KPT+
យុទ្ធសាស្ត្រហិរញ្ញវត្ថុដែលបណ្តាម្ចាស់អាជីវកម្មថ្មីថ្មោង គួរអាន!
និយាយជាដដែលៗ សហគ្រិនមួយចំនួនមិនបានដឹងច្រើនអំពីផ្នែកហិរញ្ញវត្ថុនៃការបើកអាជីវកម្ម រួមទាំងការគ្រប់គ្រងហានិភ័យផ្សេងៗឡើយ។ ការចាប់ផ្ដើមអាជីវកម្មដូចកំពុងតែប្រឈមមុខនឹងផ្លូវដ៏ចោតគ្រោះថ្នាក់មួយ ដើម្បីការរស់រានមានជីវិត។
ដូច្នេះហើយ ទើបក្រុមប្រឹក្សាហិរញ្ញវត្ថុ បានរួមគ្នាចែករំលែកនូវយុទ្ធសាស្ត្រមួយចំនួន សម្រាប់ម្ចាស់អាជីវកម្មយកមកអនុវត្ត៖
១. ធានាថាយើងកំពុងធ្វើប្រតិបត្តិការជាមួយរចនាសម្ព័ន្ធត្រឹមត្រូវ
នេះជារឿងចាំបាច់ក្នុងអាជីវកម្មដែលត្រូវមានរចនាសម្ពន្ធអាជីវកម្មត្រឹមត្រូវ ដើម្បីការពារខ្លួនឯងនិងអាជីវកម្ម។ រចនាសម្ព័ន្ធត្រឹមត្រូវ ក៏ធ្វើឲ្យគ្រឹះហិរញ្ញវត្ថុនិងច្បាប់រឹងមាំដែរ។
២. ពិនិត្យឡើងវិញឲ្យទៀងទាត់នូវហិរញ្ញវត្ថុ
ត្រូវពិនិត្យឡើងវិញនិងបកស្រាយរបាយការណ៍ហិរញ្ញវត្ថុដែលអាចជឿជាក់បាន រួមទាំងតួលេខសូចនាករ ប្រតិបត្តិការសំខាន់ៗឲ្យបានញឹកញាប់បំផុត តាមដែលអាចធ្វើទៅបាន។ កុំធ្វេសប្រហែស បើមិនចង់ខាតបង់ទៅថ្ងៃក្រោយ។
៣. កសាងក្រុមអ្នកប្រឹក្សាយោបល់
បង្កើតក្រុមអ្នកប្រឹក្សាយោបល់ក្នុងអាជីវកម្ម គឺជារឿងមួយដែលសហគ្រិនគ្រប់គ្នាតែងតែអនុវត្តវិធីនេះ។ ពួកគេនឹងជួយម្ចាស់អាជីវកម្មឲ្យផ្លាស់ប្ដូរការគិតគូរ ពីកម្រិតទាបនិងចំណូលចំណាយប្រចាំខែ ធៀបនឹងការចំណាយទៅរកការព្យាករណ៍ប្រាក់ចំណូលនាពេលអនាគត។
៤. រៀនពីរបៀបគ្រប់គ្រងសាច់ប្រាក់
ភាពចាំបាច់ដើម្បីទទួលបានជោគជ័យនៅដើមដំបូង គឺសមត្ថភាពក្នុងការគ្រប់គ្រងសាច់ប្រាក់។ ការគ្រប់គ្រងដើមទុននិងទម្រង់ស្មុគស្មាញ ច្រើនកើតឡើងនៅក្នុងអង្គភាពធំៗ កម្រត្រូវបានឆ្លុះបញ្ចាំងនៅក្នុងសហគ្រាសដែលគ្រប់គ្រងដោយម្ចាស់ដើមនិងសហគ្រាសដំណាក់កាលដំបូង។
សមត្ថភាពរបស់សហគ្រិនក្នុងការមើលជម្រើសនៃការព្យាករណ៍ ទាក់ទងនឹងប្រាក់ចំណូលពីគណនេយ្យ (ការខាតបង់) គឺមានសារៈសំខាន់បំផុត។
៥. អប់រំខ្លួនឯងអំពីកាតឥណទាន
លំហូរសាច់ប្រាក់វិជ្ជមានធ្វើឲ្យក្រុមហ៊ុនមិនសូវមានវិបត្តិហិរញ្ញវត្ថុ។ ប៉ុន្តែអាជីវកម្មភាគច្រើនតែងប្រឈមមុខនឹងការចំណាយលើសពីប្រាក់ចំណូលរបស់ពួកគេ (កាតឥណទាន)។ មិនមែនរាល់ឥណទានទាំងអស់គឺស្មើគ្នានោះទេ ដូច្នេះម្ចាស់សហគ្រិនភាគច្រើនត្រូវចាប់ផ្ដើមអប់រំខ្លួនឯងអំពីឥណទានជាប្រញាប់។ ដំបូន្មានដ៏ល្អគឺធ្វើការស្រាវជ្រាវស្វែងយល់ពីជម្រើសល្អៗ មុនពេលដែលត្រូវការឥណទាន។
៦. បែងចែកហិរញ្ញវត្ថុផ្ទាល់ខ្លួននិងអាជីវកម្ម
អ្វីដែលល្អបំផុតដែលម្ចាស់អាជីវកម្មអាចធ្វើបាន ដើម្បីកាត់បន្ថយហានិភ័យហិរញ្ញវត្ថុសម្រាប់អាជីវកម្ម គឺរក្សាហិរញ្ញវត្ថុអាជីវកម្មដាច់ដោយឡែកពីហិរញ្ញវត្ថុផ្ទាល់ខ្លួន។
នេះមានន័យថា បង្កើតគណនីធនាគារដាច់ដោយឡែក និងទទួលបានហិរញ្ញប្បទាន (ឧទាហរណ៍កាតឥណទានប្រាក់កម្ចី។ ល។ ) ដែលត្រូវបានប្រើបានតែអាជីវកម្មតែប៉ុណ្ណោះ៕
ប្រែសម្រួល៖ សាង ស្រីល័ក្ខ
ប្រភព៖forbes
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