KPT+

បុរសចំណាស់ជាងគេលើលោក ទទួលមរណភាពនៅអាយុ ១២៧ ឆ្នាំ

បានផុស

១ year មុន

នៅ

ថ្ងៃអង្គារ ១ សីហា ២០២៣

ដោយ

លោក Jose Paulino Gomes បុរសចំណាស់ជាងគេបំផុតលើលោកដែលចូលចិត្តផឹកស្រា និងជិះសេះ បានទទួលមរណភាពនៅអាយុ ១២៧ឆ្នាំ ក្នុងប្រទេសប្រេស៊ីល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកតា ១២៧ ឆ្នាំរូបនេះ បានកើតនៅថ្ងៃទី ៤ ខែសីហាឆ្នាំ ១៨៩៥ ហើយគាត់រៀបការនៅអាយុ ២២ ឆ្នាំ ។ Jose មានកូន ៧ នាក់ ចៅ ២៥ នាក់ ចៅទួត ៤២ នាក់ និងចៅលួត ១១ នាក់ ។

ចៅស្រីរបស់លោក Jose ឈ្មោះ Eliane Ferreira បានប្រាប់ប្រព័ន្ធផ្សព្វផ្សាយក្នុងស្រុកថា “លោកតាសាមញ្ញ និងសុភាពរាបសារណាស់ ។ លក្ខណៈពិសេសរបស់គាត់គឺគាត់ហូបតែរបស់ពីជនបទ និងធម្មជាតិប៉ុណ្ណោះ ។ គាត់ចិញ្ចឹមមាន់ ជ្រូកជាដើម អាហាររបស់គាត់គឺមកពីទីនេះទាំងអស់ ហើយគាត់តែងតែចូលចិត្តផឹកស្រាបន្តិចបន្តួច” ។

ចៅស្រីមួយទៀតឈ្មោះ Fabiola Oliveira បានបន្ថែមថា “កាលពីបួនឆ្នាំមុន គាត់ឈប់ជិះសេះ ។ គាត់គេងលើគ្រែប្រហែលមួយខែ ហើយប្រាប់នូវរឿងរ៉ាវ និងអនុស្សាវរីយ៍ជាច្រើនសម្រាប់យើងទាំងអស់គ្នា” ។

យ៉ាងណាគេមិនទាន់ដឹងច្បាស់ពីអាយុពិតប្រាកដរបស់លោកតាទេ ព្រោះមានស្ត្រីអាយុ ៩៨ ឆ្នាំម្នាក់និយាយថា គាត់ស្គាល់ Jose តាំងពីនៅជាក្មេងប្រុស ។ ប៉ុន្តែក្នុងឯកសារបានបង្ហាញថា គាត់មានអាយុយ៉ាងតិចក៏ ១១០ ឆ្នាំដែរ ដូច្នេះក្រុមគ្រួសារគាត់កំពុងទន្ទឹងរង់ចាំមើលក្នុងសំបុត្រមរណភាពវិញ ៕

ប្រែសម្រួល៖ វារី

ប្រភព៖ dailymail

ចុចអាន៖ លោកយាយជនជាតិ អេស្ប៉ាញ ចាស់ជាងគេលើពិភពលោកប្រាប់ពីគន្លឹះអាយុវែង