KPT+

ពេលដែលមនុស្សស្រីនិយាយពាក្យថា «យើងបែកគ្នាចុះ!»

បានផុស

៤ years មុន

នៅ

ថ្ងៃព្រហស្បតិ៍ ២១ មករា ២០២១

ដោយ

Sonya

ដល់ពេលមួយដែលអ្នកបានឮពាក្យថា «យើងបែកគ្នាចុះ» ចេញពីមាត់គូជីវិត ឬសង្សារ អ្នកនឹងភ្ញាក់ខ្លួនថា កន្លងមក យូរមកហើយដែលអ្នកបានមើលរំលងប្រការទំាងនេះ។

១ គេលែងខ្វល់ពីយើង ជាយូរមកហើយមិនថាពេលនៅផ្ទះឬទៅឆ្ងាយ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេមិនខល ឬតាមមិនទៅជាមួយយើងទៀត ដូចពីមុន នេះប្រហែលជាមិនមែនសញ្ញាអ្វីគម្រាមធំដុំ តែវារមែងកើតឡើង មុនពេលមនុស្សម្នាក់ៗច្បាស់ខ្លួនគេថា លែងចង់បន្តស្នេហានេះឬក៏យ៉ាងណា។ ប្រសិនបើនាង តែងបានទូរស័ព្ទឬផ្ញើសារមកអ្នករាល់ថ្ងៃ តែពេលនេះនាងកម្រនឹងទាក់ទងណាស់ ឬថែមទំាងមិនឆ្លើយតបរហ័ស នៅរាល់ពេលអ្នកព្យាយាមឆាត វាអាចជាសញ្ញាថាមានអ្វីមួយខុសប្រក្រតី កំពុងត្រៀមកើតឡើង។

ដំណោះស្រាយ គឺយើងមិនព្យាយាមលោតទៅរកការសន្និដ្ឋានច្បាស់ៗ តែក៏មិនត្រូវហីដូចគ្នា។ គួរគិតអំពីរឿងដែលអាចនឹងកើតឡើងនៅក្នុងចិត្តរបស់នាងថា តើនាងមានសម្ពាធ ធុញថប់ ឬអស់ស្រលាញ់? មានបញ្ហាជាមួយញាតិផៅនាង? អ្នកនិងគ្រួសារនាងមិនត្រូវគ្នា? តើនាងទើបតែចាប់ផ្តើមការងារថ្មីដ៏ស្មុគស្មាញមែនទេ? វាក៏អាចមានហេតុផលផ្សេងទៀតដែលធ្វើឱ្យនាងមិនទាក់ទងជាមួយអ្នកញឹកញាប់ដូចពីមុន។ ឬអាចមានប្រុសស្អាតថ្មីបង្ហាញខ្លួន?

២ ព្យាយាមជាថ្មីបង្កើតមនោសញ្ចេតនាចាស់ៗមកវិញ

នាងនឹងរំភើបក្នុងការចូលរួមបានមួយល្ងាចយ៉ាងរ៉ូមែនទិកនៅយប់ថ្ងៃជាមួយអ្នក ហើយបើអាចធ្វើឱ្យនាងមានអារម្មណ៍ថានាងកំពុងត្រូវអ្នកទាក់ទងដូចកាលពីដំបូង។ ធ្វើបានដែរ?

វាជាការសំខាន់ដែលត្រូវដឹងថា គ្មានអ្នកណាចង់បែកបាក់ ចង់និយាយពាក្យបែកគ្នា ក៏មិនមានន័យថា នាងពិតជាចង់បែកបាក់គ្នានោះដែរទេ។ ប្រសិនបើវាកើតឡើងម្តងឬពីរដង វាអាចមកពីនាងមានភាពតឹងតែងក្នុងជីវិត ឬមានអ្នកណាផ្សេងដែលល្អជាងអ្នកកំពុងតែបង្ហាញខ្លួន ថែមទំាងឆ្លៀតឱកាស។ ប្រសិនមនុស្សស្រីមានថ្មី មិនមែនមកពីតណ្ហាទេ ភាគច្រើនអាចមកពីអារម្មណ៍មនោសញ្ចេតនា ត្រង់ណេះខុសពីមនុស្សប្រុស។

៣ កត់សម្គាល់ថាតើអ្នកនិងនាងទាស់សម្តីញឹកញាប់ប៉ុណ្ណា?

