រថយន្តមួយប្រភេទ ចោរនៅ អង់គ្លេស ចូលចិត្តលួចបំផុត

ឡាន Land Rover គឺជាប្រភេទរថយន្តដែលត្រូវចោរលួចច្រើនបំផុតនៅអង់គ្លេស ពួកគេចំណាយពេលមិនដល់ ៩០ វិនាទីផងក្នុងការ Hack ប្រព័ន្ធសុវត្ថិភាពរបស់វា ។ 

គិតត្រឹមខែមីនា ឆ្នាំ២០២៣នេះ រថយន្ត Land Rover មួយក្នុងចំណោម ១០០ គ្រឿង ត្រូវបានលួចដោយជោគជ័យ ព្រោះមានឧបករណ៍ម្យ៉ាងដែលអាចយកឈ្នះលើប្រព័ន្ធការពាររបស់ឡានយ៉ាងងាយស្រួល ។

បន្ទាប់ពីរថយន្ត Land Rover មក រថយន្ត Mercedes-Benz ជាប់ចំណាត់ថ្នាក់លេខ ២ ជាឡានសំបូរចោរលួចបំផុតដែលមានតួលេខ ៣២៣ គ្រឿង ក្នុងចំណោម ១០ ម៉ឺនករណី។ ចំណែកឯចំណាត់ថ្នាក់បន្តបន្ទាប់គឺ Ford, BMW, និង Audi ហើយភាគច្រើនមានពណ៌ខ្មៅ ។

តាមការរកឃើញ ជនល្មើសស្ទើរទាំងអស់បានទិញឧបករណ៍លួចឡានតាមអនឡាញក្នុងតម្លៃ ១៦៦៥.៧១ ដុល្លារ ជាពិសេសវាចំណាយពេលមិនដល់ ៩០ វិនាទីទេដើម្បីលួចឡាននោះ ៕

ប្រែសម្រួល ៖ វារី

ប្រភព ៖ Dailystar

ចុចអាន ៖ សាំងឡើងថ្លៃពេក ចោរនៅអាមេរិក ចាប់ផ្តើមដើរលួចបូមពីរថយន្ត