មកស្គាល់ការ៉េមតម្លៃជាង ៦ ពាន់ដុល្លារ ក្នុងមួយចាន

ការ៉េម “Byakuya” តម្លៃ ៦,៣០០ ដុល្លារក្នុងមួយចាន ជាប់ឯកត្តកម្មជាការ៉េមថ្លៃបំផុតនៅលើពិភពលោកដែលធ្វើដោយជនជាតិជប៉ុន ។

​Cellato ជាម៉ាកការ៉េម Byakuya ដ៏ថ្លៃដូចមាសព្រោះគេធ្វើវាជាមួយ Truffle ពណ៌សមកពីអ៊ីតាលីតម្លៃ ១៤,៥០០ ដុល្លារក្នុងមួយគីឡូក្រាម និងគ្រឿងផ្សំថ្លៃៗផ្សេងទៀតដូចជា ឈីស Parmigiano Reggiano, សន្លឹកមាស, និង sake lees ជាដើម ។

យោងទៅតាមកំណត់ត្រាពិភពលោកហ្គីណេសបានឲ្យដឹងថា ក្រុមហ៊ុន Cellato ចង់លាយគ្រឿងផ្សំអឺរ៉ុបនិងជប៉ុនចូលទៅក្នុងការ៉េមជាពិសេស ដូច្នេះពួកគេបានរកចុងភៅចំណានម្នាក់សម្រាប់ធ្វើម្ហូបចម្រុះបែបនេះទើបទទួលជោគជ័យ ។

​​អ្នកតំណាង Cellato និយាយថា “យើងចំណាយពេលដល់ទៅ ១ ឆ្នាំកន្លះដើម្បីអភិវឌ្ឍន៍ វាឆ្លងកាត់ការសាកល្បងនិងខុសបច្ចេកទេសជាច្រើនដងទម្រាំមានរសជាតិដូចបំណង” គាត់បង្ហើយថា “ការបំបែកឯកត្តកម្មហ្គីណេសពិតជាស័ក្ដិសមនឹងអ្វីដែលពួកយើងខិតខំកន្លងមក” ។

កំណត់ត្រាពិភពលោកហ្គីណេសបានទម្លាយទៀតថា ក្រុមហ៊ុន Cellato កំពុងត្រៀមចេញផលិតផលថ្មីមានដូចជាស្រាសាំប៉ាញ និងពងត្រី Caviar ផងដែរ ៕

ប្រភព ៖ scmp

ចុចអាន ៖ នឹកស្មានមិនដល់ថា ពងត្រី Caviar តម្លៃថ្លៃកប់ពពកផ្ដល់អត្ថប្រយោជន៍ច្រើនម្លឹងសោះ