Connect with us

KPT+

ឱកាសប្រកួតរូបថត យកពានរង្វាន់ សម្រាប់អ្នកសារព័ត៌មាន

បានផុស

នៅ

ក្លិបអ្នកកាសែតកម្ពុជា សហការជាមួយ CP ALL (Cambodia) Co, Ltd. នឹងរៀបចំការប្រកួតប្រជែងរូបថត សម្រាប់ជាឱកាសដល់អ្នកសារព័ត៌មាន យកស្នាដៃថតរូបប្រកួតរបស់ខ្លួន ដាក់ទៅប្រកួតដើម្បីទទួលបានពានរង្វាន់។

រូបភាពតំណាង
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះបើតាមការបង្ហោះលើបញ្តាញសង្គមហ្វេសប៊ុក របស់ក្លិបអ្នកកាសែតកម្ពុជា ថ្ងៃទី៧ ខែសីហា ឆ្នាំ២០២៣ នេះ។ ការប្រកួតថតរូបនេះ ធ្វើឡើងក្រោមប្រធានបទ “ផ្សព្វផ្សាយសម្រស់សហគមន៍យើង” ដែលអាចចាត់ទុកបានថា ជាការប្រកួតលើកដំបូង និងជាឱកាសសម្រាប់អ្នកសារព័ត៌មាន អ្នកថតរូបឯករាជ្យ ដែលធ្វើការពាក់ព័ន្ធជាមួយផ្នែកសារព័ត៌មាន បានបញ្ចេញស្នាដៃ និងថតរូបយកទៅប្រកួត។

គោលបំណងនៃការប្រកួតនេះ ដើម្បីបំផុសចលនាប្រកួតប្រជែងស្នាដៃរូបថតល្អៗ និងលើកទឹកចិត្តដល់អ្នកសារព័ត៌មាន និងអ្នកថតរូបឯករាជ្យពាក់ព័ន្ធនឹងសាព័ត៌មាន ចូលរួមដណ្តើមពានរង្វាន់ឆ្នាំ២០២៣។ ក្នុងនោះ ក៏ជាផ្នែកមួយ ចូលរួមផ្សព្វផ្សាយពីបរិស្ថាន និងសម្រស់នៅក្នុងសហគមន៍។

រូបភាពតំណាង

ការប្រកួតរូបថតនេះ សម្រាប់អ្នកសារព័ត៌មាន កំពុងបម្រើការនៅតាមអង្គភាពទូរទស្សន៍ វិទ្យុ កាសែតបោះពុម្ព សារព័ត៌មានអនឡាញ និងអ្នកសារព័ត៌មានឯករាជ្យនៅកម្ពុជា។ ចំពោះលក្ខខណ្ឌប្រកួតមានដូចជា៖

  • ជាស្នាដៃពិតប្រាកដរបស់បេក្ខជន
  • ជារូបថតដែលមិនមានការរៀបចំដើម្បីថត ឬ កែ (Edit)
  • ជារូបថតបង្ហាញពីសម្រស់ធនធានធម្មជាតិ តំបន់រមណីយដ្ឋានទេសចរណ៍ អេកូទេសចរណ៍ ឬ បង្ហាញពីបរិស្ថានស្អាត និងកាតអភិវឌ្ឍ
  • ជារូបថតទាក់ទាញ និងទាក់ទងនឹងប្រធានបទ
  • ជារូបថតដែលត្រូវបានចុះផ្សាយក្នុងអង្គភាពរបស់ខ្លួន ឬ អង្គភាពសារព័ត៌មានណាមួយ ចាប់ពីថ្ងៃទី១ ខែមករា ឆ្នាំ២០២២ ដល់ថ្ងៃទី៣០ ខែសីហា ឆ្នាំ២០២៣។

សម្រាប់ពានរង្វាន់ដែលទទួលបានមានចំនួន៥៖ ជ័យលាភីលេខ១ ទទួលបានថវិកា ៣លានរៀល ពាន១។ ជ័យលាភីលេខ២ ថវិកា២លាន ៥សែនរៀល ពាន១។ ជ័យលាភីលេខ៣ ទទួលបានថវិលា ២លានរៀល និងពាន១។ ជ័យលាភីលេខ៤ ទទួលបានថវិកា ១លាន ៥សែនរៀល និងពាន១។ ជ័យលាភីលេខ៥ គឺទទួលបានថវិកា ១លានរៀល និងពាន១។

