KPT+

ស្ត្រីរស់នៅក្នុងប្រទេសទាំង ៥ នេះ ងាយរងគ្រោះបំផុតដោយសារអំពើហិង្សា

បានផុស

៤ years មុន

នៅ

ថ្ងៃអង្គារ ១៩ មករា ២០២១

ដោយ

ទោះបីបច្ចុប្បន្ន ស្ត្រីត្រូវបានផ្ដល់សិទ្ធិស្មើបុរស និងមានឱកាសច្រើនក្នុងសង្គមក្ដី ប៉ុន្តែនៅតាមបណ្ដាប្រទេសខ្លះ និងតំបន់មួយចំនួននៃពិភពលោក ស្ត្រីនៅតែរងគ្រោះដោយសារអំពើហិង្សាគ្រប់រូបភាព ការគាបសង្កត់ ក៏ដូចជាការរើសអើងនៅឡើយ។

ទាំងនេះជា ប្រទេស ៥ ដែលគ្រោះថ្នាក់ខ្លាំងសម្រាប់ស្ត្រីភេទ៖

៥. ប្រទេសហ្គាតេម៉ាឡា (Guatemala)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ត្រីច្រើននាក់ក្នុងប្រទេសនេះ ជាជនរងគ្រោះ ដោយសារអំពើហិង្សាក្នុងគ្រួសារ ការរំលោភបំពានផ្លូវភេទ ព្រមទាំងការឆ្លងនូវមេរោគអេដស៍ជាដើម។

៤. ប្រទេសស៊ូដង់ (Sudan)

ស្ត្រីនៅស៊ូដង់ត្រូវរងគ្រោះដោយសារការចាប់ជំរិត ការរំលោភផ្លូវភេទ ប្រឈមជាមួយសង្គ្រាមស៊ីវិលមិនចេះចប់មិនចេះហើយក្នុងប្រទេស។

៣. សាធារណរដ្ឋកុងហ្គោ (Republic of the Congo)

កាលនៅសង្គ្រាមស៊ីវិល ស្ត្រីជាច្រើនត្រូវបានគេកេណ្ឌឲ្យបម្រើទ័ព។ ចំណែកឯបច្ចុប្បន្ននេះវិញ ប្រទេសកុងហ្គោមានអត្រារំលោភផ្លូវភេទគួរឲ្យកត់សម្គាល់។ ចំពោះការទទួលបានសិទ្ធិវិញនៅតែមិនទាន់ធំទូលាយប៉ុន្មានដែរ។ ស្ត្រីនៅក្នុងប្រទេសនេះពុំមានសិទ្ធិចុះហត្ថលេខាលើឯកសារច្បាប់ណាមួយឡើយ បើគ្មានការអនុញ្ញាតពីស្វាមីរបស់ខ្លួន។

២. ប្រទេសអាហ្វហ្គានីស្ថាន (Afghanistan)

ស្ត្រីជាច្រើននៅអាហ្វហ្គានីស្ថានទទួលបានការអប់រំទាប ដោយសារសង្គ្រាមរាប់ទសវត្ស ក៏ដូចជាការរឹតបន្តឹងសិទ្ធិស្រ្តី។ ដោយឡែក ការរំលោភបំពានផ្លូវភេទក៏ជាបញ្ហាមួយដែរ ដោយកាលៈទេសៈខ្លះ ច្បាប់តម្រូវឲ្យស្ត្រីរងគ្រោះត្រូវរៀបការនឹងបុរសដែលបានរំលោភខ្លួន។

១. ប្រទេសឆាដ (Chad)

នៅក្នុងប្រទេសនេះ ស្ត្រីមានសិទ្ធិតិចតួចបំផុត ដោយពួកគេខ្លះត្រូវអ្នកផ្ទះចាប់ឲ្យរៀបការទាំងនៅវ័យក្មេង ហើយជារឿយៗនៅរង្វង់អាយុ ១២ ឆ្នាំប៉ុណ្ណោះ។ នៅភាគខាងកើតនៃប្រទេសឆាដ ស្ត្រីដែលភៀសខ្លួនជនជាតិស៊ូដង់ទៅកាន់បោះជំរុំ តែងតែប្រឈមនឹងការរំលោភផ្លូវភេទ និងអំពើហិង្សាជាច្រើនរូបភាពផ្សេងទៀត៕

ប្រែសម្រួល៖ សន្យា

ប្រភព៖ poll2018

ចុចអាន៖ពិចារណា៖ ពេលដឹងថា ប្ដីឬប្រពន្ធមិនស្មោះត្រង់ គួរទ្រាំនៅបន្តទៀតដែរ?

ចុចអាន៖សិក្សាពីចរិតមិនផ្តេកផ្តួលនៃកូនៗរបស់សេដ្ឋីៗដ៏មានឥទ្ធិពលនៅម៉ាឡេស៊ី