តាមពិត ភរិយាអ្នកបើកយានជ្រមុជទឹក  ជាប់សាច់ឈាមអ្នកស្លាប់ក្នុងហេតុការណ៍លិចកប៉ាល់ Titanic

ការពិតអ្នកស្រី Wendy Rush ភរិយាលោក Stockton Rush CEO ក្រុមហ៊ុន OceanGate ជាប់សាច់ឈាមជាមួយអ្នកស្លាប់ក្នុងហេតុការណ៍លិចកប៉ាល់ Titanic ។

អ្នកស្រី Wendy Rush មានឈ្មោះដើមថា Wendy Hollings Weil ជាចៅទួតរបស់អ្នកស្រី Minnie នឹងលោក Richard Weil ដែលរៀបការកាលពីឆ្នាំ ១៩០៥ ។ ចំណែកឯអ្នកស្រី Minnie វិញជាកូនរបស់លោក Isidor Straus និងអ្នកស្រី Ida Straus ដែលបានស្លាប់ក្នុងហេតុការណ៍លិចកប៉ាល់ Titanic ។

លោក Isidor Straus និងអ្នកស្រី Ida Straus ជាម្ចាស់ហាងទំនិញ Macy ហើយនៅក្នុងរឿង Titanic ឆ្នាំ ១៩៩៧ អ្នកអាចសង្កេតឃើញពួកគាត់គេងអោបគ្នា ខណៈកប៉ាល់កំពុងលិច ។

ជាក់ស្ដែងអ្នកទាំងពីរត្រូវបានសង្គ្រោះដោយការផ្ដល់កន្លែងអង្គុយនៅលើទូកដែរ ប៉ុន្តែលោក Isidor បដិសេធ ព្រោះរង់ចាំក្មេងៗ និងស្ត្រីឲ្យរួចខ្លួនសិន ។ រីឯអ្នកស្រី Ida ក៏មិនព្រមទៅដូចគ្នា បើគ្មានវត្តមានស្វាមីជាទីស្រលាញ់ទេនោះ ។

គួរបញ្ជាក់ថា យានជ្រមុជទឹក Titan បានបាត់ខ្លួនកាលពីថ្ងៃទី១៨ ខែមិថុនា ឆ្នាំ២០២៣ រហូតមកទល់ពេលនេះគេមិនទាន់រកឃើញនៅឡើយទេ ខណៈអុកស៊ីសែននៅសល់កាន់តែតិច ៕

ប្រែសម្រួល៖ វារី

ប្រភព៖ dailymail

ចុចអាន៖ មនុស្សជាប់ក្នុងយានជ្រមុជទឹក Titan ស្ថិតនៅដង្ហើមចុងក្រោយ

ចុចអាន៖ ហេតុអ្វីការស្វែងរកយានជ្រមុជទឹក Titan ពិបាកខ្លាំង?