Zoey ក្លាយជា សត្វឆ្កែអណ្ដាតវែងបំផុតលើលោក

ឆ្កែកាត់ពូជឡាប្រាដ័រ-ប៊ែកហ្សេ ឈ្មោះ Zoey មកពីរដ្ឋ Louisiana នៃសហរដ្ឋអាមេរិក ជាប់កំណត់ត្រារបស់ Guinness ជា “ឆ្កែដែលមានអណ្ដាតវែងបំផុតលើលោក” ។

Zoey អាយុ ៣ ឆ្នាំ មានអណ្ដាតប្រវែង ១២.៧ សង់ទីម៉ែត្រ ។ វាយកឈ្នះលើឆ្កែមួយក្បាលឈ្មោះ Bisbee ដែលមានអណ្ដាតប្រវែង ៩.៤៩ សង់ទីម៉ែត្រ កាលពីបីខែមុន ។

ម្ចាស់ Zoey បានបញ្ជាក់ថា ឆ្កែរបស់ខ្លួនមានអណ្ដាតវែងពីកំណើត ពួកគេស្មានថាធំឡើងវានឹងលែងអី ប៉ុន្តែវានៅតែអណ្ដាតធំជាងខ្លួនដដែល ។

តាមពិតទៅឆ្កែអណ្ដាតវែងជាងគេបង្អស់មិនមែន Zoey ទេ គឺ Mochi ពូជ St. Bernard មកពី Dakota ខាងត្បូងដែលមានអណ្ដាតប្រវែងដល់ទៅ ១៨.៥៤២ សង់ទីម៉ែត្រ ប៉ុន្តែ Mochi បានស្លាប់តាំងពីឆ្នាំ ២០២១ មកម្ល៉េះ ទើបកំណត់ត្រាធ្លាក់មកលើ Zoey វិញ ៕

ប្រែសម្រួល​ ៖ វារី

ចុចអាន ៖ មកដឹងពីរឿងវេជ្ជសាស្ត្រគួរឱ្យចាប់អារម្មណ៍ទាំង ៥ ក្នុងកំណត់ត្រាពិភពលោក Guinness