សណ្ឋាគារជ្រៅបំផុតលើលោក បើកដំណើរការនៅប្រទេសវែលស៍

សណ្ឋាគារថ្មីដែលមានជម្រៅជ្រៅបំផុតក្នុងប្រទេសវែលស៍ ឈ្មោះ Deep Sleep ចាប់បើកដំណើរការហើយ ។

នៅក្នុងបន្ទប់សណ្ឋាគារមានគ្រែចំនួន ២ ជញ្ជាំងតុបតែងដូចក្នុងល្អាងភ្នំ រួមជាមួយបង្គន់ និងកន្លែងញ៉ាំអាហារជាដើម ។ វាមានជម្រៅ ៤១៩ ម៉ែត្រ ចុះទៅក្រោមដីនៅក្រោមភ្នំ Snowdonia ដែលជារណ្ដៅរ៉ែសម័យវ៉ិចតូរៀ ។

ទន្ទឹមនោះ សណ្ឋាគារ Deep Sleep បើកទទួលភ្ញៀវត្រឹមតែមួយថ្ងៃប៉ុណ្ណោះក្នុងមួយសប្ដាហ៍ គឺថ្ងៃសៅរ៍ ចំណែកឯតម្លៃវិញក៏ខ្ពស់ដែរ ក្នុងម្នាក់ត្រូវចំណាយដល់ ៤៤៥ ដុល្លារឯណោះ ។

ខណៈភ្ញៀវចាប់ផ្តើមចុះទៅក្រោមនៅថ្ងៃសៅរ៍ វេលាម៉ោង ៥ ល្ងាច មគ្គុទ្ទេសក៍ទេសចរណ៍ក៏នឹងពណ៌នាពីរឿងរ៉ាវនៃទីកន្លែងនោះ រហូតដល់កន្លែងសម្រាក ។ លុះព្រឹកឡើង ភ្ញៀវត្រូវបានដាស់នៅម៉ោង ៨ ព្រឹក ហើយផ្ដល់ជូននូវអាហារពេលព្រឹករួចរាល់ទើបឡើងមកវិញ ។

ស្របពេលជាមួយគ្នានេះ ភ្ញៀវជាច្រើនពេញចិត្តនឹងបទពិសោធន៍សម្រាកនៅសណ្ឋាគារ Deep Sleep នេះណាស់ ដោយសារនៅទីនោះវាស្ងប់ស្ងាត់ ជួយឲ្យគេងលក់បានស្កប់ស្កល់ជាងនៅផ្ទះទៀតផង ៕

ប្រែសម្រួល​៖ វារី

ប្រភព៖ Time of India

ចុចអាន៖ ស្ថានីយប្រេងឥន្ធនៈធំបំផុតលើលោក បើកជាផ្លូវការហើយ

ចុចអាន៖ ស្នាដៃចុងក្រោយលោក Gustav Klimt ក្លាយជាគំនូរថ្លៃបំផុតនៅអឺរ៉ុប