ការស្រាវជ្រាវថ្មី៖ ត្រីដូហ្វីននិយាយជាមួយកូនដោយប្រើសំឡេងញ៉ិកញ៉ក់

តាមការស្រាវជ្រាវទៅលើត្រីដូហ្វីនជាមេ ១៩ ក្បាល ពូជ Bottlenose នៅរដ្ឋ Florida នៃសហរដ្ឋអាមេរិក រកឃើញថា ពួកគេនិយាយជាមួយកូនដោយប្រើសំឡេងញ៉ិកញ៉ក់ ផ្ទុយពីការនិយាយជាមួយត្រីដូហ្វីនពេញវ័យទូទៅ ។

ពេលបញ្ចេញសំឡេងទៅកាន់កូនៗ ត្រីដូហ្វីនជាមេហួចបង្កើតសំឡេងខ្ពស់ជាងធម្មតា បើយោងតាមការសិក្សាដែលបានចេញផ្សាយនៅក្នុងទស្សនាវដ្ដី Proceedings of the National Academy of Sciences ។

ចំពោះការរកឃើញនេះ អ្នកវិទ្យាសាស្ត្រជឿជាក់ថា ជាវិធីដែលត្រីដូហ្វីនបង្រៀនកូនឲ្យឆាប់ចេះទាក់ទងគ្នា ។ ត្រឡប់ទៅកាន់ការស្រាវជ្រាវនៅអំឡុងឆ្នាំ ១៩៨០ វិញ គេរកឃើញថា កូនក្មេងចាប់អារម្មណ៍សំឡេងខ្ពស់ជាងធម្មតាស្រដៀងកូនត្រីដូហ្វីនដែរ ។

ជីវវិទូសមុទ្រគិតថាវាជារឿងសំខាន់ណាស់សម្រាប់កូនត្រីដូហ្វីន ក្នុងការបែងចែកពេលមេកំពុងនិយាយជាមួយវា ឬនិយាយជាមួយត្រីពេញវ័យផ្សេងៗ ៕

ប្រែសម្រួល៖ វារី

ប្រភព៖ NBC

ចុចអាន៖ ការពិតសាហាវៗពីត្រីដូហ្វីន ៧ ចំណុចមនុស្សគួរស្វែងយល់