គួរបញ្ជាក់ថា បេក្ខជនដែលមានបំណងចង់ចូលរួមប្រកួត បេក្ខជនត្រូវផ្ញើរូបថតជាសន្លឹក  ឬ Files ចំនួន ៣សន្លឹក ដោយភ្ជាប់សំណៅដើម ដែលបង្ហាញថា រូបភាពនេះបានចុះផ្សាយរួចហើយក្នុងអង្គភាពណាមួយ។ បន្ទាប់មកផ្ញើទៅកាន់ ក្លិបអ្នកកាសែតកម្ពុជា ផ្ទះលេខ១២ ផ្លូវលេខ៥ (បុរីប៉េងហួត មុខផ្សារប៉េសេ ផ្លូវ៣៧១) សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។ ធ្វើយ៉ាងណាដាក់ឱ្យបានមុនថ្ងៃទី៣០ ខែសីហា ឆ្នាំ២០២៣៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

ឧបការី​រដ្ឋមន្រ្តី​ក្រសួង​សន្តិសុខ​សាធារណៈ​ចិន​​ទស្សនៈ​កិច្ច​​​នៅ​​ច្រក​​ទ្វា​អន្តរជាតិប៉ោយប៉ែត

ព័ត៌មានជាតិ៧ ម៉ោង មុន

មេ​បញ្ជា​ការ​កង​ទ័ព​ជើង​គោក​កម្ពុជា ​ណែ​នាំ​ឱ្យ​កង​ទ័ព​ ​រក្សា​ទំនាក់​ទំនង​ល្អ​ជាមួយ​ភាគីថៃ ​ ​មិន​បំពាន​គ្នា ​​

ព័ត៌មានជាតិ៧ ម៉ោង មុន

​ប្រធានកិត្តិយស​​នៃ​សមាគម​មូលនិធិ​អភិរក្សដំរី​អៃរាវត្តា​ខ្មែរ ​ទៅ​មើល​​ផ្ទាល់​ការ​ថែ​ទាំ​កូន​ដំរី​ឈ្មោះ​«លំផាត់» នៅ​សួន​សត្វ​ភ្នំតាម៉ៅ ​

សន្តិសុខសង្គម៧ ម៉ោង មុន

ជន​ជាតិ​ចិន​ម្នាក់ ​ត្រូវ​នគរបាល​​​បណ្ដេញ​ចេញ​ពី​ប្រទេស​កម្ពុជា​

សន្តិសុខសង្គម១១ ម៉ោង មុន

យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យ​ឆះផ្ទះលក់កុំព្យូទ័រ

សន្តិសុខសង្គម១១ ម៉ោង មុន

យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យ​ឆះផ្ទះលក់កុំព្យូទ័រ

ព័ត៌មានអន្ដរជាតិ២០ ម៉ោង មុន

អង់គ្លេស ថែម​ប្រាក់​កម្ចី​ឲ្យ​អ៊ុយក្រែន ជិត​៣​ពាន់​លាន​ដុល្លារ សម្រាប់​ផលិតកម្ម​អាវុធ

ព័ត៌មានជាតិ១៧ ម៉ោង មុន

អ្នកឃ្លាំមើលសង្គម៖ពលរដ្ឋខ្មែរនៅ​កូរ៉េ ៩៩% មិនបា​នចូលរួមបាតុកម្ម និង​បន្តជឿជាក់​រាជរដ្ឋាភិបាល​លើ​បញ្ហា​ទឹក​ដី​

ព័ត៌មានអន្ដរជាតិ១៦ ម៉ោង មុន

ពូទីន ចុះហត្ថលេខាលើច្បាប់ការពារ​គ្នា​ទៅ​វិញ​ទៅ​មក​ជា​ផ្លូវការ​ជាមួយ​បេឡារុស

ព័ត៌មានអន្ដរជាតិ១៨ ម៉ោង មុន

មេ​ណាតូ ជំរុញឲ្យ ហ្សេលេនស្គី ផ្សះផ្សា​ទំនាក់ទំនង​ជាមួយ​លោក ត្រាំ

Sokha Hotels

ព័ត៌មានពេញនិយម