ព័ត៌មានជាតិ

រដ្ឋមន្រ្តី ស៊ុន ចាន់ថុល ក្រោកឈរហ៊ោក្រោយកម្ពុជាដណ្តើមមេដាយមាសលើកដំបូង វិញ្ញាសាហែលទឹកពាក់ជើងទា

បានផុស

២ years មុន

នៅ

ថ្ងៃសៅរ៍ ១៣ ឧសភា ២០២៣

ដោយ

មេដាយមាសដំបូងបំផុតត្រូវបានកីឡាការិនី កាំង មុយនីន ជម្រើសជាតិហែលទឹកពាក់ជេីងទាកម្ពុជា ដណ្តើមបានក្នុងការប្រកួតលើប្រភេទវិញ្ញាសាហែល 400m Bi Fins ក្នុងព្រឹត្តិការណ៍ការប្រកួតកីឡាអាស៊ីអាគ្នេយ៍លើកទី៣២ ឆ្នាំ២០២៣ កាលពីម្សិលមិញនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងប្រកួតវិញ្ញាសាហែលទឹកពាក់ជើងទាវគ្គដណ្តើមមេដាយមាស លោក ស៊ុន ចាន់ថុល ក៏បានចូលរួមទស្សនាផ្ទាល់ និងបានក្រោកឈរហ៊ោអបអរសាទរ ក្រោយកីឡាការិនីកម្ពុជាដណ្តើមបានមេដាយមាសលើកដំបូងលើវិញ្ញាសាហែលទឹកពាក់ជើងទានេះ។

នេះជាមេដាយមាសលើកដំបូងសម្រាប់កម្ពុជា ដែលដណ្តើមក្នុងវិញ្ញាសាហែលទឹកពាក់ជេីងទា ក្នុងព្រឹត្តិការណ៍ស៊ីហ្គេមលើកទី ៣២ ដែលកម្ពុជាជាម្ចាស់ផ្ទះ។

ក្នុងព្រឹត្តិការណ៍ប្រកួតវិញ្ញាសាតែមួយនោះ កីឡាការិនីកម្ពុជាមួយរូបទៀតគឺ កីឡាការិនី ឃឺន ប៊ុនពេជ្រមរកត ក៏ដណ្តើមបានមេដាយសំរឹទ្ធមួយគ្រឿងទៀតដែរសម្រាប់កម្ពុជាផងដែរ។

គួរបញ្ជាក់ថា លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន ជាអតីតកីឡាករហែលទឹកជម្រើសជាតិយុវជនសម័យសង្គមរាស្រ្តនិយម និងបច្ចុប្បន្នជាអនុប្រធានគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ ហៅកាត់ថា CAMSOC និងជាប្រធានសហព័ន្ធខ្មែរកីឡាហែលទឹក៕