KPT+
មហាសេដ្ឋីសិង្ហបុរី ធ្លាប់ជាក្មេងលក់សំណាញ់បង់ត្រី
លោក Goh Cheng Liang ជាមហាសេដ្ឋីលំដាប់ទី៣ នៃប្រទេសសិង្ហបុរី ដែលមានទ្រព្យសម្បត្តិសរុប ១៩.៤ ប៊ីលានដុល្លារអាមេរិក។ នេះយោងតាមការចុះផ្សាយទស្សនាវដ្តី Forbes ឆ្នាំ ២០២០។
មហាសេដ្ឋីវ័យ ៩៣ ឆ្នាំរូបនេះ ជាអតីតជាក្មេងក្រីក្ររៀនត្រឹមបឋមសិក្សាប៉ុណ្ណោះ។ លោកចាប់ផ្តើមជីវភាពដោយធ្វើជាអ្នកលក់សំណាញ់បង់ត្រី ប៉ុន្តែបច្ចុប្បន្នជាម្ចាស់ក្រុមហ៊ុនថ្នាំលាប Nippon Paint Holdings ដ៏ធំនៅងតំបន់អាស៊ី។
ការចាប់ផ្ដើមរកស៊ីដំបូង
លោក Goh ឈប់រៀននៅអាយុ ១២ ឆ្នាំ ដោយសារឪពុកម្តាយក្រីក្រ ហើយគ្រួសារបញ្ជូនលោកឲ្យទៅជួយលក់សំណាញ់បង់ត្រីជាមួយបងថ្លៃនៅម៉ាឡេស៊ី។ លោកវិលត្រឡប់ទៅស្រុកកំណើតឯប្រទេសសិង្ហបុរីវិញនៅឆ្នាំ ១៩៤៣ រួចបានបង្កើតអាជីវកម្មផ្ទាល់ខ្លួនដោយលក់ទឹកកាបូន ប៉ុន្តែវាបរាជ័យ។
ក្រោយមកលោកប្រែខ្លួនធ្វើជាអ្នកលក់នៅហាងលក់ឌីសមួយ រហូតក្លាយជាអ្នកលក់ពូកែម្នាក់។
ការឆក់យកឱកាសអាជីវកម្ម
ក្នុងឆ្នាំ ១៩៤៩ លោក Goh បានឃើញជនជាតិអង់គ្លេសដេញថ្លៃយកសិទ្ធលក់ថ្នាំលាប ហើយលោកបានទិញវត្ថុធាតុដើមលាយថ្នាំលាបពីរបីធុង រួចប្រើបទពិសោធន៍ផ្សេងៗដែលធ្លាប់ជួប រួមទាំងចំណេះដឹងផ្នែកគីមីខ្លះ ដើម្បីបង្កើតផលិតផលថ្នាំលាបមួយដោយដាក់ឈ្មោះថា Pigeon Paint។ មួយឆ្នាំបន្ទាប់ពីនោះ លោកបានក្លាយជាអ្នកជំនួញដ៏មានឥទ្ធិពល ដោយសាររដ្ឋាភិបាលសិង្ហបុរី រឹតបន្តឹងលើការនាំចូលថ្នាំលាប ព្រោះតែសង្គ្រាមកូរ៉េ។
ការពង្រីកវិសាលភាពជំនួញ
នៅឆ្នាំ ១៩៥៩ មហាសេដ្ឋីសិង្ហបុរីរូបនេះ បានចុះកិច្ចព្រមព្រៀងធ្វើជាដៃគូរចែកចាយផលិតផលឲ្យក្រុមហ៊ុន Nippon Paint Holdings របស់ជប៉ុន។ ក្រោយមកទៀត លោកបង្កើតក្រុមហ៊ុន Nippon Paint South-East Asia Group ហើយបានពង្រីកវិសាលភាពក្លាយជាក្រុមហ៊ុនផលិតថ្នាំលាបធំជាងគេនៅអាស៊ី ដោយដាក់សាខានៅប្រទេសម៉ាឡេស៊ី ឥណ្ឌូនេស៊ី ចិន និងហ្វីលីពីន។
បច្ចុប្បន្ន ក្រុមហ៊ុន Nippon Paint Holdings ត្រូវបានកាន់កាប់ដោយកូនប្រុសតែម្នាក់របស់លោក Goh Cheng Liang គឺលោក Goh Hup Jin។ ប៉ុន្តែខ្សែជីវិតអតីតក្មេងប្រុសក្រីក្រម្នាក់លោក Goh Cheng Liang ប្រែក្លាយជាមហាសេដ្ឋីល្បីល្បាញទូទាំងពិភពលោក ដែលមានមនុស្សជាតិរាប់លាននាក់រៀនសូត្រតាម៕
ប្រែសម្រួល៖ សន្យា
ប្រភព៖ Bloomberg
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)