ព័ត៌មានជាតិ

កីឡាការិនីស្នូកឃ័រកម្ពុជាអង្គុយជាប់ប្រធានាធិបតីកូរ៉េខាងត្បូង ក្នុងកម្មវិធីពិសេសចូលរួមថ្នាក់ដឹកនាំកំពូលៗ

បានផុស

១ year មុន

នៅ

ថ្ងៃអង្គារ ៥ ធ្នូ ២០២៣

ដោយ

វីរកីឡាការិនីស្នូកឃ័រអ្នកនាង ស្រួង ភាវី បានបង្ហាញក្តីសប្បាយរីករាយនិងមោទនភាពមួយក្នុងនាមជាជនជាតិខ្មែរបន្ទាប់ពីត្រូវបានអង្គការមួយនៅក្នុងប្រទេសកូរ៉េអញ្ជើញនៅក្នុងកម្មវិធីពិសេសមួយ មានការចូលរួមពីថ្នាក់ដឹកនាំកំពូលរបស់ប្រទេសកូរ៉េខាងត្បូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង ស្រួង ភាវី ត្រូវបានទទួលបានការអញ្ជើញពីអង្គការ “កងទ័ពសង្គ្រោះ” ឬហៅថាទាហានសម្រាប់ជួយសង្គ្រោះឲ្យចូលរួមនៅក្នុងកម្មវិធីក្នុងនាមជាទូតសុច្ឆន្ទៈរបស់អង្គការនៅក្នុងកម្មវិធី (ការបរិច្ចាគ និងការចែករំលែក) ដែលជាព្រឹត្តិការណ៍រួមគ្នាចែករំលែកសម្រាប់ប្រទេសកូរ៉េដ៏កក់ក្ដៅ។

នៅក្នុងកម្មវិធីនេះ មានការចូលរួមដោយផ្ទាល់ពីប្រធានាធិបតីរបស់ប្រទេសកូរ៉េខាងត្បូង និងរដ្ឋមន្ត្រីធំៗរួមទាំងបណ្ដាអង្គការ អ្នកជំនួញធំៗ សិល្បករ សិល្បការិនីល្បីៗលំដាប់ប្រទេស ដែលជាអ្នកចូលរួមជួយសង្គមជាតិ ជួយសង្គ្រោះប្រជាជនតាមរយៈការបរិច្ចាគរបស់ពួកគេ។

ក្នុងនាមជាស្រ្តីខ្មែរមួយរូប អ្នកនាង ស្រួង ភាវី បានបង្ហាញអារម្មណ៍សប្បាយរីករាយ ហើយអ្នកនាងចាត់ទុកជាមហាកិត្តិយសដ៏ពិសេសក្រៃលែង។

ការចូលរួមក្នុងកម្មវិធី កីឡាការិនីកម្ពុជារូបនេះក៏បានថ្លែងទៅកាន់អង្គពិធីសម្រាប់ការដាក់កាយ ដាក់ចិត្ត បេះដូង និងហ៊ានពលីទាំងជីវិតក្នុងការចូលរួមចំណែកជួយសង្គ្រោះដល់មនុស្សក្នុងពិភពលោកដោយពុំមានការរាថយឡើយ។ ការថ្លែងនេះក៏ទទួលបានស្នូរទះដៃអបអរសាទរ និងផ្ដល់កម្លាំងចិត្តដល់រូបនាងផងដែរ។

បន្ថែមពីនេះអ្នកនាងថា «ជឿស្ដាប់តាមឱវាទរបស់ព្រះពុទ្ធសាសនា ធ្វើឲ្យខ្ញុំមានពន្លឺនៃជីវិតដល់សព្វថ្ងៃនេះ»។