ផ្នត់គំនិតបីធំ​ ដែលត្រូវប្តូរភ្លាម ពេលជីវិតត្រូវ​ជាប់គាំងនឹង​វិបត្តិ

ជីវិត​ឆ្ពោះទៅមុខមួយ ត្រូវការកំណត់គោលដៅច្បាស់លាស់ តែកំណត់គោលដៅយ៉ាងដូចម្តេចនៅពេលដែលយើងមានអារម្មណ៍ថា កំពុង​ជាប់គាំង?

ស្ថានភាពជំពាក់បំណុល គ្មានផ្ទះ គ្មានការងារធ្វើច្បាស់លាស់ គ្មានចំណូលល្អ និងគ្មានអារម្មណ៍ជំនឿនូវអ្វីដែលខ្លួនចង់ធ្វើ ជាដំណាក់កាលដែលគ្រប់គ្នាតែង​តែត្រូវឆ្លងកាត់នាគ្រាណាមួយ​នៃជីវិត​រស់នៅ។

អារម្មណ៍ថាបាត់បង់ខ្លួនឯង​ និងឃ្លេងឃ្លោងគោលដៅ ជាគំនិត​ដែល​ជាប់គាំងព្រោះហិរញ្ញវត្ថុ ជាធម្មតាអាចជុំរុញឱ្យយើង​មិនដឹងថាខ្លួនចង់បានអ្វីទៀតជា​បន្តបន្ទាប់នៅក្នុងជីវិតឬអាជីពដែលមិនប្រាកដថាមកពីអ្វី​ឬនឹងដោះស្រាយដោយ​វិធីណា។

នេះជាអ្វីដែលយើងគួរធ្វើ៖

ផ្តោតលើគោលដៅតូចៗសិន

គោលដៅដែលដែលមានលទ្ធផលយើង​ធ្លាប់ដាក់កំហិតចង់បានដូចជាសម្រកឱ្យនៅ៦០គីឡូក្រាមជាគោលដៅលទ្ធផល ចំណែក​ គោលដៅរត់ ៣ ដង ក្នុងមួយសប្តាហ៍ជាគោលដៅដំណើរការ។

នៅពេលដែលជីវិត​ហាក់ជាប់គាំងដោយបញ្ហា​ច្រើនពេក គោលដៅបែបដំណើរការអាច​ផ្តល់ឱ្យយើង​នូវសកម្មភាពជាក់លាក់ ព្រមជាមួយនិងលទ្ធផល​តូចៗដែលចូលមកលើកទឹកចិត្ត ហើយ​សកម្មភាពទាំងនោះ នឹងឈាន​ទៅកំណត់ទម្លាប់ប្រចាំថ្ងៃ ថែមទាំងចូលទៅសម្លាប់ភាពអស់សង្ឃឹម​របស់យើងបន្តិចម្តងៗបានយ៉ាងមាន​ប្រសិទ្ធិភាព។

កុំឈប់ស្ងៀម

ដើម្បីដុតបញ្ឆេះកំសួលថាមពលស្មារតីនិងខាងវិញ្ញាណន យើង​អាច​បង្កើតបន្ថែម​គោលដៅសក្មភាពតូចៗនានាថែមឡើង​ដូចជា​ចូលរួម​សិក្សាសាលា អាន​ឬសរសេរ ឬហាត់ប្រាណ ឬពិភាក្សា នេះគឺជាប្រភពនៃការសម្រាកទាំងបានចំណេះ​ទាំងមិននៅស្ងៀមព្រោះថាពេលយើងរៀនអ្វីថ្មី​យើងសម្រាកបានពីក្តីទុក្ខកង្វល់ ហើយនេះជា“ មូលហេតុ” ដ៏សំខាន់បង្កើតសេចក្តីសង្ឃឹម​ឡើង​នៅក្នុងជីវិតរបស់មនុស្ស​ម្នាក់ៗ។

ប្រសិនបើមិនប្រាកដថា តើនឹង​ត្រូវចាប់ផ្តើមនៅទីណា សូមកំណត់គោលដៅអធិស្ឋានឬធ្វើសមាធិរយៈពេលពីរនាទីជារៀងរាល់ថ្ងៃឬចំណាយពេលស្រោចផ្កា ដើរ​ក្នុងធម្មជាតិ។ ស្វែងរកសកម្មភាពដែលជួយឱ្យមានទំនាក់ទំនងជាមួយប្រាជ្ញាខាងក្នុងនិងអំណាចស្មារតីខ្ពស់មកវិញ។

សាកល្បងអ្វីដែលថ្មី

នៅពេលដែលគ្រប់គ្នា​ដួលបរាជ័យ​ឬបង់ខាត រឿងដ៍ទំនង​មួយគឺអាចយើងចងសម្ព័ន្ធមនុស្សខុសឬធ្វើការ​ងារខុស ដូច្នេះ អ្វីដែលត្រូវ​ធ្វើគឺ​​ទាក់ទងជាមួយមនុស្សថ្មីឬមិត្ដភក្ដិមហាវិទ្យាល័យអតីតមិត្តរួមការងារនិងអ្នកស្គាល់គ្នា​លើ LinkedIn ដែលខានមិនបាននិយាយរាប់ឆ្នាំមកហើយ។ ចំនុចសំខាន់គឺទាញយកទស្សនវិស័យថ្មីពីជំនាញ​ឬឧស្សាហកម្មខុសៗគ្នាមកគិត ជាបទពិសោធន៍ ជាចំណេះ​ថ្មី គឺមានឥទ្ធិពលបំផុតសម្រាប់ការស្វែងរកឱកាស៕

ប្រែសម្រួល៖ សុភា

ប្រភព៖ lifehack

ចុចអាន៖ ថ្នាំទិព្វទំាងបីពេលក្រោកពីគេងមកភ្លាម

ចុចអាន៖​ ហេតុផល​​ គួរ​តែ​គោរព​និង​ឲ្យ​តម្លៃ​អ្នក​សំអាត​មាត់​ធ្មេញ​