Connect with us

KPT+

ទៅកម្សាន្តទឹកធ្លាក់ក្នុងរដូវវស្សា មានហានិភ័យណាស់ ដូចនេះត្រូវកត់សម្គាល់រឿងខ្លះ

បានផុស

នៅ

ទេសចរជាតិ និយមការធ្វើដំណើរកម្សាន្តទៅកាន់តំបន់ទឹកធ្លាក់ក្នុងរដូវភ្លៀវធ្លាក់នេះខ្លាំងណាស់ ក៏ព្រោះតែនៅខែនេះ មានទេសភាពស្រស់បំព្រង ប៉ុន្តែការកម្សាន្តនៅខែនេះ ក៏មានហានិភ័យ​ដែរ​សម្រាប់ការ​លេងទឹក។ មិនថាការធ្វើដំណើរទៅ​កាន់តំបន់​ទឹកធ្លាក់ ឬសមុទ្រទេ ការមើលសេចក្តីជូនដំណឹងពីការព្យាករណ៍អាកាសធាតុ គឺជារឿងសំខាន់ ក៏ព្រោះតែ​សេចក្តី​ជូន​ដំណឹង​នេះ ជាមគ្គទេសក៍សុវត្ថិភាពចម្បងទី១ ជួយយើងឱ្យដឹងពីស្ថានភាពអាកាសធាតុកន្លែង ដែលយើងនឹងត្រូវ​ទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីនេះ យើងត្រូវរឿងរ៉ាវមួយចំនួនទៀត នៅពេលទៅលេងកម្សាន្តតំបន់ទឹកធ្លាក់ ដើម្បីបង្កើនសុវត្ថិភាពផ្ទាល់ខ្លួន មិនគ្រោះថ្នាក់ដល់អាយុជីវិត។ កម្ពុជាថ្មីសូមចែករំលែកចំណេះដឹងមួយចំនួន នៅពេលទៅលេងតំបន់ទឹកធ្លាក់។

១. សញ្ញានៃការមកដល់របស់កម្លាំងទឹក
ជាទូទៅ ស្ថានភាពទឹកបុកគំហុកខ្លាំងបំផុត នៅពេលដែលមេឃជិតភ្លៀង ឬពេលល្ងាច។ បើតាមបទពិសោធន៍អ្នកប្រកប របរក្បែរតំបន់ទឹកធ្លាក់ កត់សម្គាល់ឃើញថា រាល់ពេលដែលមេឃចាំផ្តើមស្រទុំ ទឹកមិនដឹងមកពីណា មកជាគំហុកតែម្តង ពិសេសច្រើនកើតមានឡើងក្នុងអំឡុងរដូវភ្លៀងធ្លាក់តែម្តង។ ស្ថានភាពភ្លាមៗ ជារឿងដែលមិនអាចស្មានដឹងមុនឡើយ ហេតុនេះ ដើម្បីសុវត្ថិភាព គប្បីកុំលេងឆ្ងាយពីច្រាំងពេក។

២. គ្រោះថ្នាក់ចៃដន្យ
ធម្មតា ទឹកធ្លាក់ គឺជាតំបន់ជ្រលងភ្នំ ដែលមានដើមឈើធំតូចនៅហ៊ុំព័ទ្ទ លើកលែងតែតំបន់ទឹកធ្លាក់ ដំណាក់ក្រោមៗទេ ដែលមិនសម្បូរព្រៃក្រាស និងស្រួលលេង។ បើទោះជាករណីកម្រ ប៉ុន្តែការលេងកម្សាន្តទឹកធ្លាក់នៅរដូវភ្លៀងធ្លាក់ ក៏មាន​ហានិភ័យដែរ ដូចជាការហូរមែកឈើ ឬកំណាត់ឈើមកតាមទឹកជាដើម។ ករណីនេះ អាចកើតមាននៅពេលដែល ចរន្តទឹកកំពុងកើនល្បឿន ហើយវានឹងអាចនាំមកជាមួយនឹងសំណល់មែកឈើដែលបាក់ ឬមែកឈើផុយស្រួយ ដែលនៅ ប្របមាត់ជ្រោះនោះមក។

៣. បង្កើនការប្រុងប្រយ័ត្នពេលលេងទឹក
ដើម្បីសុវត្ថិភាពខ្ពស់ពេលលេងទឹក ត្រូវលេងនៅម្តំណាដែលផុតពីល្បាក់ចំណោតដែលទឹកហូរចុះ ព្រោះត្រង់ចំណុចនោះ ហូរ​ខ្លាំង អាចឱ្យយើងបាត់ជំហរហូរទៅជាមួយទឹក។ កំណត់ចំណាំមួយ យើងអាចមើលដឹងពីកន្លែងដែលស្ថានភាពទឹក មិនគួរលេង កន្លែងណាដែលមានទឹកបែកពពុះសៗ ត្រង់នោះហើយ ជាកន្លែងដែលមានកម្លាំងទឹកខ្លាំង ហេតុនេះ គួរលេង​នៅកន្លែង​ណា​ដែលចរន្តទឹកមិនសូវខ្លាំង។ អ្វីដែលគួរប្រុងប្រយ័ត្នមួយទៀតនោះ គឺពេលដើរលើថ្ម ប្រយ័ត្នរអិល ព្រោះកន្លែងដែលមិនសូវមានទឹកហូរខ្លាំង ច្រើនមានស្លែរកាន់។

៤. កុំពាក់អាវពោងសុវត្តិភាព
អាវពោងសុវត្ថិភាព គ្រោះថ្នាក់ណាស់ បើសិនជាយកមកប្រើពេលលេងទឹកជ្រោះ ព្រោះស្ថានភាពទឹកជ្រោះគឺមានលំហូរ ហើយអាវពោងមិនត្រឹមតែមិនអាចជួយការពារសុវត្ថិភាពយើងបានទេ ថែមទាំងស្របជាមួយកម្លាំងទឹក នាំយកយើងទៅ​ជាមួយ​បានទៀត៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង២ ម៉ោង មុន

ពិធីចុះហត្ថលេខាលើអនុស្សរណៈនៃការយោគយល់គ្នារវាង BKD Academy នឹង Manulife Cambodia

សន្តិសុខសង្គម២ ម៉ោង មុន

នគរបាល​ឃាត់​ខ្លួន​ជនសង្ស័យ​ម្នាក់​ ហ៊ានបង្ហោះលក់​កាំ​ភ្លើង​ជា​សាធារណៈនិង ដក​ហូត​កាំ​ភ្លើង​បាន៧​ដើម

ព័ត៌មានជាតិ៤ ម៉ោង មុន

មន្ត្រី​ជាន់ខ្ពស់​នៃ​ក្រសួងសាធារណការ​ និង​ដឹកជញ្ជូន​បន្តចុះពិនិត្យ​វឌ្ឍនភាព​ការ​ស្ថាបនាផ្លូវជាតិលេខ៧

ព័ត៌មានជាតិ៥ ម៉ោង មុន

អភិបាលរងរាជធានី ស្នើ​ឱ្យ​សមត្ថកិច្ច​ និង​ម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ

ព័ត៌មានជាតិ៦ ម៉ោង មុន

សម្តេចធិបតី ជំរុញឱ្យពន្លឿនការរៀបចំនូវច្បាប់សន្តិសុខសាយប័រ

Sokha Hotels

ព័ត៌មានពេញនិយម