ទឹកធ្លាក់ Beji Griya នៅកោះបាលី ស្ថិតកណ្ដាលព្រៃធំយ៉ាងអាថ៌កំបាំង

បាលីជាទឹកដីនៃធម្មជាតិ និងអាទិទេពហិណ្ឌូដែលមានឥទ្ធិពលជ្វា ហេតុ​ដូច្នេះ​ហើយ​បាន​ជា​ពេល​ទៅ​លេង​កោះ​មួយនេះយើង​អាច​ទៅ​ទស្សនា​ទាំង​កន្លែង​កម្សាន្ត​ធម្មជាតិ​ដ៏​ស្រស់​ស្អាតមាន សមុទ្រ​ពណ៌​ខៀវ​ រួមទាំង​ប្រាសាទ​ហិណ្ឌូ ដែល​មើល​ទៅ​ដូចកន្លែង​មន្តអាគម។

ប៉ុន្តែ​មាន​កន្លែង​មួយ​ដែល​រួម​បញ្ចូល​ធម្មជាតិ និង​កន្លែង​សាសនា​ចូល​គ្នា​នោះគឺទឹកធ្លាក់ Beji Griya ឬទឹកធ្លាក់​ពស់​នៃ​កោះ​បាលី ស្ថិត​នៅប្រទេស​ឥណ្ឌូណេស៊ី។ នេះគឺជាកន្លែងដែលមនុស្សជួបនឹងធម្មជាតិ ដែលមានទឹកជ្រោះធ្លាក់ធម្មជាតិ។ ចំណែករូបសំណាកពស់យក្ស និងរូបព្រះផ្សេងៗ ត្រូវបានបង្កើតឡើងដោយមនុស្ស ស្ថិត​នៅ​កណ្តាល​ព្រៃ​ធំ​មួយ វា​មាន​បរិយាកាស​អាថ៌កំបាំង​យ៉ាងខ្លាំង។

សម្រាប់ភ្ញៀវដែលបាន​ឃើញ​រូបភាពទឹកជ្រោះ Beji Griya ​សុទ្ធតែនិយាយដូចៗគ្នាថា ​ពិត​ជាអស្ចារ្យខ្លាំងមិនធ្លាប់ជួបពីមុននោះទេ ​ខណៈរូបចម្លាក់​សត្វពស់ និងរូបព្រះមើលទៅពិតដូចវត្ថុមានជីវិត វាអាចត្រូវបានគេហៅថា Unseen of Bali៕

ប្រែសម្រួល៖ សាង ស្រីល័ក្ខ

ចុចអាន៖នាឡិកាដៃរបស់អធិរាជចុងក្រោយប្រទេស ចិន បំបែកកំណត់ត្រាដេញថ្លៃខ្ពស់បំផុត