រកឃើញគំនូររបស់ស្ដេច Charles ទី ១ គូរដោយវិចិត្រករស្រីជនជាតិអ៊ីតាលី

រូបគំនូរមួយផ្ទាំងដែលគេរកឃើញក្នុងឃ្លាំងទ្រព្យសម្បត្តិរបស់ស្តេច Charles I ត្រូវកំណត់អត្តសញ្ញាណថាជា ស្នាដៃកម្ររបស់ វិចិត្រករស្រីដ៏ល្បីល្បាញម្នាក់ក្នុងសតវត្សទី ១៧ ។

អង្គការ Royal Collection Trust បានឲ្យដឹងថា Artemisia Gentileschi គឺជាវិចិត្រករស្ត្រីដ៏អស្ចារ្យបំផុតនៃជំនាន់របស់នាង ហើយទទួលបានការអបអរសាទរជាច្រើន ។

បើតាមអ្នកវិភាគ ផ្ទាំងគំនូរ Susanna And The Elders ចង់បង្ហាញពីភាពខ្មាសអៀនរបស់ Susanna ដែលជាតួអង្គល្បីម្នាក់នៅក្នុងគម្ពីរ ខណៈមានបុរស ២ នាក់មើលនាងងូតទឹក ។

សម្រាប់ Artemisia វិញគឺជាសិល្បករដ៏រឹងមាំ ស្វាហាប់ និងមានទេពកោសល្យពិសេស ។ នាងជាជនជាតិអ៊ីតាលី ដែលស្លាប់នៅអាយុ ៦០ ឆ្នាំ ក្នុងឆ្នាំ ១៦៥៣ ។

មែនទែនទៅស្នាដៃគំនូរខាងលើ ត្រូវបានរក្សាទុកអស់រយៈពេលជាង ១០០ ឆ្នាំមកហើយនៅ Hampton Court Palace ។ ឥឡូវនេះវាត្រូវគេដាក់បង្ហាញជាសាធារណៈម្ដង នៅព្រះរាជដំណាក់ Windsor Castle ៕

ប្រែសម្រួល៖ វារី

ប្រភព៖ BBC

ចុចអាន៖ វិចិត្រករ​ដាណឺម៉ាក​ត្រូវសងប្រាក់សារមន្ទីរវិញ ព្រោះលក់គំនូរទទេស្អាត ក្រោមចំណងជើងដ៏ហួសចិត្ត