KPT+

បុគ្គលល្បីល្បាញទាំង ៥ នាក់ ដែលសែនបរាជ័យមុនពេលបានដល់គោលដៅ

បានផុស

៤ years មុន

នៅ

ថ្ងៃពុធ ១០ កុម្ភៈ ២០២១

ដោយ

បរាជ័យកើតឡើងរាល់ថ្ងៃ ទាំងនៅក្នុងសាលារៀន បរិបទការងារក្នុងគ្រួសារ ក្នុងរឿងស្នេហា។ ជីវិតពេលខ្លះ ចៀសមិនផុតទេ ដែលមានវិបត្តិមកលោកធ្វើឲ្យយើងឆាប់ខឹងនិងមានគំនិតអវិជ្ជមាន។

សិក្សាពីភាពបរាជ័យនៃបុគ្គលល្បីល្បាញទាំង ៥ នៅជុំវិញពិភពលោក ដែលជួយជំរុញយើងឲ្យបន្តទៅមុខបាន ៖

១. លោកស្រី J.K. Rowling

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពេលសុន្ទរកថានៅ Harvard អ្នកនិពន្ធរឿង Harry Potter J.K. បានបង្ហាញពីសារៈសំខាន់និងតម្លៃនៃការបរាជ័យ។ ហេតុអ្វី? ព្រោះគាត់ធ្លាប់បរាជ័យម្ដងហើយ។ ” ខ្ញុំបានបរាជ័យនៅលើជីវិតអាពាហ៍ពិពាហ៍ ដែលមានរយៈពេលខ្លី តែវាបានបង្កប់អត្ថន័យ ហើយខ្ញុំបានក្លាយជាមនុស្សគ្មានការងារធ្វើ ជាឪពុកផង ម្ដាយផង តែម្នាក់ឯង”។

គាត់បានដើរចេញពីការបរាជ័យនេះ និងមានការប្ដេជ្ញាចិត្តខ្ពស់ជាងមុន គឺជាគន្លឹះនៃភាពជោគជ័យរបស់គាត់។

២. លោក Steve Jobs

Apple បានចាប់ផ្ដើមជាមួយមនុស្សពីរនាក់។ ច្រើនឆ្នាំក្រោយមក ទើបក្លាយជាក្រុមហ៊ុនដែលមានទឹកប្រាក់ ២ ពាន់លានដុល្លារ និងមាននិយោជិកជាង ៤០០០ នាក់។ ប៉ុន្តែស្ទើរតែមិនគួរឱ្យជឿ Steve Jobs ត្រូវបានបណ្ដេញចេញពីក្រុមហ៊ុនដែលលោកបានចាប់ផ្ដើម។

ការបណ្ដេញចេញធ្វើឲ្យលោកដឹងថា ចំណង់ចំណូលចិត្តចំពោះការងារលោក គឺលើសពីការខកចិត្តនិងបរាជ័យ។ ការបណ្ដាក់ទុនបន្ថែមទៀតដូចជា NeXT និង Pixar នៅទីបំផុត បាននាំឲ្យលោកអាចវិលត្រឡប់មកកាន់តំណែង ជានាយកប្រតិបត្តិនៅ Apple វិញ។

៣. លោក Bill Gates

លោកបានបោះបង់ចោលការសិក្សានៅ Harvard ដោយចាប់ផ្ដើមបើកអាជីវកម្មមួយមានឈ្មោះថា Traf-O-Data តែបែរជាបរាជ័យ ។ ប៉ុន្តែជំនាញនិងចំណង់ចំណូលចិត្តក្នុងការសរសេរកម្មវិធីកុំព្យូទ័រ បានប្រែក្លាយការបរាជ័យនេះ ទៅជាអ្នកត្រួសត្រាយឲ្យក្រុមហ៊ុន Software ដ៏ល្បីឈ្មោះរបស់ Microsoft ក្រោយមកលោកមានអាយុ ៣១ ឆ្នាំ ក្លាយជាមហាសេដ្ឋីវ័យក្មេងបំផុតរបស់ ពិភពលោក។ “ វាជាការប្រសើរណាស់ ក្នុងការអបអរភាពជោគជ័យ ប៉ុន្តែវាក៏សំខាន់ក្នុងការយកចិត្តទុកដាក់លើមេរៀន នៃការបរាជ័យ ” ។

៤. លោក Abraham Lincoln

លោកបានបរាជ័យក្នុងជំនួញនៅឆ្នាំ ១៨៣១ ហើយទទួលរងនូវជំងឺខាងសរសៃប្រសាទនៅឆ្នាំ ១៨៣៦ ហើយបានបរាជ័យក្នុងការឈរឈ្មោះ ជាប្រធានាធិបតីនៅឆ្នាំ ១៨៥៦។ Lincoln មិនមែនជាមនុស្សចម្លែកក្នុងការបដិសេធ និងការបរាជ័យឡើយ។

លោកត្រូវបានបោះឆ្នោតជ្រើសរើសនៅឆ្នាំ ១៨៦១ ជាប្រធានាធិបតីទី ១៦ នៃសហរដ្ឋអាមេរិក។ ” ភាពជោគជ័យគឺស្ថិតនៅក្នុងការឈានមួយជំហាន នៃដំណើររបស់អ្នក ” ។

៥. Michael Jordan

ខ្ញុំលេងបាល់បោះចាញ់ច្រើនជាង ៩០០០ ដងនៅក្នុងអាជីពរបស់ខ្ញុំ។ ខ្ញុំបានចាញ់ជិត ៣០០ដង បន្ថែមទៀត ។ ហើយខ្ញុំបានឈ្នះតែ ២៦ ដងប៉ុណ្ណោះ។ ខ្ញុំបានបរាជ័យម្ដងហើយម្ដងទៀត នៅក្នុងជីវិត។ នោះហើយជាមូលហេតុ ដែលខ្ញុំទទួលបានជោគជ័យ។

ភាពជោគជ័យរបស់ Michael បានមកពីកម្លាំងចិត្តរបស់គាត់ ដែលជាផ្នែកមួយនៃការលើកទឹកចិត្ត ដែលមិនគួរឲ្យជឿ និងបានជំរុញឲ្យមនុស្សទទួលបានទទួលជោគជ័យ៕

ប្រែសម្រួល៖ សាង ស្រីល័ក្ខ

ចុចអាន៖សេដ្ឋីវ័យក្មេងទំាង ១0 ដែលមានបានដោយសារការ Live Stream

ចុចអាន៖ឃ្លាលើកទឹកចិត្តពីចម្រៀង វណ្ណដា អានហើយមានកម្លាំងតស៊ូជីវិតទ្វេឡើង