KPT+

សមាគមអ្នកភ្លេង៖ «ប្រកាន់យកពាក្យស្លោក ឧបសគ្គគឺជាសាលារៀន ការលំបាកគឺជាឱកាស»

បានផុស

២ years មុន

នៅ

ថ្ងៃព្រហស្បតិ៍ ២០ កក្កដា ២០២៣

ដោយ

ប្រធានប្រតិបត្តិសមាគមអ្នកភ្លេង លោក ម៉ិញ សុធីវណ្ណ បានថ្លែងថា សមាគមអ្នកភ្លេងមានចក្ខុវិស័យនៅក្នុងការអភិរក្ស និងអភិវឌ្ឍន៍សិល្បៈវប្បធម៌ខ្មែរឱ្យកាន់តែមានភាពល្បីសុះសាយជាបន្តបន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ម៉ិញ សុធីវណ្ណ ប្រធានប្រតិបត្តិសមាគមបានបញ្ជាក់ថា សមាគមមានគោលបំណងសំខាន់ នៅក្នុងការអភិរក្សក៏ដូចជាអភិវឌ្ឍន៍សិល្បៈវប្បធម៌ខ្មែរ ប្រមូលធនធានមនុស្ស ដោយឈរលើស្មារតីរួបរួមគ្នា បើកចិត្តឱ្យទូលាយ សាមគ្គីគ្នា ជួយគ្នា ឈរលើគោលការណ៍ ៣ យ៉ាងគឺ «ជួយគិត ជួយធ្វើ និងរួមគ្នាទទួលខុសត្រូវ»។

សមាគមអ្នកភ្លេងទើបតែបង្កើតតាមប្រកាសលេខ ២៥៣១ ប្រ.ក ចុះថ្ងៃទី ២៧ ខែមេសា ឆ្នាំ២០២៣ របស់ក្រសួងមហាផ្ទៃ។ បើតាមលោក ម៉ិញ សុធីវណ្ណ «សមាគមប្រកាន់យកពាក្យស្លោក ឧបសគ្គ គឺជាសាលារៀន ការលំបាក គឺជាឱកាស» មុនដែលលោកបន្ថែមថា សមាគមចង់ចែករំលែកចំណេះដឹងក៏ដូចជាផ្ទេរបទពិសោធន៍ ដែលពួកគេធ្លាប់បានឆ្លងកាត់អស់រយៈពេល ៥ ជំនាន់ ដើម្បីរួមគ្នាបណ្ដុះបណ្ដាលដល់យុវជនជំនាន់ក្រោយដែលមានទេពកោសល្យខាងតូរ្យតន្រ្តី។

លោក ម៉ិញ សុធីវណ្ណ បានបញ្ជាក់ថា ធនធានមនុស្សផ្នែកតន្ត្រីករ សិល្បករ គ្រប់ទម្រង់ ទាំងភ្លេង របាំ ល្ខោន និងចម្រៀង គឺសុទ្ធសឹងតែបានរួមចំណែកដល់ការលើកស្ទួយវប្បធម៌ អភិវឌ្ឍន៍សង្គម សេដ្ឋកិច្ចជាតិ និងសម្រាប់ជាមរតកសម្រាប់មនុស្សជំនាន់ក្រោយផងដែរ៕