KPT+
រូបសំណាកពីងពាងលក់បានជាង ៣០ លានដុល្លារ បំបែកកំណត់ត្រាស្នាដៃស្ត្រីថ្លៃបំផុត
រូបសំណាកពីងពាងយក្សរបស់អ្នកស្រី Louise Bourgeois លក់ចេញក្រោមតម្លៃ ៣២.៨ លានដុល្លារនៅផ្ទះដេញថ្លៃ Sotheby’s បំបែកកំណត់ត្រាស្នាដៃថ្លៃបំផុតដែលធ្វើដោយស្ត្រី ។

ចំពោះទំហំរូបសំណាកពីងពាងនេះ វាមានកម្ពស់ ៣ ម៉ែត្រ និងលាតសន្ធឹងប្រវែង ៥.៤៨ ម៉ែត្រ ហើយធ្វើឡើងដោយអ្នកស្រី Louise Bourgeois កាលពីឆ្នាំ ១៩៩៦ ជាពិសេសវាគឺជារូបសំណាកមួយក្នុងចំណោមរូបសំណាកពីងពាង ៤ ប៉ុណ្ណោះដែលលក់ចេញក្នុងការដេញថ្លៃ ។
យ៉ាងណាផ្ទះដេញថ្លៃ Sotheby’s មិនបានបញ្ចេញឈ្មោះអតិថិជនឡើយ ចំណែកឯម្ចាស់រូបសំណាកវិញគឺក្រុមហ៊ុន Fundacao Itau ដែលបានទិញរូបសំណាកកាលពីជាង ២៥ ឆ្នាំមុន ។

អ្នកស្រី Louise Bourgeois ជាកូនកាត់បារាំងនិងអាមេរិក មានស្រុកកំណើតនៅទីក្រុងប៉ារីស ប៉ុន្តែប្ដូរមករស់នៅទីក្រុងញូវយ៉កដែលជាកន្លែងគាត់ទទួលភាពល្បីល្បាញដោយសារការបញ្ចេញស្នាដៃ ។

ទោះបីពីមុន Louise ធ្លាប់ជាជាងគំនូរ និងអ្នកបោះពុម្ពក៏ដោយ ក្រោយមកគាត់បានសម្រេចស្នាដៃដ៏ធំមហិមាគឺពីងពាងយក្សនោះឯង ព្រោះរូបសំណាកដ៏ប្រណីតរបស់ Louise បានធ្វើឲ្យនាងនឹករឭកដល់ម្ដាយជាពន់ពេក ។
សូមជម្រាបដែរថា រូបសំណាកពីងពាងយក្សធ្លាប់ដាក់តាំងនៅកន្លែងល្បីៗជាច្រើនដូចជា សារមន្ទីរ Guggenheim Bilbao ប្រទេសអេស្ប៉ាញ, វិទ្យាស្ថាន Tate នៅអង់គ្លេស, សារមន្ទីរ San Francisco, និងវិចិត្រសាលជាតិនៃសិល្បៈ ទីក្រុងវ៉ាស៊ីនតោន ៕
ចុចអាន ៖ រូបចម្លាក់សុនខរបស់ម្ចាស់ក្សត្រី Elizabeth II លក់ខាតខ្លាំង ក្នុងការដាក់ដេញថ្លៃ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៨ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