ទោះយ៉ាងណា ទាស់សម្តីមិនគ្រោះថ្នាក់ដូចតមសម្តីទេ។

ការឈ្លោះគ្នាញឹកញាប់ យប់ឡើងរមូររកគ្នា ក៏ជាសញ្ញាមួយដែលបង្ហាញថាទំនាក់ទំនងកំពុងតែធ្លាក់ចុះ តែមិនគ្រោះថ្នាក់ស្មើមិនមាត់មិនកដែរ។ បើមនុស្សលែងមាត់ បានន័យថា ពិបាកបកក្រោយណាស់។ ប្រសិនបើអ្នកឧស្សាហ៍ឈ្លោះគ្នាលើរឿងតូចតាច នាងឆាប់ខឹងខ្លាំងពេលនៅក្បែរអ្នក ហេតុផលដែលអាចកើតមាននៅពីក្រោយអាកប្បកិរិយាប្រភេទនេះ គឺនាងអាចត្រូវរងសម្ពាធជីវិត ឬការងារធ្ងន់ ខ្វល់ខ្វាយរឿងបំណុលលុយកាក់ រឿងសាច់ញាតិពេក ឬនាងមិនស្រួលខ្លួន ប៉ុន្តែប្រសិនបើអាកប្បកិរិយានេះកើនឡើងមិនឈប់ វាគឺជាសញ្ញាមួយដែលនាងចង់បង្ហាញថា នាងមិនមានអារម្មណ៍រីករាយចំពោះទំនាក់ទំនងជាមួយអ្នកយូរអង្វែងទៀតទេ។

៤ ភាពស្និទ្ធស្នាលខាងរាងកាយ

សម្ព័ន្ធភាពខាងរាងកាយមិនសុទ្ធតែសំដៅទៅលើការរួមភេទនោះទេ ប៉ុន្តែផ្ទុយទៅវិញ តើនាងមានសេចក្តីស្រឡាញ់ខាងរាងកាយយ៉ាងដូចម្តេចកៀកស្និទ្ធដែរទេ? ប្រសិនបើអ្នករំលងការស្និទ្ធស្នាលគ្នា កាន់ដៃ ឬបណ្តើរគ្នាជាសាធារណៈល្អូកល្អឺន ហើយបើមករកនាង ក៏មករកព្រោះតែមានទំនាក់ទំនងផ្លូវភេទ នោះក្តីស្រឡាញ់ខាងស្រីនិងរសាយម្តងបន្តិចៗ។ មានតែមនុស្សស្រីដែលលែងស្រលាញ់យើងប៉ុណ្ណោះដែលមិនចងឱ្យយើងស្និទ្ធនាងនៅមុខគេ។ នាងចូលចិត្តកាន់ដៃរបស់អ្នកដូចកាលពីមុនទៀតទេ?

ដំណោះស្រាយ៖ ប្រសិនបើអ្នកឃើញសភាពទំាងនេះ ហើយខូចចិត្តដោយមិនអាចមានវិធីនិយាយដោយផ្ទាល់ជាមួយនាងអាចសាកល្បងជជែកលេងតាមកុំព្យូទ័រ តាមអ៊ីម៉ែល ឬតាមទូរស័ព្ទឆាត ឬផ្ញើជាកាដូ ផ្កា ក្នុងទិវាអ្វីមួយ ឬថ្ងៃណាមួយក៏បាន ។

មនោសញ្ចេតនាត្រូវការការថែទំា អ្នកមិនអាចទុកវាចោលហើយឱ្យវាលូតលាស់គ្មានទឹកសន្សើមឡើយ៕

អត្ថបទ៖ Mr Tomorrow

ចុចអាន៖ ហេតុអ្វីមនុស្សស្រីដែលមានទំនុកចិត្តខ្ពស់ទាក់ទាញចិត្តបុរសខ្លាំង?

ចុចអាន៖ មនុស្សស្រីមានសញ្ញាប៉ុន្មាននេះ ប្រុសៗគួរពិចារណារើសផ្លូវដើរផ្សេងគ្នាវិញ