មកស្គាល់គោលដៅក្រេបទឹកឃ្មុំ ចំណាយលុយតិចទាំង ៤ ប្រទេស

គូស្វាមីភរិយាថ្មីថ្មោងមានបញ្ហាក្នុងការសម្រេចចិត្តជាមួយទិសដៅក្រេបទឹកឃ្មុំក្រៅប្រទេស ជាពិសេសការចំណាយត្រូវមានកំណត់ ។ ខាងក្រោមគឺជាគោលដៅក្រេបទឹកឃ្មុំចំណាយតិចជាង ៨០០ ដុល្លារទាំង ៤ ប្រទេសដែលអ្នកគួរពិចារណា ៖

១. កូឡាឡាំពួរ និង Genting Highlands ប្រទេសម៉ាឡេស៊ី

អ្នកអាចទៅទស្សនាទីក្រុងកូឡាឡាំពួរ និង Genting Highlands ដើម្បីបង្កើតភាពផ្អែមល្ហែមជាមួយគ្នា ហើយមានកន្លែងជាច្រើនទៀតដូចជា រាជវាំង, ទីលានឯករាជ្យ, និងផ្ទះសូកូឡាជាដើម ។ ដល់ថ្ងៃទីបីអ្នកអាចនៅលេងក្នុងរមណីយដ្ឋានភ្នំដ៏ស្រស់ស្អាតដែលមានសួនកម្សាន្តផ្សេងៗ និងដើរទិញអីវ៉ាន់ខ្លះនៅផ្សារទំនើបផងដែរ ។

២. បាងកក និងប៉ាតាយ៉ា ប្រទេសថៃ

ទិដ្ឋភាពទីក្រុងបាងកក និងឆ្នេរសមុទ្រប៉ាតាយ៉ា គឺជាកន្លែងល្អបំផុតសម្រាប់បទពិសោធន៍ក្រេបទឹកឃ្មុំ ។ នៅទីក្រុងបាងកកមានកន្លែងទស្សនាដូចជា រាជវាំង វត្តភូ និងវត្តអរុណ បន្ទាប់មកអ្នកអាចទៅលេងនៅផ្សារអណ្ដែតទឹកដើម្បីគយគន់ទេសភាព ឬភ្លក់អាហារដែលគេលក់តាមទូកគួរឲ្យចាប់អារម្មណ៍ ចំណែកឯនៅប៉ាតាយ៉ាវិញ យើងគួរទៅលេងនៅតាមឆ្នេរសមុទ្រដ៏ស្ងប់ស្ងាត់ និងសារមន្ទីរឋានសួគ៌ល្អបំផុតសម្រាប់អ្នកចូលចិត្តថតរូប ។

៣. ធីមភូ និង ប៉ារ៉ូ ប្រទេសប៊ូតាន់

ប្រទេសប៊ូតានជាកន្លែងមួយសម្រាប់គូស្នេហ៍ដែលចូលចិត្តការកម្សាន្តបែបវប្បធម៌ នៅទីនោះមានកន្លែងកម្សាន្តសំខាន់ៗដូចជា Tashichhoedzong, Memorial Chorten, បណ្ណាល័យជាតិ, និងសារមន្ទីរ Thimphu Textile ។ យ៉ាងណាកុំរំលង Paro Takstang ឬគេស្គាល់ជាវត្តសំបុកខ្លា និងប្រាសាទបុរាណ Kyichu Lhakhan ។

៤. Kathmandu និង Nagarkot ប្រទេសនេប៉ាល់

បន្ទាប់ពីញ៉ាំអាហារប្រចាំតំបន់ដ៏ឆ្ងាញ់ពិសាហើយ យើងគួរទៅលេងនៅ Swayambhunath Stupa, Patan និង Kathmandu Durbar Square អំឡុងពេលទស្សនាប្រាសាទ Pashupatinath ដែលចាស់ជាងគេផង ។ បើក្រឡេកមើលភូមិ Nagarkot វិញ គឺជាកន្លែងសំណព្វចិត្តចំពោះអ្នកចូលចិត្តថតរូបបង្ហោះ Instagram ជាមួយនឹងទេសភាពភ្នំហិមាល័យតែម្ដង ៕

ប្រែសម្រួល ៖​ វារី

ចុចអាន ៖ រូងភ្នំស្អាតដូចឋានសួគ៌ ៧ កន្លែងជុំវិញពិភពលោក ឃើញហើយចំហមាត់