគួរឱ្យស្រលាញ់ និងមានដើមកំណើតនៅក្នុងព្រៃអាម៉ាហ្សូន ស្វា Pygmy marmosets មានប្រវែងធំបំផុតអស់ត្រឹម ៥.១២ អ៊ីញហើយ ជាធម្មតាវាមានទម្ងន់ប្រហែល ១២៤ ក្រាម ។

សត្វទាំង ៥ ខាងលើមិនត្រឹមតែតូចទេថែមទាំងគួរឲ្យស្រលាញ់ទៀតផង យ៉ាងណាមិញយើងមិនអាចយកពួកវាមកចិញ្ចឹមដូចឆ្កែឆ្មាបានឡើយព្រោះតម្រូវការ និងភាពសម្របខ្លួនខុសគ្នាដាច់ស្រឡះ ៕

ប្រែសម្រួល ៖ វារី

ចុចអាន ៖ សត្វ ៥ ប្រភេទ មានជីវិតរស់នៅយូរជាងគេបំផុត លើពិភពលោក