KPT+

មហាសេដ្ឋីយល់ថា ប្រាក់ជាមូលហេតុភាគច្រើននៃការបែកបាក់ស្នេហា

បានផុស

៤ years មុន

នៅ

ថ្ងៃអង្គារ ៣ វិច្ឆិកា ២០២០

ដោយ

ស្នេហាគឺជាការទុកចិត្តនិងបើកចំហគ្រប់រឿង ហើយប្រាស្រ័យទាក់ទងគ្នាដោយគ្មានអាថ៌កំបាំងរៀងខ្លួន។

លោក Goldman គឺជាម្ចាស់ក្រុមហ៊ុនវិនិយោគនិងសេវាកម្មហិរញ្ញវត្ថុអាមេរិក បាននិយាយថា កត្តាហិរញ្ញវត្ថុ ៤ យ៉ាង ដែលបានទាញទម្លាក់ទំនាក់ទំនងរបស់ដៃគូបានយ៉ាងងាយស្រួល ៖

១. មិនយល់ព្រមលើអ្វីដែលត្រូវចំណាយជាមួយគ្នា

លោក Goldman បាននិយាយថា “ ប្រាក់គឺជាបុព្វហេតុឈានមុខគេមួយនៃភាពមិនចុះសម្រុងគ្នារវាងទំនាក់ទំនងរបស់ដៃគូ។ ពេលខ្លះដៃគូតែងបង្កជម្លោះជាមួយគ្នា ដោយសារតែទំនាស់ពាក្យសំដី រឿងតិចតួច ជាពិសេសទាក់ទងនឹងការចំណាយរួមគ្នា។

ដំណោះស្រាយគឺត្រូវសសម្របសម្រួលគ្នា ហើយកុំឲ្យដៃគូរបស់យើងមិនសប្បាយចិត្តចំពោះរឿងគ្រប់យ៉ាងដែលយើងតែងតែបញ្ចប់ដោយសារចំណាយប្រាក់ជានិច្ច។

២. មិនរំលែកទុក្ខលំបាករួមគ្នា

ហេតុអ្វីជុំវិញពិភពលោក តែងតែមានមនុស្សដែលទើបតែរៀបការរួចហើយលែងលះគ្នាវិញ ឬដៃគូស្នេហាបែកបាក់គ្នា? នេះក៏ដោយសារតែភាពមិនចុះសម្រុងគ្នា មិនរំលែកទុក្ខលំបាករួមគ្នា ចូលចិត្តយកល្អតែខ្លួនឯង។

លោក Goldman ណែនាំឱ្យនិយាយជាមួយដៃគូរបស់យើងពីការចូលរួមជួយគ្នាទៅវិញទៅមក មិនថាវាជារូបិយវត្ថុឬទិញផ្ទះជួសជុលផ្ទះនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៣. មិនដោះស្រាយបំណុលរួមគ្នា

យោងតាមលោក Goldman បាននិយាយថា រឿងនេះអាចគ្រប់គ្រងបានដរាបណាអ្នកទាំងពីរពិភាក្សាវាតាំងពីដំបូង មុនពេលចាប់ផ្ដើមឬកាន់តែធ្ងន់ធ្ងរជាងនេះ។ ដូចគ្នានេះផងដែរ យើងត្រូវនិយាយពីរបៀបចំណាយសម្រាប់គ្រប់រឿងទាំងអស់។

ប្រសិនបើដៃគូទាំងពីរមិនយល់ព្រមលើដំណោះស្រាយ លើបំណុលរួមគ្នាទេ នោះមនោសញ្ចេតនាស្នេហារវាងអ្នកទាំងពីរ អាចនឹងឈានទៅរកបែកបាក់គ្នាព្រោះតែប្រាក់។

៤. ចូលចិត្តចំណាយពេលវិនិច្ឆ័យម្នាក់ទៀត

ចុងក្រោយលោក Goldman បានបន្ថែមទៀតថា ” ដៃគូមិនមែននិយាយពីម្នាក់ក្នុងចំណោមអ្នកទាំងពីរថា នរណាជាមនុស្សល្អជាងឬមានតម្លៃនោះទេ។ បញ្ហានេះគឺថា ដៃគូត្រូវស្វែងយល់ពីទស្សនៈរបស់ដៃគូម្នាក់ទៀត និងការយល់ចិត្តគ្នា ” ។

ពេលខ្លះអ្នកទាំងពីរអាចមានទម្លាប់ហិរញ្ញវត្ថុខុសគ្នាទាំងស្រុង។ ម្នាក់អាចមានទំនោរចំណាយច្រើន រីឯអ្នកផ្សេងទៀតចូលចិត្តសន្សំ។ ទោះបីពួកគេជាអ្វីក៏ដោយ ចូរដោះស្រាយបញ្ហាដោយគ្មានការវិនិច្ឆ័យគ្នាទៅវិញទៅមក៕

ប្រែសម្រួល៖ សាង ស្រីល័ក្ខ